¹ Fariseus ku utrus skribas ku bimba di Jerusalem. E djunta a volta di Jesus. ² E odja alguns di si disipulus na kume ku mon susu. ³ dipus Fariseus ku tudu Judeus e ka ta kume sin laba mon, pabia e guarda inda kustume di antigo. ⁴ Ora ke ribaba di fera fariseus ka ta kumeba sin laba. I temba regras risu ku ta inklui laba kopus, jarus, vasu di bronzi. ⁵ Farizeus ku skribas punta Jesus, (pabia ku disipulus ka ta vivi suma kustumu di garandis pabia e ta kume sin laba mon)? ⁶ Jesus ruspundi elis: ''findjiduris Izais papia ba dja aserka di bos e povu e ta n'gabau ku se boka, ma se korson sta lundju di mi. ⁷ e ta fasin kultu vaziu, pa n'sina regras ku dutrina di omis. ⁸ Bo abandona mandamentu di Deus bo pega na tradison di omis. ⁹ I fala elis inda: '' pabia di bo n'teres bo nega mandamentu di Deus pa manti na bo kustumu! ¹⁰ Moises fala kuma: rispita bu pape ku bu mame, kul ku papia mal ku si pape ku si mame, ku serteza i na muri''. ¹¹ Anta bo ta fala: si omi fala pa si pape o si mame '' kualker ajuda ku na risibi di mi i korban,'' ( es misti fala pati pa Deus), ¹² pabia des ka bo pirmiti pa e fasi algun kusa pa si pape o pa si mame. ¹³ Bo ta nula mandamentu di Deus pa tradison ku bo ta pasanta pa utru. Bo ta fasi manga di kusas ku parsi ku n'ghutru. ¹⁴ Utru bias, e tchamal pa multidon e fala ellis: '' abos tudu bo obi ke ku n'fala, bo n'tindi. ¹⁵ I ka ten nada, di fora ku pudi entra na omi pa kontaminal. ma ki ku sai dentru del ku ta kontaminal. ¹⁶ Si alguin tene oredja pa obi, pa i obi. ¹⁷ Na ki mumentu, otcha ku Jesus disa multidon i entra na kasa, si disipulus puntal sobri komparason. ¹⁸ Jesus fala: ''abos tambe bo kontinua ka n'tindi? Bo ka odja kuma tudu kil ku entra pa omi i ka pudi tornal impuru, ¹⁹ pabia es ka pudi entra na si korsan, ma i ta bai pa bu stomagu dipus i ta sai pa fora''. ku es afirmason, Jesus diklara tudu kil alimentos puru. ²⁰ I fala: '' kil ku sai di omi iel ku ta torna mantchal. ²¹ Pabia dentru di korsudu e malis ta nasci di dentroon i ta nansi mau pensamentus, ku pekadu sexual, furtu, matadur. ²² Kil ku ta dita ku mindjer di utru alguin, n'veja, mau kusas, n'ghanadur, provokason, dana alguin nome na kusa ki ka fasi, ialsa kabesa ku kusas di tulesa. ²³ Tudu e malis ta nassi di dentru, el ku ta torna omi impuru. ²⁴ E sai di la e bai pa region di tiro ku sidon. E entra nun kasa e ka mistiba pa ninguin sibi kuma e staba la, ma e ka pudiba sukundi. ²⁵ ku ora djanan, un mindjer ku tene fidju pikininu i teneba spiritu mau, i obi faladu di Jesus, i bin finka dju-dju na si pe. ²⁶ tudu manera mindjer i eraba grega di origen siro-fenicia. El i pidi pa i tiral dimoniu na si fidju. ²⁷ Jesus falal: '' disa pa mininus e alimenta primeiru. I ka bon pa tira pon di mininu pa da pa katchuris''. ²⁸ Suma ki ruspundi: '' sin-sinhor, ma ate Katchuris bas di masa e ta kume retu di bianda ku ta kai na tchon''. ²⁹ Jesus falal: ''pabia ke fala, sta livri pa bai dimoniu sai na si fidju''. ³⁰ I riba pa kasa i odja mininu ditadu na kama, dimoniu saiba dja nel. ³¹ Jesus sai di nobu na region di tiru I pasa na sidon ate na mar di Galileia, na region di Kapulis. ³² E tisiba un surdu ku ka pudiba papia diritu, e pidi pa Jesus pui si mon nel. ³³ I tiralba na metadi di manga di guintis e sta elis dus son, i pui dedus na si oredja, dipus i kuspi, i toka na si lingua. ³⁴ Jesus djubi pa seu, i da folgo fundu i fala: '' Efata!'', ku signifika, '' iabri!'' ³⁵ Ki ora si oredja iabri, kil ku danaba si lingua i tiral, dila i pudi djanan papia limpu. ³⁶ I fala kuma pa ka konta ninguin nada. Mas ke mistiba tudji elis , mas ke ta konta ki noba. ³⁷ E kontentiba dimas, e fala: '' i fasi bon kusas. I fasi pa surdu obi pa mudu papia''.