¹ ''Wotani, sibuyele kuSimakadze. Ngoba usidzabule saba ticucu, kepha utasiphilisa; usilimatile, kepha utasibhandisha emanceba etfu. ² Ngemuva kwemalanga lamabili utasihlumelelisa; utasivusa ngelilanga lesitsatfu, futsi sitawuphila embikwakhe. ³ Asimati Simakadze; asiphokopheleleni kwati Simakadze. Kuphuma kwakhe kufanana nekudzabuka kwekusa; Utwukuta kitsi njengemvula, yasentfwasahlobo lemantisa umhlaba. ⁴ Ephrayemu, ngitawukwentani ngawe? Juda ngitakwentani ngawe? Kwetsembeka kwakho kufanana nelifu lasekuseni, njengenkhungu lesheshe ishabalale. ⁵ Ngako sengibajubile baba ticucu ngeba Pholofethi; ngibabulele ngemavi emlomo wami. Imitsetfo yakho ifanana nekukhanya lokukhanyisako. ⁶ Ngoba ngifisa kwetsembeka hhayi imihlatjelo, futsi nelwati lwa Nkulunkulu ngetulu kweminikelo yekushiswa. ⁷ Njenga Adam basephulile sivumelwano; abaketsembeki kimi. ⁸ IGileyadi lidolobha lalabenta lokubi labanetinyatselo tengati. ⁹ Lapho emacembu etigebengu amela umuntfu, kanjalo nebaPristi bahlangana kanye kanye kubulala labasendleleni leya eshekhemu; bente emacala lalihlazo. ¹⁰ Endlini yaka Israyeli ngibone intfo lesabisako; ingwadla ya Ephraem ikhona lapho, naIsrayeli ubese uyangcola. ¹¹ Nanawe, Juda, sivuno sesivele sikhetsiwe, lapho ngiyobuyisela tingcebo tebantfu bami