¹ Na fim di sabadu Maria Madalena, Maria mame di Tiagu salumé kumpraba purfumu pa unta kurpo di Jesus. ² Na purmeru dia di semana parnha sedu otcha ku sol na sai, e bai te na koba. ³ Elis e na punta utru. kin ku na tiranu pedra na koba. ⁴ Otcha ki ialsa udju i odja ki pedra garandi ba di mas i tiradu di koba. ⁵ Na koba ku Jesus n'teradu i odja un rapas ku bistidu di branco sintadu auladu di Jesus e fika ba ku medu. ⁶ I fala elis Jesus ku bo na buska i kasta li i lanta di mortu bo bim djubi nunde ke pul ba. ⁷ Bo bai fala si disiplus kuma Jesus bai bo dianti pa Galileia la ku bo na bai obi ke ki i falabos. ⁸ I sai na koba e na kuri na tirmi ku medu e ka falaba nin ku nada pabia e ten ba medu dimas. ⁹ (Manuskritu antigu i seta es versiculo 9 a 20.) Jesus lanta di motu parmanha sedu na purmeru dia di semana Jesus parci purmero pa Maria Madalena ki tira dinoi. ¹⁰ elis e sai e bai konta tudo kil ku e odja ku kilis ku staba ku ¹¹ elis, tementi i na miskinha ba i na tchora elis e obiba kuma Jesus staba bibu e odjal ma e nka fiaba. ¹² Dipus di e kusa i parsi na manera diferenti pa dus di esis tementi e na ainda pa bai na kaminho pa kanpu. ¹³ E bai konta restu di disiplus ma elis ka fia. ¹⁴ Dipus Jesus parsi paki onze tementi i n'pina na mesa i djusia ku elis pabi di falta di i duresa di se korson pabia e ka fia na kilis ku odjal otcha i lanta di mortu. ¹⁵ I fala elis bo bai pa tudu mundu bo bai prega pa tudo ¹⁶ kin ku fia i batisadu i na sedu salbu ma kin ku ka fia i na sedo kondenadu. ¹⁷ Es sinais na cumpanha na nha nomi kilis ku fia: na nha nomi i na tira dimonios na djintis i na papia nobu linkua ¹⁸ I na peka na kobra ku mao i bibi benenos i ka na fassi elis nada i pui mao riba di doentis i na sedu kuradu. ¹⁹ Dipuis ki Jesus kaba papia i lebadu pa seu i bai sinta na mon direitu di Deus ²⁰ Si dicipulos sai pa bai konta palabra di Deus pa tudu ladu Jesus continua tarbadja ba ku elis i confirma ba ki palabra ku milagres ku sinais ku na konpanha ba elis.