¹ Na ki dias i temba grandi multidon ma e ka teneba nada pa kume. Jeus tchoma si disipulus i fala elis: ² '' N'tene pena di es multidons, pabia e sta dja li tris dias e ka tene di kume. ³ Sin n'fala elis pa e bai, e na bai passa mal na kaminhu . ⁴ Si disipulus ruspundi: '' nunde ku no pudi otcha pon ku na tchiga pa fartanda e guintis na e es lala?'' ⁵ Jesus punta: '' kantu pon ku bo tene?'' E fala: ''sete''. ⁶ I manda ki multidon pa e sinta na tchon. I pega ki pon i gardisi i padasa elis; i da pa disipulu pa e sirbi guintis, e sirbi ki multidon. ⁷ 7 I temba tambi algun pis, i dipus di gardise; i da si disipulu pa e sirbi. ⁸ E kume tok e farta. Disipulus djunta ki restu ku sobra na seti kufus garandi. ⁹ I temba la un kusa di kuatro mil omis. Jesus dispidi elis. ¹⁰ Logu djanan i bai pa barku ku si disipulus e bai pa region di Dalmanuta. ¹¹ La ku farizeus bin e kunsa na diskuti ku el. E pidil un sinal di seu pa pudi testal. ¹² I da folgu fundu na si Spiritu, i fala:''pabia ku es mandjuandadi na buska un sinal? Na konta bos bardadi di kuma nin un sinal ka na dadu pa es mandjuandadi''. ¹³ I disa elis i m'barka mas na barku i bai pa utru ladu. ¹⁴ I bin sedu kuma disipulus diskisi pa leba pon. E teneba son un pon na barku. ¹⁵ Jesus konsidja elis: '' bo fika atentu i bo guada bo kabesa di fermentu de farizeus ku fermentu de Herodis''. ¹⁶ Disipulus na papiaba anti delis: '' I pabia no ka tene pon''. ¹⁷ Jesus n'tindi kila i fala elis: '' pabia ku bo na papia kuma bo ka tene pon? Bo ka pirsibi inda? Bo ka n'tindi? Bo korson sta risu? ¹⁸ Bo tene udju bo ka ta odja? Bo tene oredja bo ka ta obi? Bo ka lembra? ¹⁹ Otcha ku n'dividi sinku pons na metadi di sinku mil guintis, kantu kufus di pons ku bo rakada? E ruspundil: ''dozi'' ²⁰ '' I otcha ku n'dividi sete pons na metadi di kuatro mil guintis, kantu kufus ku bo rakada?'' E fala: ''seti'' ²¹ Logu I punta elis: '' Te gosi bo ka n'tindi inda?'' ²² E tchiga betsaida guintis leba un segu te ninde Jesus e pidil pa i tokal ²³ Jesus pegal na mon i labal fora di tabanka. Otcha ki kuspil na udju i pui mon riba del, i puntal: ''bu na odja algun kusa?'' ²⁴ I alsa udju i fala: '' na odja omis ku parsi ku arvoris ku ianda''. ²⁵ Dipus i tokal mas na udju; omi kunsa odja diritu i odja tudu limpu pus. ²⁶ Jesus mandal pa kasa i fala: ''ka bu entra na prasa''. ²⁷ Jesus bai ku si disipulus pa tabanka di sizareia di Filipi. Na kaminhu i punta disipulus: '' kin ku guintis ta fala kuma n'sedu?'' ²⁸ E ruspundil: '' Djon Batista. Utrus fala '' Elias''; utrus (un profetas). ²⁹ I punta elis: '' ma kin ku bo ta fala kuma n'sedu?'' Pedru ruspundi i fala ( Abo i Kristu) ³⁰ Jesus aviza elis pa ka e konta ninguin del. ³¹ I kunsa na sina elis kuma Fidju di Omi dibidi sufri manga di kusas garandi, saserdotis ku skirbiduris na negal, i na matadu, i na lanta di mortu dipus di tris dias. ³² I fala es sin sukundi. Logu Pedru, tchomal elis dus son i kunsa na djusia ku El. ³³ Ma Jesus rabida i djubi pa disipulus I djusia ku Pedru, I fala: '' satanas sai tras di mi! Bu ka ta pensa na kusas di Deus ma di omis''. ³⁴ Logu i tchoma multidon ku disipulus i fala: '' si alguin misti siguin, pa i naga si kabesa, i toma krus i siguin. ³⁵ Pabia kil ku misti salva si vida, i na pirdil, i kil ku pirdi si vida pabia di ku di evangelio, es na salva. ³⁶ ke ku ina risibi kil ku ganha mundu tudu ma i pirdi si vida? ³⁷ Ke ku omi na da pa torkia ku si vida? ³⁸ Tudu kin ku burgunhu Mi ku nha palavra, na es mandjuandadi ku ta fasi pekadu, Fidju di Omi na burgunhu el ora ki bin na gloria di si Pape ku Santo Anjus.''