¹ E kamba pa utru ladu di mar, na region di Gerasenos. ² odja ku Jesus sai na barku, un omi ku tene spiritu mau, sai na sumunteru, i bin pa el. ³ Ki omi ta moraba na sumunteru. Ninguin ka pudiba prindil, niguin ka tene forsa pa dominal, ⁴ i prindiduba manga di bias ku korenti, ma i sapal, pabia i teneba manga di dimonius nel. ⁵ Tudu dias ku di noitis, na sumunteru ku montanha, i ta fikaba i na grita i lanha si kurpu ku perdra gudu. ⁶ otcha ki odja Jesus di lundju, i kuri i finka djudju si dianti. ⁷ I na gritaba ku voz altu i na fala:'' ke ku n'ten ku bo, Jesus, Fidju de Deus Garandi''? Na pidiu, pa Deus, ka bu kastigan. ⁸ Pabia Jesus falalba: ''sai nel spiritu mau''. ⁹ Ma Jesus puntal:'' kuma ki bu nomi''? i ruspundil:'' nha nomi i multidon, pabia anos no tchiu''. ¹⁰ E pidi pa Jesus manga di bias pa I ka tira elis fora di prasa. ¹¹ I ten ba manga di purkus kuna kudji-kudji pertu di monti, ¹² ki spiritu mau pidilba i falal:'' mandanu entra na ki purkus; disanu entra nelis''. ¹³ Jesus disa elis. Na ki ora spiritu mau sai e entra na ki purkus, e seduba kuas dus mil, e kuri pa un riada, e kai na mar e foga. ¹⁴ Ma ki bakiaduris ku na bakiaba purkus kuri, pa bai konta na prasas ku tabankas tudu guintis kuriba pa bin djubi ke ku na pasa. ¹⁵ Otcha ke tchiga nunde Jesus, e odja ki omi ku teneba spiritu mau, kil ku teneba manga di dimonius, bisti diritu, i sinta e fikaba ku medu. ¹⁶ Kilis ku odja tudu ku akontesi ku omi ku tene spiritu nau konta ke ku pasa ku ki omi tambe ku ki purkus. ¹⁷ E kunsa na pidi pa Jesus sai na se tera. ¹⁸ Otcha ki na entraba na barku, ki omi ku teneba spiritu mau pidil pa i bai ku el. ¹⁹ Ma Jesus, ka seta, i falal:'' riba pa bu kasa ku bu povu bu bai konta ke ku Deus fasi pa bo manera ki tene pena di bo.'' ²⁰ Asin omi bai pa kasa i konta na Dekapolis tudu ki kusas ku Jesus fasi pa el. Tudu guintis fika kontenti. ²¹ Otchaa ku Jesus kamba na barku, pa utru ladu, un garandi multidon di gintis bai djunta ku El, otcha ki staba pertu di mar. ²² Un omi tchamadu Jairu, ku seduba xefi na sinagoga, i bin pa Jesus i m'pina si dianti otcha ki odjal. ²³ I pidilba manga di bias, i na falaba:'' nha fidju femia, pertu muri. Na pidiu pa bu pui mon riba del son i fika kuradu''. ²⁴ Jesus bai ku el. Aasin ki manga di guintis bai se tras. ²⁵ I temba un mindjer ku teneba un duensa ku ta fasil pirdi sangui, duranti dozi anus. ²⁶ 26 I ta sufriba tchiu na mon di manga di medikus ku duturis i gastaba tudu ki teneba, ma i ka san; kada dia i na piora. ²⁷ 27 Otcha ki obi faladu di Jesus i bai si tras, na metadi di ki manga di guintis, i toka si manta. ²⁸ I falaba na si sintidu:'' si n'toka na si ropa na sedu kuradu''. ²⁹ Kil ora, i para pirdi sangui i sinti kuma si kurpu staba libertu di si sufrimentu. ³⁰ Na ki ora Jesus sinti kuma puder saiba nel. I vira na metadi di ku multidon I punta: '' kin ku toka nha ropa''? ³¹ Si disipulus falal: ''bu odja guintis tchiu kuma ku bu na punta: kin ku tokau''? ³² Ma Jesus na djubiba pertu del pa sibi kin ku fasi kil kusa. ³³ Ma mindjer, sibi ke ku akontesi, i panta tok i terimi. I finka dju-dju dianti di Jesus i kontal tudu bardadi. ³⁴ Asin, Jesus falal: '' nha fidju, bu fe kurau. Bai ku pas fika livri di bu duensa''. ³⁵ Otcha ki na papiaba inda, utru guintis bin di kasa di xefi di sinagoga e falal: '' bu fidju miri. Pabia ku bu na kansa mestri mas''? ³⁶ Otcha ku Jesus obi ke ku e na fala, I fala xefi di sinagoga: '' ka bu medi. Ma fia son''. ³⁷ I ka pirmiti pa ninguin bai ku el si ka son Pedro, Tiagu, ku Djon ermon di Tiagu. ³⁸ Otcha ki e tchiga na kasa di xefi di sinagoga, e odja manga di guintis na tchoraba ku forsa. ³⁹ Otcha ki entra na kasa i fala elis: '' pabia di ke ku bo na tchora bo na miskinha? i ka muri, i na durmi nan. ⁴⁰ Guinti ri-il ma i tira elis tudu pa fora, i entranda pape di mininu, mame, ku kilis ku bimba ki el, e bai nunde ku mininu ditandaduba nel. ⁴¹ I pega mon di mininu i falal: '' talita kumi'' ku signifika '' badjuda, n'falau: lanta''. ⁴² Ki ora mininu lanta djanan ianda ( i teneba dozi anus) guintis fikaba ku garandi medu. ⁴³ Jesus fala elis pa ka ninguin di ki kasa konta, tambi pa da mininu kusa di kume.