¹ Lalelani nali livi, nine tinkhomati taka Bhashani, nine lenisentsabeni yase Samaria, nine lenicindzetela labamphofu, nine leninyatsela labadzingile, nine lenitsi kubayeni benu, ''Siletseleni tinatfo''. ² Inkhosi Simakadze ifunge ngebungcwele bayo, '''Buka, emalanga atawukuta kuwe lapho batakutsatsa khona ngemahhuka, sigcino sakho bakutsatse ngemahhuka etinhlanti. ³ Niyawuphuma etikhaleni elubondzeni lwelidolobha, ngamunye wenu aphume acondze khona, futsi niyawulahlwa kubheka eHarmon- lona ngumlayeto waSimakadze. ⁴ ''Hamba ebhetheli ufike wone, uye eGiligali ufike wone kakhulu, Letsa umhlatjelo wakho njalo ekuseni, tishumi takho emuva kwemalanga lamatsatfu. ⁵ Nikela umhlatjelo wekubonga ngesinkhwa; memetela umnikelo wesihle; wumemetele ngoba loku kuyakujabulisa, nine bantfu baka Israyeli- lona ngumlayeto weNkhosi Simakadze. ⁶ Ngikunike ematinyo lahlobe kakhulu emadolobheni akho phindze nekweswela sinkhwa kuto tonkhe tindzawo tenu.Kodvwa awukabuyeli kimi- lona ngumlayeto waSimakadze. ⁷ Ngiphindze ngabamba imvula kutsi ite kini nakusasele tinyanga letintsatfu kutsi kuvunwe.Ngiyente kutsi ine kulinye lidolobha, phindze ngayenta kutsi ingani kulelinye lidolobha. Yinye incenye yendzawo yanelwa yimvula, kepha lencenye yendzawo lelingazange line kuyo yoma. ⁸ Lamabili kulamatsatfu emadolobha bahamba hamba baya kulamanye emadolobha bayonats emanti, kepha abazange benele. kodvwa awukabuyeli kimi- lona ngumlayeto waSimakadze. ⁹ Ngikutfumelele tifo letinhlobonhlobo. Bunyenti betingadze takho, tivandze takho, tihlahla takho temkhiwa, kanye netihlahla temincumo- tintsetse tatidla tonkhe. kepha solo awubuyeli kimi- lona ngumlayeto waSimakadze. ¹⁰ Nganitfumelela sishayo njengoba ngenta eGibhithe. Ngabulala emadvodza akho lasemancane ngenkemba, ngatsatsa emahhashi akho, phindze ngenta liphuma lasenkambu yakho lenyukela etimphumulweni takho. Kepha awukabuyeli kimi- lona ngumlayeto waSimakadze. ¹¹ Ngabhubhisa emadolobha lasemkhatsini wenu, njengesikhatsi Nkulunkulu abhubhisa iSodoma neGomora. Bewufana nesikhuni lesivutsako lesikhokhwe emlilweni. Kepha awukabuyeli kimi- lona ngumlayeto waSimakadze. ¹² Ngakoke ngitawukwenta intfo leyetfusako kuwe, Israyeli; futsi ngoba ngitawukwenta intfo leyetfusako kuwe, tilungiselele kuhlangana naNkulunkulu, Israyeli! ¹³ Ngako, buka! Lowo lowakha tintsaba uphindze akhe nemoya, uveta imicabangpo yakhe kumuntfu, ente bumnyama basekuseni, aphindze ahambe etindzaweni letiphakeme temhlaba. Simakadze, Nkulunkulu wemabandla, libito lakhe''.