¹ Vani lelivi lengilitsatsa njengesililo kuwe, indlu ya IZrayela. ² Lentfombi iZrayeli seyiwile; ngeke isavuka; sewulahliwe endzaweni yakibo; sekute lotamuphakamisa. ³ Ngoba naku lokushiwo inkhosi Simakadze; ''Lidolobha lelaphuma nenkhulungwane litawusala nelikhulu, bese lelo lelitawuphuma nelikhulu litawusala nelishumi lalendlu yaka Izrayeli.'' ⁴ Ngoba naku Simakadze lakushoko kulendlu yaka Izrayeli: Funani mine niphile! ⁵ Ningamufuni Bhetheli; ningangeni eGilgal; ngingayi eBeersheba. Ngoba Gilgal utawutfunjwa, naBhethel utawuba lite. ⁶ Funani Simakadze niphile, noma utawuvela njengemlilo endlini ya Josepha. Utawubhubhisa futsi kutababete lotawubhula lomlilo eBhethel. ⁷ Labo bantfu batakugucula umtsetfo kube yintfo lemunyu futsi balahle labalungile phansi emhlabatsini. ⁸ Nkulunkulu wenta iPleiades ne Orion; ugugcula bumyaka kube kusa; wenta lilanga libemnyama ngebusuku bese ubita emanti elwandle; ubatsela phasi emhlabene. Simakadze libito lakhe! ⁹ Uletsa siphatamiso kulabanemandla kute kutsi lesphatamiso sehlele esigodlweni. ¹⁰ Banyanya nomangubani lobalungisisako esangweni lelidolobha, futsi batondza wonkhe lokhuluma liciniso. ¹¹ Ngoba balahlela phansi labaphuyile bese batsatsa tincenye takolo kuye- noma senakhe tindlu tematje lacotiwe kahle, ngeke nihlale kuto. Ninetingadze letinhle temagelebisi, kepha ningeke ninatse emawayini ato. ¹² Ngoba ngiyati tingakhi tikhubekiso netono tenu letinkhulu- nine lenihlupha labalungile, nitsatsa imidizo bese nibuyisa eceleni labeswele asangweni lasedolobheni. ¹³ Ngako wonkhe umuntfu lotivikelako uthulile kulesikhatsi, ngoba kusikhatsi sebubi. ¹⁴ funa lokuhle hhayi lokubi, kute uphile. Ngako Simakadze, Nkulunkulu wemikhosi, ngempela utawuba nawe, njengebo usho unguye. ¹⁵ Nyanya bubi, utsandze lokuhle wente umtsetfo esangweni lelidolobha. Mhlawumbe, Simakadze, Nkulunkulu, utawuba nemusa kubantfu labasala endlini yaJosefa. ¹⁶ Ngakoke naku lokushiwo ngu Simakadze, Nkulunkulu wemikhosi, Inkhosi, '' Kulila kutawuba kutotonkhe titandi,futsi batawukusho kutotonkhe titaladi, nako kini! nako kini! Batawubita balimi batewulila nebalili kutokhala. ¹⁷ Kuto tonkhe tingadze temagelebisi kutaba nekukhala, ngoba ngitawengca emkhatsini wenu,'' kusho Simakadze. ¹⁸ Nako kini nine lenifise lilanga la Simakadze! Nilifise lani lelilanga la Simakadze? kutawuba nebumnyama hhayi kukhanya, ¹⁹ njenga'na indvodza lebalekele emabhubesi bese libhele lihlangana nayo, noma aye endlini bese ubeka sandla kulelibondza bese inyoka iyamluma. ²⁰ Ngeke yini lilanga la Simakadze libemnyama lingabi nekukhanya? bumnyama lokungenakukhanya? ²¹ Ngiyayitondza, ngiyayenyanya imicimbi yenu, angitfokoti ngekuhlangana kwenu. ²² Noma ningiletsela umnikelo loshisiwe noma umnikelo wetinhlavu, ngingeke ngiwumukele, ngingeke ngibuke nemnikelo wekudvumisa wetilwane tenu letikhuluphele. ²³ Susani kimi umsindvo wetingoma tenu; ngingeke ngilalele umsindvo tetimfijomfijo tenu. ²⁴ Kepha, vumelani umtsetfo kugelete njengemanti, bese kulunga njengemfula legeleta njalo. ²⁵ Nangiletsele yini imihlatjelo neminikelo ehlane eminyakeni lemashumi lamane, yindlu yaka Izrayeli? ²⁶ Niphakamise titfombe taSikkuth, inkhosi yenu, na Kaiwan, nkulunkulwana wenu loyinkanyenti, lenitakhele yena. ²⁷ Ngakoke ngitanitfumba khashane neDamascus, kusho Simakadze, libito lakhe lelingu Nkulunkulu wemikhosi.