¹ Vani lelivi Simakadze lalikhulume amelane nawe, bantfu bakaIsrayeli, kumelelene nayo yonkhe imindeni lengiyikhiphe eveni laseGibhithe: ² "Ngikhetse wena wedvwa kiyo yonkhe imindeni yasemhlabeni. Ngakoke ngitawujezisa wena kutotonkhe tono takho." ³ Bangahamba yini lababili bangakavumelani? ⁴ Ngabe libhubesi lingabhodla yini ehlatsini nangabe kute lelingakudla? Libhubesi lelincane lingahhonga yini endzaweni yalo nangabe lingakatfoli lutfo? ⁵ Inyoni ingawela yini elugibeni emhlabatsini nangabe kungekho lotsiyile? Lolugibe lungachuma yini lungakabambi lutfo? ⁶ Umakukhala licilongo edolobheni, angeke yini bantfu batfuke? Uma umonakalo wehlela lidolobha, Simakadze akakutfumeli yini wona? ⁷ Ngempela iNkhosi Simakadze ngeke yentelutfo ngaphandle imbule tinhlelo tayo etisebenti tayo baprofethi. ⁸ Lelibhubesi libhodlile, ngubani longeke esabe? Inkhosi Simakadze seyikhulumile; ngubani longeke aprofethe? ⁹ Memetela loku etigodlweni tase-Ashdod, nasetigodlweni eveni yaseGibhithe; nitsi, "Tihlanganiseni etintsabeni taseSamariya futsi nibone lokuhlangahlangana lokhulu lokukuye nekucindzeteleka kukuye. ¹⁰ Ngoba abakwati kukwenta kahle - loku kushiwo nguSimakadze - Bagcina ludlame nembubhiso etigodlweni tabo. ¹¹ Ngakoke, naku lokushiwo yiNkhosi Simakadze itsi: "Sitsa sitawutungeleta lelive, nibeke phansi tinsika temandla enu nibhidlite tigodlo. ¹² "Nakulokushiwo nguSimadze: "Njengemulisi asindzisa emlonyeni welibhubesi imilente lemibili kuphela, nome licetu lendlebe; ngako bantfu bakaIsrayeli labahlala eSamariya bangasindziswa; batawushiyeka nelikona lesitulo sekuphumula kuphela nome licetu lembhedze." ¹³ Lalela futsi ufakaze umelane nendlu yaJakobe - loku nglokushiwo yiNkhosi Simakadze, loNkulunkulu wemikhosi: ¹⁴ Ngobe ngengalilanga ngijezisa tono temaIsrayeli, ngitawuphindze ngijezise emalati aseBetheli. Letimphondvo telilati titojutjwa bese tiwela phansi. ¹⁵ Ngitobhidlita indlu yasebusika ngendlu yasehlobo. Letindlu letihlotjiswe ngematinyo lamhlophe titobhubha, netindlu letinkhulu titonyamalala - loku ngulokushiwo nguSimakadze."