¹ ''Ngesikhatsi Israyeli ayidvodza lencane ngamtsandza, ngase ngibitela indvodzana yami ngaphandle kweGibhithe. ² Ngesikhatsi bababita kakhulu, ngulesikhatsi bakhwesha kimi. Benta umhlatjelo kubo Bhali bashisa imphepho etitsincweni. ³ Kepha bekungimi lowafundzisa Ephraim kuhamba. Kwaku ngimi lengaba phakamisa ngemikhono yabo, kepha abatanga kutsi ngabanakekela. ⁴ Ngabahola ngetintsambo temusa, ngetibopho telutsandvo. Kubo bengifanana nemuntfu locekise lijoka emihlatsini yabo phindze ngaguca phansi kubo ngabafunta. ⁵ Ngeke yini babuyele eveni laseGibhithe? Ngeke iAssyria ibaphatse bona ngobe bala kubuya kimi? ⁶ Inkemba itawuwela emadolobheni abo bese ibhubhisa tinsimbi tekuvikela temasango abo; kutababhubhisa ngenca yetinhlelo tabo. ⁷ Bantfu bami batimisele kungijikela. Nobe bebabita Kulophakeme Kakhulu, kute lotabasita bona. ⁸ Ngingakuyekelela kanjani, Ephraim? Ngingakunikela kanjani, Israyeli? Ngingakwenta kanjani ufane njenga Adamah? Ngingakwenta kanjani njenga Zeboyim? Inhlitiyo yami seyishintjile kimi; lokhe luvelo lami lidzabukile. ⁹ Angeke ngisebentise intfukutselo yami lesabekako; angeke futsi ngibhubhise Ephraim. Ngokuba ngingu Nkulunkulu hhayi umuntfu; Ngingu longcwele emkhatsini wenu, angeke ngichamuke ngelulaka. ¹⁰ Batawuladzela Simakadze; utawubese ubhodla njenge libhubesi. Uma abhodla, bantfwana bakhe batewukuta bachachatela kusuka enshonalanga. ¹¹ Batakuta bachachatela njenge nyoni lesuka eGibhithe, njenge lituba eveni lase Assyria. Ngitawubenta baphile emakhaya abo- nguloku lokushiwo nguSimakadze. ¹² Ephraim ungigegeletele ngemanga, nendlu yaka Israyeli nekukhohlaka. Kodvwa Juda uchubeka nami, Nkulunkulu, futsi utsembekile kimi, lona Longcwele.''