¹ Utru bias, Juseus entra na kasa di djuntamentu i staba la um omi ku si mon muri. ² E na djubilba si na kura na dia di sabadu, pa e pudiba akusal. ³ Jesus fala pa omi ku si mon muri: ''lanta bu bin na metadi guinti'' ⁴ I fala pa elis:''i bon pa fasi ben na dia di sabadu o pa fasi mal; pa salva vida o pa mata?'' Ma e ka ruspundil nada. ⁵ I djubi pa elis, I fika ku raiba, ku tristeza pa dureza di se korson, i fala pa omi: '' distindi bu mon'' i distindi mon i fika kuradu. ⁶ Farizeus sai, e kombina kinti-kinti ku guintis di Erodis, kuma ke pudi mata Jesus. ⁷ N'ton Jesus bai ku si disipulus na mar. I bin garandi multidon di ''guinti'' de Galileia, di Judeia, ⁸ di Jerusalem, Idumeia, i utru banda di Jurdon, i di redor di Tiru i Sidon otcha ke obi kusas ki fasi, un garandi multidon bin pa El. ⁹ I pidi si disipulus pa e disal un barku pikininu pa El, pabia di multidon pa e pertal. ¹⁰ I kura manga guinti i tudu kilis ku staba duenti e ta bin tokal. ¹¹ kada bias ku dimonius odjal, e ta kai si dianti e diklara: Abo i ''Fidju di Deus'' . ¹² El ku fimesa manda elis pa ka ninguin fasi guintis kunsil. ¹³ I subi na montanha i tchoma kilis ki misti e bin pa el, ¹⁴ I kudji 12 (I tchoma elis apostulus) pa e sta djuntu ku el. pa pudi manda elis pa bai konta bon noba, ¹⁵ i pa tene puder pa serka dimonius. ¹⁶ I tchoma ku sedu: Simon, ku tchomadu Pedru; ¹⁷ Tiagu, fidju di Zebedeu; i Djon, ermon di Tiagu, ku da nomi de Boanerzis, ku signifika fudju di turbada; ¹⁸ i Andre; Filipi, Bartolumeu; Mateus; Tome; Tiagu, fidju di Alfeu; Tadeu; Simon, Zeloti; ¹⁹ i Judas Iskariotis, ku bin trair. ²⁰ Dipus, i bai pa kasa, un multidon bin djunta di nobo na manera ki kumida ka tchiga elis. ²¹ Otcha si familia obi kila, e sai pa tudjul, e staba na fala '' I dudu''. ²² Pursoris di lei ku bimba di Jerusalem e staba na fala: I tene ''Belzebu'' i atraves di xefi di dimoniu ki ta serka dimoniu. ²³ Jesus tchoma elis i papia ku elis na ditu: kuma ku satanas pudi serka satanas? ²⁴ Si un renu sta divididu, i ka pudi firma. ²⁵ Si un familia sta divididu kontra si kabesa, ki falia ka pudi firma. ²⁶ Si satanas sta divididu kontra si kabasa, si renu na kaba. ²⁷ Ninguin ka pudi entra na kasa di un omi forti pa toma kil ki tena sin maral na purmeru lugar. ²⁸ Na bardadi na konta bos tudu pekadu ku guinti fasi te tudu palavra di torosa. ²⁹ Ma kin ku fala palavra di torosa kontra Spiritu Santu nunka i ka purdadu, i na fika kulpadu, te na utru mundu. ³⁰ Jesus falaba es pabia e sta na fala kuma: ''El Jesus'' tene dimoniu. ³¹ si mame ku si ermons bin e fika la fora. E manda alguin pa tchomal. ³² Un multidon sinta na si roda e konta Jesus: '' Bu mame ku Bu ermons sta la fora e na buskau''. ³³ I ruspundi elis: ''kin ku sedu nha mame ku nha ermons?'' ³⁴ I djubi pa tudu kilis ku sta sintadu na si roda i fala elis djubi ali nha mame ku nha ermons. ³⁵ Pabia kada kin ku ta fasi vontadi di Deus elis ku nha mame i nha ermon, matchu ku femia.