¹ Soti Yeso eluta nolowa mu Sunagoge nipo efwanga munthu wopunduka kwanja. ² Wanthu ewela pafupi kuzomuona nakumuyesa kuchilisa pa sabata kuti amuyepezyele. ³ Yeso eciti kuli ula munthu opunduka kwanja, "Ima nipo panama pano pakati pa wanthu." Nipo eciti ku wanthu, " ⁴ Ko nichololewa kuchita viweme pa siku la sabata kano kucita ciipa; kupewesha kano kupaya?" Koma wenze cete. ⁵ Ewalolesha lolesha mwaukali, nochita cifundo cikomo ca kukosa kwa mutima wa, nipo elawila naye, " tambulula kwanja. " Etambulula, nipo emuwezyelamo soti. ⁶ Awilizi eciya panja pamene apo noyamba zungo na a Helode kuti angamupaye tyani. ⁷ Nipo Yeso, na asambili wake eciya ku chimana, nipo winji wa wanthu wemukonkha kufuma ku Galileya na ku Yudeya ⁸ nipo ku Yelusalemu nipo ku Idumi namopitilila Jodani na Taya pamo na Sidoni. Pecimvwa venzocita, winji wa wanthu wewela kuli yeve. ⁹ Nipo euzya asambili wake kuti awe na ka wato katontho cifukwa cha winji wa wanthu, kuti asamusokoneze. ¹⁰ Epozya wanyinji, kuti aliyense enze na ulwele efyanthizya kuti amukumye. ¹¹ Nsita zonse mizimu ya lunsa ikamuona, yenzokuwa pansi nolila, npo nolawila, " Nimwe Mwana wa Mulungu." ¹² Efunishisha kuwalamula kuti wasamuziwishe. ¹³ Eciya ku lupilli, nipo eita wala wenzofuna, nipo wewela kuli weve. ¹⁴ Esalula wanthu twelufu(wechi ita asambili), tetyo kuti angawenaye nowilizya ma lizu, ¹⁵ nipo nakuwa na vizo vofumya viwanda. ¹⁶ Nipo esalula kumi limo na awili: Simoni, wechipasa zina Petulo; ¹⁷ Yakobe mwana wa Zebedeyo, na Yohane mukwao wa Yakobe, wechnipa zina Bowaneji, amene ali, mwana wa mululumo; ¹⁸ na Andeleya, Filipo, na Batumeyo, Mateyo, Thomasi, Yakobe mwana wa Alifayo, Tadayo, Simoni mu Ziloti, ¹⁹ na Yudasi Sikaliyoti, wamene akamupeleke. ²⁰ Nipo eciya ku nanda, na winji wa wanthu wewela soti pamo, kuti asalye mukate. ²¹ Nipo luko lake piyecimvwa ici, weciya kumulolesha, pakuti weciti, "wafuntha." ²² Asambili esika kufuma ku Yelusalemu weciti, " Ali na ciwandca ca Zelebabele, " nipo, "Pamo namukululu wa viwanda outusha viwanda." ²³ Yeso ewaitila kwake nonema mumalinganizyo, "Ko satana angafumye satana muyake? ²⁴ Kano ufumu nioyawikana mwa weve weka, uyo ufumu sungapaname. ²⁵ Kano nanda niyoyawikana pa yeve yeka, ila nanda singapaname. ²⁶ Kano Satana angaziukile pa eve eka nakuwa oyawikana, niosazipanamila, koma wasila. ²⁷ Koma pali aliyense angalowe mu nanda ya munthu wa vizo nopunshya vyake akaliyo mumanga munthu wa vizo poyamba, nipo akathyola nganda yake. ²⁸ Cendi numuuzyani, miluvyo yonse ya wana a wanthu ikalekelelewe, nawala manzyozo yakalawile, ²⁹ koma aliyense ati akatembelele muzimu mutuwa akalekelelewe lini, koma akawe na mulandu osasila. ³⁰ Yeso enena ivi kamba kakuti wenzonena, "Ali na viwanda va lunsa." ³¹ Nipo anyina na azilongosi wake wewela nopanama panja. emuita, nomupa mulandu. ³² Nipo liumba inkhala penze eve nomuuzya," anyoko na azilongosi wako ali panja, nipo okusaka. ³³ Ewayasuka, " Niwani wama na azilongosi wangu ?" ³⁴ Elolesha wanthu wemuzenguluka nowauzya," onani, wama na azilongosi ali pano! ³⁵ Pakuti aliyense ochita kupangwa kwa Mulungu, uyo munthu ni mulongosi wangu, nimbumba na wama."