¹ Sanzi uatuli, ni we kete u atulwe. ² Mo atwira nawe mwete utwirwe, Mi mulikaniso wo likanisa,ni wee mukulikaniswe . ³ Chinzi holola chitoweze muliso lyo mukwenu, kono ko lemuhi chikutoweze muliso ya ko? ⁴ U wola bule kuwamba kumukwenu,kuti nisaka kuku zwisa chimutoweze muliso, kono mu liso lya ko kwina chikutowenze na wee ? ⁵ Iwe ulihele! tange u zwise chikutoweze muliso lyako, linu mobone site ni ku wola kuzwisa chitoweze mukwako muliso . ⁶ Musiye kuha zilyo zi njolola ku ba mbwa,mu siye ku sohela mabwe abutokwa habusu bwe zingulube.Ha kuba bulyo zi wola ku a lyatola cha matende,mi ni kubola kwiza ku kuñatola hakati. ⁷ Kubile, ko hewe . Sake,mo wane. Ngongote, mo wi lyalulwe ⁸ Mi yese ukubila u hewa , mi yese usaka, uwana. Mi mutu u ngongota , we wulilwa. ⁹ Kapa kwina mutu mukati kenu, kuti mwana nkwe ha mukubila inkoko, linu umu ha ibwe? ¹⁰ kapa ha kubila inswi, amu muhe inzoka? ¹¹ Chobulyo, heba inwe mu babilala mwinzi kuha impo indotu ku bana benu, kuwola kuba bungi bule kwe Ishenu wina mwi wulu kuha zitu zilotu kwabo ba mukumbila? ¹² Chobulyo, zintu zonse zi musaka kuti bantu ba mitendele, na nwe muziba tendele, kakuti ichi nji mulawo ni ba porofita. ¹³ Njile mwi nzila i ñuñu .Mulyango u zaseme ahulu ni kwiyaluka ahulu ulolete ku kufwa ,Mi batu ba bangi ba yenda mwayo. ¹⁴ Mulyango muñuñu ni nzila iñuñu zitwala kubu halo,mi bache baiwana. ¹⁵ Mutiye maporofita ba mapa,ba keza kwenu ni chizwato chengu kono buniti ba tuhu bafile zala. ¹⁶ Kezihatu zabo mobezibe.Kana batu ba kunganya zichelatu ze waine ku chisamu cha miya kapa i efenga kuzwa kwi inkoma? ¹⁷ Mwi nzila iswana,cose ci samu cilotu ciha zi chelatu zilotu, kono cisamu cibi ciha zichelatu zivi. ¹⁸ Chisamu chilotu kachi woli kuha zihatu zivi,ni chisamu chivi kachiwoli kuha zihatu zilotu. ¹⁹ Chose chisamu chisa biki zihatu zilotu chikankwa ni kusohelwa mulilo. ²⁰ ha kuva bulyo ,mu mu bezibe cha zihatu zabo. ²¹ Kahena bantu bonse bati kwangu, 'Simwine, Simwine,' bete ni be njile mubuso we wulu, kono konji abo bulyo batenda intato ya Itayo wina mwi wulu. ²² Bungi bwa bantu kaba cho kwangu mwe ilyo izuba, 'Simwine, Simwine, kana tuba porofiti mwi zina lyako, mwi zina lyako ku hindiki madimona, imi mwi zina lyako kutenda zintu zingi zikomokisa? ²³ Linu kani balwile halukanda, 'kena ni bamizi! Muzwe kwangu, inwe mutenda zibilala!' ²⁴ linu, yese uzuwa mazwi angu ni ku e chilila u swana sina muntu yozaka inzumbo yakwe he bwe. ²⁵ Invula haisoka , muunda ukeza, ni huho likeza ziza kundama he nzubo, kono kaiwiri hasi, kakuti ibazakwa he bwe. ²⁶ Chi kwina bulyo yese uzuwa mazwi angu kono ka e chilili u swana sina mutu we chihole uzaka izubo yakwe he seke seke. ²⁷ Invula ikeza hansi, muunda ukeza, ni luhuwo luhunga ni kundama izumbo,cwale iwa,ni kushinyeha tota." ²⁸ Ha kuvakuti Jesu chamana kuwamba mazwi aa,vungi bwa vantu chiva komoka ituto ya kwe, ²⁹ cwale chaba luta sina wina mata ,isinyi sina vanoli ba mulawo.