¹ Kwefika ngemuva kwaloku kutsi indvodzana ya Davide Abusalomu yaba nadzadze wayo lomuhle lobeka bitwa ngekutsi ngu Tamari, futsi indvodzana ya Davide Amnoni yayi mutsatndza. ² Amnoni watfukutsela kakhulu wate wagula ngenca yadzadze wabo Tamari. Abelitjitji, futsi kwabukeka kulikhuni ku Aminoni kwenta lutfo kuye. ³ Kepha Amnoni abenemungani lobeka bitwa ngekutsi ngu Jonadabhu indvodzana ya Shimeya, umnakabo Davide. Jonadabhu kwaku yindvodza beyilicili. ⁴ Jonadabhu watsi ku Aminoni, ''Leni, ndvodzana yenkhosi, ucindzeteleke njalo ekuseni? Ngabe angeke ungitjele?'' Ngakoke Aminoni wamuphendvula, '' Ngiyitsandzela Tamari, dzadze wemnaketfu Abusalomu.'' ⁵ Laphoke Jonadabhu watsi kuye, ''Lala phasi embhedzeni wakho bese wenta shengatsi uyagula. Uma uyise efika kutoku hlola, mucele, 'Ngicela ungitfumelele Tamari atewungiletsela lenginga kudla aphindze akupheke embikwami, kute ngitokubona ngiphindze ngidle esandleni sakhe?" ⁶ Ngakoke Aminoni walala phasi wenta shengatsi uyagula. Ngesikhatsi inkhosi ifika kuto muhlola, Aminoni watsi enkhosini, ''Ngicela utfumele dzadze wetfu Tamari kutsi angentele kudla kwalo kugula kwami ngitokhona kudlela esandleni sakhe.'' ⁷ Laphoke Davide watfumela livi kuTamari esigodlweni sakhe, atsi, ''Hamba nyalo uye endlini yemunakenu Aminoni ufike umulungisele kudla.'' ⁸ Ngakoke Tamari waya endlini yemnakabo lapho abelele khona. Watsatsa inhlama wayihlanganisa wakha sinkhwa phambi kwemehlo akhe, wabese uyasibhaka. ⁹ Watsatsa lipani wabese umuniketa lesinkhwa, kepha wancaba kudla. Laphoke Aminoni watsi kulabo bebakhona, '' Tfumelani wonkhe muntfu ngaphandle, basuke kimi.'' Ngakoke bonkhe baphumela ngaphandle. ¹⁰ Ngakoke Aminoni watsi ku Tamari, ''Letsa lokudla egumbini lami kute ngitokudla esandleni sami.'' Ngakoke Tamari watsatsa lesinkhwa bekasentile, wabese usiletsa egumbini lemnakabo Aminoni. ¹¹ Nasa kuletsile lokudla kuye, wamubamba ngesandla wabese sotsi kuye, ''Buya utolala nami, dzadze wami.'' ¹² Wamuphendvula, ''Chake, mnaketfu, ungangi phoceleli, ngoba kute intfo lenjengalena ka Israyeli. Ungayenti lentfo lena lene lihlazo! ¹³ Nginga lisusannjani lelihlazo lami? Wena ke? Utawufana naletilima letinye taka Israyeli! Nyalo, ngiyakucela khuluma nenkhosi, ngoba akakhonanga kungigcina khashane kunawe.'' ¹⁴ Kephake Aminoni abengakhoni kumulalela futsi ebenemandla kunaye, ngakoke wamuhlulekisa wabese ulala naye. ¹⁵ Laphoke Aminoni watondza Tamari ngenzondo lenengi. Lenzondo abemutondza ngayo yase yingetulu kuna lelitsandvo abemutsandva ngalo. Aminoni watsi kuye, ''Vuka uhambe.'' ¹⁶ Kepha wamuphendvula, ''Cha! Ngoba lobubi lobukhulu bekutsi mine ngihambe kwengama loku longente kona! Kepha Aminoni akamulalelanga. ¹⁷ Kephake, wabita sisebenti sakhe lesibhekene naye watsi, Tsatsa lowe sifazane umukhweshise kimi, bese uvala sivalo ngemuva kwakhe.'' ¹⁸ Laphoke sisebenti sakhe samukhiphela ngaphandle savala sivalo ngemuva kwakhe. Tamari abegcoke ingubo lehlotjisiwe ngoba emadvodzakati enkhosi labeka matjitji abegcoka lamajazi lawa. ¹⁹ Tamari watsela umlotsa enhloko yakhe wabese udzabula lengubo yakhe lenhle lehlotjisiwe. Wabeka tandla enhloko yakhe wabese uyahamba, abehamba akhala. ²⁰ Abusalomu umnakabo watsi kuye, ''Ngabe Aminoni umnaketfu uke waba nawe? Kepha nyalo thula, dzadze wetfu. Ngumnakenu. Ungakutsatsi loku ukubeke enhliiyweni.'' Ngakoke Tamari wahlala yedvwa endlini yemnakabo Abusalomu. ²¹ Kepha ngesikhatsi inkhosi Davide itiva letintfo leti, watfukutsela kakhulu. ²² Abusalomu kute lakusho ku Aminoni, ngoba Abusalomu abemutondza ngalabeka kwente kuye futsi abehlaze dzadzewabo Tamari. ²³ Kwefika ngemuva kweminyaka lemibili kutsi Abusalomu abene bahhuli betindvu basebenta e Bhali Hazor, lesedvute nase Ephrayemu, futsi laphoke Abusalomu wamema onkhe emadvodzana enkhosi. ²⁴ Abusalomu waya enkhosini watsi, ''Bona nyalo, sisebenti sakho sesinala bahhula timvu. Ngiyacela, shengatsi inkhosi kanye netisebenti tayo tingahamba nami, sisebenti sakho.'' ²⁵ Inkhosi yamuphendvulwa Abusalomu, ''Cha, ndvodzana yami, ngeke sonkhe sihambe ngoba sitawuba ngumutfwalo kuwe.'' Abusalomu wayincenga inkhosi, kepha yancaba kuhamba, kephake yamuniketa sibusiso sayo. ²⁶ Laphoke Abusalomu watsi, ''Nakungekho njalo, ngicela umnaketfu Aminoni ahambe natsi.'' Ngakoke inkhosi yatsi kuye, ''Leni Aminoni ahambe nawe?'' ²⁷ Abusalomu wacindzetela Davide, ngakoke wavumela Aminoni kanye nawo onkhe emadvodzana enkhosi kutsi ahambe naye. ²⁸ Abusalomu wayalela tisebenti takhe watsi, ''Lalelani kahle. Ngesikhatsi Aminoni acala adzakwa nguleli wayini, nasengitsi kini, 'Hlaselani Aminoni,' laphoke nimubulale. Ningesabi. Angika niyaleli yini? Bani nesi bindzi nicine.'' ²⁹ Ngakoke tisebenti taAminoni tenta njengobe abetiyalele. Laphoke onkhe emadvodzana enkhosi asukuma, lapho yonkhe indvodza yegibela imbogolo yalo yabaleka. ³⁰ Ngakoke kwefika, basese ndleleni, letindzaba kuDavide kutsi, ''Abusalomu abebulele onkhe emadvodzana enkhosi, futsi kute namunye losele.'' ³¹ Laphoke inkhosi yasukuma yadzabula timphahla tayo, yabese ilala phasi; tonkhe tisebenti takhe tema eceleni netimphahla tidzatjuliwe. ³² Jonadabhu indvodzana ya Shimeya, umnakabo Davide, waphendvula watsi, ''Umphatsi wami akanga kholelwa kutsi babulele tonkhe letinsizwa letinge madvodzana enkhosi, ngoba kushone Aminoni kuphela. Abusalomu abekuhlela loku kusukela ngalelilanga Aminoni ahlukubeta dzadzewabo Tamari ngalo. ³³ Ngakoke sikhulu sami inkhosi ayingawutsatsi lomubiko iwufake enhlitiyweni, lowekutsi onkhe emadvodzana enkhosi ashonile, ngoba nguAminoni kuphela loshonile.'' ³⁴ Abusalomu wabaleka. Sisebenti sasigadzile siphakamise emehlo aso sabese sibona bantfu labanyenti bachamuka emugacweni losentsabeni lese nshonalanga kwakhe. ³⁵ Laphoke Jonadabhu watsi enkhosini, ''Buka emadvodzana enkhosi ayeta. Kunjengobe sisebenti sakho sishilo.'' ³⁶ Ngakoke kwefika ngesikhatsi acedzile kukhuluma, emadvodzana enkhosi efika aphakamisa emavila alila. Inkhosi kanye nato tonkhe tisebenti tayo takhata bumayemaye. ³⁷ Kepha Abusalomu wabaleka wayohlala ku Thalimali wase Amihudi, inkhosi yase Geshuri. Davide abetilele indvodzana yakhe mihla nemihla. ³⁸ Ngakoke Abusalomu wabaleka waya eGeshuri, lapho wahlala khona iminyaka lemitsatfu. ³⁹ Ingcondvo yenkhosi Davide abelangazeelele kuyobona Abusalomu, ngoba wadvudvuteka nga Aminoni nekufa kwakhe.