¹ Peciwelela ku Kapenao pepita masiku atontho, echimvwa kuti enze ku nanda. ² Tetyo winji wa wanthu wekumana pamo koteto kwenzeve malo, pamo napa naciseko, nipoYeso elawila lizu. ³ Nipo wayakine analume ewela kwa yeve na mwanalume womyalala vizo; wane wanthu emunyamula. ⁴ Pecikangiwa kumufwinda yeve cikomo ca winji, efumyapo mutenje palulu penzele.Nipo wenze ekumba ulowo mukati, esisha mphasa penze elala mwanalume womyalala vizo. ⁵ Pololesha cicetekelo cao, Yeso eciti kuli mwanalume womyalala vizo, "Mwana, miluvyo yako yalekelewa." ⁶ Nomba wayakine mwa alembi wenze nkhezi pamene pala, nipo wepangana mu mutima mwao, ⁷ "Nicinji uyu munthu olawila teti? Olawila milafu! Niwani angalekelele miluvyo koma ni Mulungu yeka?'' ⁸ Nipo Yeso nsita yamene iyo eziwa mu muzimu wake zenzo lingilila pali weka naweka.Eciti kwa weve, "Nicinji mulingalila teti mu mitima mwanu? ⁹ Cipepu nicotyani kuuzya munthu womyalala vizo, ' Miluvyo yako yelekelewa' kano kulawila 'ima, tola mphasa yako, nipo yenda'? ¹⁰ Koma mosimikizya kuti muziwe ati Mwana wa Munthu ali na vizo pa calo kulekelela miluvyo, "Echiti kwa omyalala vizo, ¹¹ "Nukuuzya weo, ima, tola mphasa yako, nipo nkhoya ku nanda kwako." ¹² Eima pamene apo noimya mphasa, nofuma mu nanda pamenso pao, nakuti ezizwa onse nopasa mcinzi kwa Mulungu, nipo weciti, "Tikaliyo onapo coteti." ¹³ Efumapo soti kuya mu mbali mwa cimana, nipo winji wonse wa wanthu weciza kwake, nipo ewasambizya. ¹⁴ Penzopitana nao, eona Levi mwana wa Aufasi ali nkhezi pa musasa posonkhela musonkho nipo eciti kuli yeve, "Konkha neo."Eima nipo emukonkha. ¹⁵ Nipo penzokulya Yeso kwao kwa Levi ku nanda, anyinji amisonkho na wanthu woluvya wenzokulya pamo na Yeso na asambili wake, pakuti wenze anyinji emukonkha. ¹⁶ Nipo alembi, wenze afalisi, emuona Yeso akulyha pamo na wanthu oluvya nipo amusonkho, eciti kwa asambili wake, "Nicinji akulya pamo na amisonkho na wanthu oluvya?" ¹⁷ Yeso pecimvwa eciti kwa weve, " Wanthu osalwala sosakila nganga; wala olwala niye oisakila.Niliyezile wanthu atuwa mitima, koma wanthu oluvya.'' ¹⁸ Asambili a Yohane na a Falisi akaleke kulya? Nipo wamthu wayakine eciza nonena kwake, "Nicinji asambili a Yohane na a Falisi eleka kulya, koma asambili wako oleka lini kulya?'' ¹⁹ Yeso eciti kwa weve, " Ko ofwaniwapo angaleke kulya nga otengana akali pamo? Nga otengana akali pamo, oleka lini kulya. ²⁰ Koma masiku akuza otengana akafumyiwepo pali weve, nipo masiku ayo akaleke kulya. ²¹ Kuliye munthu angatunge kagamba kalomba noika pa kakale, cikomo cakuti cingang'ambike,calomba kufuma paca kale, nipo cukuwa cocenekeka. ²² Kuliye umo angaike walwa walomba kuike muchosungilamo chakale, cikomo walwa ungafwaye choikamo, " ndawa walwa walomba ukuwa muchosungilamo chalomba." ²³ Pa siku ya sabata Yeso echiya mu munda wa vitonga. ²⁴ Nipo asambili wake weyamba kutola vowezya. A Falisi eciti kwa yeve, " Nicinji ochita vinthu vosaloleka pa siku ya sabata?" ²⁵ Elawila nao weve, "Mukaliyo welengapo cecicita Davide penze saka nipo na njala-yeve na wanthu wenze naye- ²⁶ mwecitila kulowa mu nanda ya Mulungu pamene Abiyata enze mukulu wa asambili, nipo ecilya mukate pa mutetete, cenze cosalolewa onse kulya kucosapo mukulu wa a sambili, nipo ayawila viyake kwa wonse enze naye?" ²⁷ Yeso eciti, "Siku ya sabata lipangiwila wanthu, osati wanthu kamba ka sabata. ²⁸ Motetyo, Mwana wa Munthu na Asukulu wasu, nangu pa sabata."