¹ Na ki parmanha sedu djuntamentu ku garandis di kasa di Deus ku pursoris di lei ku tudo konsidjaduris. e panha Jesus e maral e lebal pa pilatus. ² Pilatus puntal abo i Rei di Judeus? Ma I ruspundil: suma ku bu fala. ³ Ma na ora xefis di sacerdotis fasiba manga di akusason kontra Jesus. ⁴ Pilatus torna puntal bu ka na ruspundi mas nada? Bu obi dja kantu bias kexa di bo? ⁵ Ma Jesus ka ruspundil ba nada ma manera ki kala ki kusa dexa ba pilatus adimiradu. ⁶ Na tempu di festa Pilatus kustumaba ta larga un alguim ku fitchado na kalabus ma e ta seba kil ku povu kudji. ⁷ Na metade de kilis ku fitchadu, staba rebeldis ku kilis ku ta mataba na se metadi staba un homi tchomadu Barabas, ku matiba na rebelion kontra autoridadi. ⁸ Manga di djintis bai pa Pilatus e kunsa na pidil pa i fasi kil ku seduba kustumi. ⁹ Pilatus punta elis: "kin ku bo misti pa n'larga Rei di Judeus?" ¹⁰ Ma pilatus propri sibi ba kuma ki xefis di sacerdotis tarda. Kata sinti bem ku Jesus e mistiba n'tregal pa i matadu. ¹¹ Garandis di xefis di sacerdotis na n'tchutchiba povu pa gritaba mas ku forsa na lugar di Jesus pa e larga Barrabás. ¹² Pilatus torna punta elis:ke ku bo misti pa n'fasi ku Rei di Judeus? ¹³ Ma elis e torna grita mas utru bias! Krusifikal". ¹⁴ Pilatus punta elis: kal "mal ki fasi?" Ma e na gritaba mas:"krusifikal !" ¹⁵ Suma Pilatus misti kontenta multidon i larga Barrabás. pa si ves, i manda pa e suta Jesus pa dipus e krusifikal. ¹⁶ Soldadus leba Jesus dentro di Palásio, e tchoma ki xef di soldadus ma garandi di nomi Pretório. ¹⁷ E bistil un kamisa di linha finus i e pul un koroa di fidida. ¹⁸ E kunsa na fasil trosa:"viva Rei di Judeus. ¹⁹ E na sutalba ku pó na kabesa e na kuspis nel i, e dobraba djudjus e na n'gabal na trosa. ²⁰ Dipus ke gosal e dispil ki kamisa di linhas fino Erodis tira si propi kamisa i bisti Jesus, di la e lebal fora, pa bai krusifikal. ²¹ E forsaba un omi tchomadu simon di sireni ku na pasaba na si kaminho pa i lanbu di Jesus. ²² Soldadus leba Jesus pa un kau tchomadu golgota (ku signifika kakus de kabesa. ²³ E toma vinagri e djakasil ku binho e dal , ma i ka bibil. ²⁴ N'ton e krusifikal e toma si ropa e dividil e bota sorti pa djubi kal parti di si kamisa ku da soldadu na fika ku el. ²⁵ staba dja tris ora otcha ke krusifikal. ²⁶ Riba di si kabesa e puiba un tagua pa mostra akusason ku fala :"es i rei di Judeus". ²⁷ E krusifikalba ku dus ladrons un na skerda. ²⁸ utro na direita, suma ku palavra di Deus falaba:" i ten ku djuntadu ku djintis mau (mindjoris skribiduris seta versiculu 28. pa djubil ku lukas 22:37). 2 ²⁹ Kilis ku na pasaba e na kobal mal e na balansa kabesa e na fala:"Abo ku fala ba kuma bu na bati kasa di Deus i bu na kumpul na tris dia, ³⁰ Salva bu kabesa bu ria na kruz!". ³¹ Na mesmu manera ku sacerdotis ku pursoris di lei, na gosalba, e fala: "bu salva utrus bu ka pudi salba tambi bu kabesa. ³² Pa kristu Rei di Judeus ria di kruz pa no odja no fia." Asim tambi suma un di ki dus ladrons ku krusifikadu ku el i na kobal ba tan mal. ³³ Apartir di me-dia tudo tera torna sukuru te tris oras di ditardi. ³⁴ Na tris ora di tardi Jesus grita ku voz altu: "Eloí, Eloí, Lama sabactani?" ku signifika" nha Deus , nha Deus, pabia di ke ku bu abandonam?" ³⁵ kilis ku staba la e obil e fala:" I na tchoma Elias"! ³⁶ Alguim kuri i modja un spuma, na vinagri i pul na un po, i dal el pa i bibi.no na djubi si Elias na bin tiral: ³⁷ Jesus grita ku garandi fala i muri. ³⁸ kurtina di kasa di Deus runpi na dus ladu di riba te bas. ³⁹ Guarda ku staba si dianti, i odja ke ku pasa, i fala:" na bardadi es omi i fidju di Deus". ⁴⁰ i ten ba tambi mindjeris ku na djubiba di lundju ku sedo seduba Maria, Madalena, Maria( mame di Tiagu ermon pikinino ku José) ku Salome. ⁴¹ odja staba na Galileia, e siguil tambi e sirbil manga di utrus mindjeris bai ku el pa Jerusalem. ⁴² Na ki ditardi ku sedu dia di purparason di festa di paskua, ⁴³ José di Arimateia bai te la. I era ba un omi rispitadu i fasi parti di garandi di kasa di djuntamentu ku na pera ba renu di Deus. I mara koragen i bai te na kasa di pilatus i pidi kurpu di Jesus. ⁴⁴ Pilatus fikaba adimiradu si Jesus muri; n'ton i tchoma guarda i puntal si kontra Jesus muri. ⁴⁵ Otcha i obi resposta di guarda di kuma i muri, i da kurpu pa José. ⁴⁶ José kumpraba un lensol di linha fino. I rianta Jesus di, imbuldjal ku ki lensol, i pul na un boka di ki koba. ⁴⁷ Maria Madalena i Maria, mame di José, e odjal nundu ku ku Jesus n'teradu.