¹ Israyeli ungumvini lowenabako lotitselela yena titselo. Njengoba lesitselo sakhe sikhula, wakha emalathi lamanengi. Njengobe live likhicita lokunengi, wahlobisa tinsika takhe. ² Tinhlitiyo tabo tiyakhohlisana; nyalo sekufanele betfwale licala labo. Simakadze utowabhidlita emalathi abo; utawubhidlita tinsika tabo. ³ Ngako ke batawubese batsi, '''Site inkhosi, ngobe asimesabanga Simakadze, nenkhosi- angasentela ini tsini?'' ⁴ Bakhuluma emagama labangeke bawafeze futsi bente tivumelwano ngeku sifunga emanga. Ngako umtsetfo uhluma njengencatsavanele njengelukhula lolunebutsi emiseleni yensimi. ⁵ Bahlali base Samaria batakwesaba ngobe lamatfole aseBeth Aven. Bantfu babo batila etikwabo, njengobe labobaphristi labebakhonta tithico labajabula etikwabo kanye nebuhle babo, kodvwa abasekho lapho. ⁶ Bayawukwetfwalwa baye Assyria njenge sipho seNkhosi lenkhulu. Ephraim utawuhlazeka, futsi naIsrael utawuba nemahloni netithico tabo. ⁷ Inkhosi yaseSamaria itawubhubhiswa, njengelusaba lwelukhuni etikwemanti. ⁸ Tindzawo letisetulu talabo lababi titawubhujiswa. Lesi sono seIsrael! Emanyeva netitfuma titawukhula tengce emalati abo. Labantfu batawutsi etintsabeni, ''Simbonye!'' futsi nasemagcumeni, ''welani etikwetfu!'' ⁹ ''Israel, wonile kusukela emalangeni aGibeah; lapho usele khona. Imphi ingeke yini iwendlule yini emadvodzana alabo labenta lokubi eGibeah? ¹⁰ Umangikufuna, Ngitawubacondzisa. Tive titawuhlangana kanye kanye timelane nabo futsi babe nebudlelwane lobungcolile kabili. ¹¹ Ephraim litfokati leliceceshiwe lelitsandza kubhula emabele, ngako ngitawubeka lijoke entsameni yakhe lekahle. Ngitawubeka lijoke kuEphraim; Judah utawulima; Jakobe utadvonsa sitfubo ngekwakhe. ¹² Tihlanyeleleni kulunga kwenu, bese nivuna lesitselo lesivumelwano sekwetsembeka. limani lendzawo yenu lengakalinywa, ngobe sesikhatsi sekufuna Simakadze, aze afike anise kulunga kini. ¹³ Ulime kukhohlakala; wavuna kungalungi. Udle sitselo senkohlakalo ngobe wetsembele emaswini akho nase mabutfweni akho lamanyenti. ¹⁴ Ngako kudvuma kwemphi kutophakama emkhatsini webantfu bakho, kanye nawo onkhe emadolobha atombidlitwa. Kutawuba njengaShalman abhidlita Bethi Abeli ngelilanga lemphi, ngesikhatsi bomake babulawa ngesibhuku kanye nebantfwa babo. ¹⁵ Ngako kutokwenteka kuwe, Bethel, ngenca yebubi bekukhohlakala bakho. Ngelilanga lekusa Inkhosi yaka Israyeli itobese ibulewe.''