¹ Wase Simakadze utfumela Natani ku Davide. Wafika kuye watsi, ''Kwake kwaba khona emadvodza lamabili edolobheni. Yinye indvodza beyicebile yinye iphuyile. ² Lendvodza lecebile beyine timvu netinkhomo letinyenti, ³ kepha lena lephuyile beyingenalutfo ngephandle kwemvulensikati, lebekayitsenge wase uyayondla wayikhulisa. Yakhula naye kanye nebantfwabakhe. Lemvu phindze beyidla naye futsi inatsa enkomishini yakhe, futsi yayilala emikhonweni yakhe futsi yayifana nendvodzakati kuye. ⁴ Ngalelinye lilanga sihambi safika kulendvodza lenjingile, kepha lendvodza lenjingile ayitimiselanga kutsatsa yinye yetimvu takhe noma tinkhomo kute itomlungisela kudla. Esikhundleni, watsatsa lemvu lensikati yalendvodza lemphofu yase iyiphekela sivakashi sayo.'' ⁵ Davide washishangentfukutselo ngalendvodza lecebile, wase ukhuluma kabi ku Natali, ''Njengoba Simakadze aphila, lendvodza leyente loku kufanele ibekwe ekufeni. ⁶ Kufanele abhadale lemvu ngekuphindza kasine ngoba wente intfo lenjena, bese ngoba akanabi neluvelo kulendvodza lemphofu.'' ⁷ wase Natani utsi ku Davide, ''Nguwe lendvodza! Simakadze, lo Nkulunkulu waka Israyeli, utsi, 'Ngikugcobe inkhosi ngetulu kwa Israyeli, ngakusindzisa ngephandle kwesandla sa Sawula. ⁸ Ngakunika indlu yemphatsi wakho, kanye nebafati bemphatsi wakho esandleni sakho. Ngiphindze ngakunika indlu ya Israyeli janye naJuda. Kepha nangabe loko kube kuncane kakhulu, Bengitakunika lokunyenti kunaloku ngikwengete. ⁹ Kepha leni udzelele imiyalo yaSimakadze, kute wente lokubi emehlweni akhe? Ushaye Uriya umHethi phansi ngenkemba wae utsatsa umfati wakhe kute abe ngewakho. Umbulele ngenkemba yelibutfo aAmoni. ¹⁰ Ngako nyalo lenkemba ayiyoze iyishiye indlu yakho, ngoba wedzelele mine wase utsatsa umfati wa Uriya umHethi njenge mfati wakho.' ¹¹ Simakadze utsi, 'Buka ngitawukhulisa sigemegeme sakho endlini yakho. Embikwe mehlo akho, ngitawutsatsa bafati bakho ngibanike bomakhelwane, bese ulala nebafati bakho emini kaloga. ¹² Ngoba wente sono emfihlweni, kepha ngitokwenta loku embikwa Israyeli, ekukhanyeni.''' ¹³ Wase Davide utsi ku Natani, ''Ngonile ku Simakadze.'' Natani waphendvula ku Davide, ''Simakadze sowendlulile esonweni sakho. Angeke ubulawe. ¹⁴ Kodvwa, ngoba ngalesento wedzelele Simakadze, lomntfwana lotalwa kuwe noma kanjani utokufa.'' ¹⁵ Wase Natani uyahamba waya ekhaya. Simakadze wahlasela lomntfwana le umfati wa Uriya amtalela Davide, wase ugula kakhulu. ¹⁶ Davide wancenga Nkulunkulu ngalo mfana. Davide wazila wase ungena ngekhatsi wase ulala busuku bonkhe phansi. ¹⁷ Labadzala bendlu yakhe baphapha base bema eceleni kwakhe, kute bamvuse phansi, kepha akatange avuke, futsi akatange adle nabo. ¹⁸ Kwefika emalangeni esikhombisa lapho umntfwana afa. Tisebenti ta Davide betesaba kumtjela kutsi umntfwana abesafile, ngako batsi, ''Buka, ngesikhatsi umntfwana aphila sakhuluma naye, akazange alalele liphimbo lakho. Yini langayenta kuye nasimutjela kutsi lomfana sofile?!'' ¹⁹ Kepha Davide nakabona tisebenti takhe tihleba ndzawonye, Davide watsatsa kutsi lomntfwana abefile. Watsi etisebentini takhe, ''Sofile yini lomntfwana?'' Baphendvula, ''Sofile.'' ²⁰ Wase Davide uyasukumaesiyilweni wase uyatigeza, watigcoba yena, wase ushintja timphahla takhe. Waya ethebanekelini la Simakadze wase uyadvumisa lapho, wase uyabuyela esigodlweni sakhe. Nasakuceli, babeka kudla embikwakhe, wase uyadla. ²¹ Tase tisebenti takhe titsi kuye, ''Leni wente loku? Uzilile wase uyakhala ngalomntfwana ngesikhatsi aphila, kepha nasafile lomntfwana, usukumile wase uyadla.'' ²² Davide waphendvula, ''Ngesikhatsi lomntfwana asaphila ngazila ngakhala. Ngatsi, 'Ngubani lowati nome Simakadze utoba nemusa kimi, kute lomntfwana aphile?' ²³ Kepha nyalo loku asafile, leni kufanele ngizile? Ngangamubuyisa yin phindze? Ngeke ngiye kuye, kepha ngeke abuye kimi. ²⁴ Davide wadvudvuta Bhathisheba umfati wakhe, wase uya kuye wase ulala naye. Ekugcineni watala indvodzana, lendvodzana yetsiwa libito Solomoni. Simakadze wamutsandza ²⁵ wase utfumela livi ku Natali umphofethi kutsi ametse Jedidiya, ngoba Simakadze abemutsandza. ²⁶ Nyalo Jowabi walwa na Rabhaha wase Amonithesi, wase utfumba lidolobha lebukhosi. ²⁷ Ngako Jowabi watfumela titfunywa ku Davide wase utsi, ''Ngililwe na Rabhaha, ngase ngitsatsa emanti elidolobha. ²⁸ Nyalo ke hlanganisa lonkhe libutfo ndzawonye bese balindza kulileldolobha bese bayalitsatsa, ngoba nangabe ngilitsatsa lelidolobha, litawetsiwa emvakwami.'' ²⁹ Ngako Davide wahlanganisa yonkhe imphi ndzawonye wase uya ku Rabhaha; walwa nelidolobha base bayalitfumba. ³⁰ Davide watsatsa umchele etinhloko temakhosi abo- watilinganisa nrelithalente le golide, futsi bekune litje leliligugu kulo. Lomchele wabekwa enhloko ya Davide. Wase uletsa yonkhe lenhlekellele yelidolobha ngelinani lelikhulu. ³¹ Waletsa bbantfu labebase madolobheni wase ubaphocelela kutsi basebente ngema saha, emapiki ensimbi, emazembe; waphindze wabenta basebenta ngetitini te khilini. Davide wadzinga onkhe lamadolobha ebantfu baka Amoni kutsi bente lomsebenti. Wase Davide kanye nayo yonkhe imphi ibuyela eJerusalema.