¹ Kwefika entfwasa hlobo, ngesikhatsi lapho emakhosi ebavamise kuya emphini, kutsi Davide watfumela Jowabi, inceku yakhe, kanye nayo yonkhe imphi yaka Israyeli. Babhubhisa imphi yema Amoni base bavimbetela Rabhaha. Kepha Davide wahlala eJerusalem. ² Kwase kuyefika ngabunye busuku kutsi Davide wasukuma embhedzeni wakhe wase uyahamba ngetulu kwendlu yesigodlo sakhe. Khona lapho kwase kwenteka ubona umfati ageza, futsi lomfati abemuhle kumbuka. ³ Ngako Davide watfumela wase ubuta bantfu labebangati ngalomfati. Lomunye watsi, ''Akusyye yini Bhathisheba, indvodzana ya Eliyami, futsi akasuye yini umfati wa Uriya um Hethi?'' ⁴ Davide watfumela titfunywa wase uyamtsatsa; weta kuye, wase uyalala naye (ngoba abetihlambulule yena esikhatsini). Ngako wase ubuyela endlini yakhe. ⁵ Lomfati wakhulelwa, wase uyatfumela watjela Davide; watsi, ''Ngikhulelwe.'' ⁶ Wase Davide utfumela Jowabi atsi, ''Ngitfumele Uriya um Hethi.'' Ngako Jowabi watfumela Uriya ku Davide. ⁷ Nakafika Uriya, Davide wambuta kutsi Jowabi abenjani, kutsi libitfo belenta njani, nekutsi imphi beyihamba njani. ⁸ Davide watsi ku Uriya, ''Hamba entasi ekhaya lakho bese ugeza tinyawo.'' Ngako Uriya wasishiya sigodlo senkhosi, yase inkhosi itfumela sipho sa Uriya emva kwekuhamba. ⁹ Kepha Uriya walala emnyango esigodlweni senkhosi kanye nato tonkhe tisebenti temphatsi wakhe, futsi akahambanga kuya entasi endlini yakhe. ¹⁰ Nabatjela Davide, ''Uriya akayi entasi endlini yakhe,'' Davide watsi ku Uriya, ''Awukabuyi yini eluhambeni? Awukayi leni entasi endlini yakho?'' ¹¹ Uriya waphendvula Davide, '' Umbhoshongo, kanye na Israyeli kanye na Juda bahleti emathendeni, kanye nemphatsi wami Jowabi kanye nenceku yemphatsi wami balindze emasimini lavulekile. Kodvwa kanjani ngiye endlini yami kuyo kudla bese ngiyanatsa bese ngilala nemfati wami? Njenge kuciniseka njengoba uphila, ngeke ngikwente loku.'' ¹² Ngako Davide watsi ku Uriya, ''Hlala lana namuhla phindze, bese kusasa ngitakuvumela uhambe.'' Ngako Uriya wahlala eJerusalema ngalelo langa kanye nalelilandzelako. ¹³ Ngesikhatsi Davide amubita, wadla wase uyanatsa embikwakhe, wase Davide wamenta wadzakwa. Kusihlwa Uriya waya kuyolala embhedzeni wakhe netisebenti temphatsi wakhe; akayanga entasi endlini yakhe. ¹⁴ Ngako ekuseni Davide wabhala incwadzi ku Jowabi, wase uyitfumela ngesandla sa Uriya. ¹⁵ Davide wabhala atsi, ''Beka Uriya embili kwalapho imphi ishube khona, bese uyakhwesha kuye, kute atoshaya bese uyabulawa.'' ¹⁶ Ngako Jowabi wabukela bavimbetela lidolobha, walawula Uriyakulendzawo lapho abekati lemphi lenemandla lapho emasotja atobe alwa khona. ¹⁷ Lapho emadvodza alelidolobha aphuma ase ayolwa nelibutfo la Jowabi, lamanye emadvodza a Davide awa, wasw Uriya umHethi naye wabulawa. ¹⁸ Lapho Jowabi atfumela livi ku Davide mayelana nako konkhe lebekuphatselene nemphi, ¹⁹ wayala sitfunywa, atsi, ''Sewucedze nini kutjela tonkhe letintfo mayelana nemphi enkhosini, ²⁰ kungenteka kutsi inkhosi itokwata, bese itsi kuwe; Leni uhambe dvutane edolobheni uyokulwa? Bowati kutsi batodubula elubondzeni? ²¹ Ngubani lowabulala Abhimelekhi indvodzana ya Jerubhi_Beshethi? Akabulawa yini ngumfati lojike imbokodvo yelitje kuye elubondzeni, kute afe eThebezi? Uhambele leni madvute elubondzeni?' Ngako kufanele uphendvule, 'Sisebenti sakho Uriya umHethi naye ufile.'' ²² Ngako lesitfunywa sahamba saya ku Davide sase simutjela konkhe labe Jowabi amtfume kutsi akusho. ²³ Sase lesitfunywa sitsi ku Davide, ''Lesitsa besinemandla kunakucala; bete kitsi emasimini, kepha sabacoshela emuva ekungeneni kweligede. ²⁴ Base badubuli babo badubula emasotja abo elubondzeni, letinye tisebenti tenkhosi tabulawa, yase nencuku yakho Uriya umHethi uyabulawa naye.'' ²⁵ Wase Davide utsi kulesitfunywa, ''Tsani loku ku Jowabi, 'Ungacali uvumele loku kukujabhise wena, kulalababulala ngenkemba kulomunye nalomunye. Yenta imphi yakho ibenemandla kunaleli dolobha, bese uyaliketula, ' bese uyamkhutsata.'' ²⁶ Ngako ngesikhatsi umfati wa Uriya eva kutsi Uriya indvodza yakhe ifile, wamuzilela kakhulu umyeni wakhe. ²⁷ Nabengca buhlungu bakhe, Davide watfumela wase umtsatsa ekhaya esigodlweni sakhe, wase uba ngumfati wakhe wamutalela indvodzana. Kepha Davide labe kwentile bekungakamutfokotisi Simakadze.