¹ Maye kulabo labasetfubeni eZion, nalabo labaphephile eveni egcumeni laseSamariya, bantfu labadvumile betive letincono, kulabo indlu yaka Israel beta kutotfola lusito khona! ² Baholi benu batsi, ''Hamba eKalneh bese uyabuka; kusuka lapho hamba uyeHamath, lidolobha lelikhulu, bese uya entansi eGath yasePhilistines. Bancono yini kunebukhosi benu lobubili? Umncele wabo mukhulu yini kunewenu?'' ³ Maye kulabo labasusa lilanga lesehlakalo bese benta sihlalo seludlame sitedvute. ⁴ Balala emibhedzeni ledulile baphumule emasofeni abo. Badla timvu emhlambini nematfole esibayeni. ⁵ Bahlabela tingoma letibulima kulomculo wempalampala; batakhela bona tingubhu njengaDavide enta. ⁶ Banatsa liwayini etitjeni bese bayatigcoba ngemafutsa laconsakele, kodvwa abadzabuki ngekubhubhiswa kwaJosefa. ⁷ Ngako bayawucoshwa ekucoshweni kwekucala, nemgubho walabo labalindzile utawendlula. ⁸ Mine, Inkhosi Simakadze, ngifungile-lesi simemetelo Senkhosi Simakadze, Nkulunkulu wemabandla, ngiyakwenyanya kukhukhumeta kwaJakobe; ngiyasinenga sigodlo sakhe. Ngako-ke ngitawetfula kulelidolobha nako konkhe lokukulo.'' ⁹ Kutokwenteka kutsi nangabe kunemadvodza lalishumi lasele endlini yinye, bonkhe batawukufa. ¹⁰ Ngesikhatsi tihlobo tendvodza tifika kutotsatsa tidvumbu tabo-loyo lotoshisa letidvumbu ngemuva kwekutikhipha kulendlu - uma atsi kulomunye kulendlu, ''Kukhona yini lomunye lonawe?'' Nangabe lomuntfu utsi, ''Cha''? Utawubese utsi, ''Thula, ngako kumele singalifaki ligama laSimakadze.'' ¹¹ Ngako, buka, Simakadze utawunika umtsetfo, nendlu lenkhulu itawubhidlitwa iticucu, nendlu lencane ibe ticucu. ¹² Emahhashi ayagijima yini emadvwaleni lamahhedle? umuntfu uyalima yini lapho ngetinkhaba? Ngako ugucule bulungiswa kwaba butsi, netitselo tekulunga tababa - ¹³ wena lojabule etikwe Lo Debari, lotsi, '' Asikatsatsi yini Karinami ngemandla etfu?'' ¹⁴ Kodvwa buka, ngitawuvusa sive simelane nawe, indlu yaka Israyeli-lesi simemetelo Senkhosi Simakadze, Nkulunkulu wemabandla. Batawunicindzetela kusuka eLebo Hamathi kuya emfuleni wase Arabha.''