¹ Yesu aingile elo alikupita ukuya ku Yeliko. ² Moneni, kwaliko umuntu uweshina lyakwa Zakeyo. Ewali umukulu pali bakasonkesha ba misonko elo ali umukankala. ³ Alikufwaisha ukumona uyu Yesu aba , nomba alifililwe ukumumona pamulandu wa bumba, pantu alipipile icimo. ⁴ Eicho kanshi abutukile ku ntanshi ya bantu elo nokunina icimuti camukunyu pakuti amone Yesu, pantu Yesu ali nokupita muli ulya wine umusebo. ⁵ Uluntu Yesu afikile pa ncende palya, aloleshe mu mumulu elo nokulanda kuli ye ati, ''Zakeyo, ciluka panshi bwangu , pantu Nebo ndeikala mu ng'anda yobe.'' ⁶ Kanshi eico alyendeshe elo nokuciluka elo nokupokelela Yesu ne nsansa. ⁷ Uluntu abantu bonse bamwene ici, bonse balaisosha, nokulanda ati, ''Alaya kufikila mu ng'anda ya muntu uwamasambi.'' ⁸ Zakeyo alitaleme elo nokweba Shikulu ati, ''Moneni, Shikulu, citika wafintu fyandi fyonse ku bapina, elo nga cakuti nali bepa uuli onse mucili conse, Nalamubwesesha imiku ine ukucishapo.'' ⁹ Yesu alandile kuli ye ati, ''Lelo ipusukilo lyaisa mu ng'anda ino, pantu naye wine mwana wakwa Abramu. ¹⁰ Pantu Umwana wa Muntu aishile mukufwayaelo nokupususha abantu abo abluba.'' ¹¹ Ulo baumfwile ifi ifintu, alitwalilile ukulanda elo nokulanda umulumbe, pantu ali mupepi naku Yelusaleemu, elo balikutontonkanya ati ubufum bwakwa Lesa bulimupepi nokwisa. ¹² Elo abebele ati, ''Umuntu umo uwaku bufumu alile ku calo kumo ukutali ukuya mu kupoka ubufumu bwakwe elo eluntu akabwele. ¹³ Alikutile ababomfi bakwe ikumi elo nokubapela cila umo indalama ikumi elo nokulanda kulibo ati, 'Mulekushibomfya mukcita amakwebo mpaka nkabwele.' ¹⁴ Nomba abekashi bamucalo cakwe balimupatile elo batumine inkombe panuma yakwe, elo nokulanda ati, ''Fwebo tatulefwaya uyu muntu ukututeka.' ¹⁵ Icacitkile cakuti uluntu abwelele nakabili, panuma yakupokolola ubufumu bwakwe, alikutile ababomfi bakwe abo ashilile indalama, pakuti engeshiba ubukumu bapangilemo panuma yakushibomfya mu makwebo. ¹⁶ ''Uwantanshi alishile kuli ye, nokulanda ati, 'Shikulu, indalama yobe ilipangilepo nashimbi ikumi.' ¹⁷ ''Imfumu yalandile kuli ye ati, '' Mwabombeni, we mubomfi wa bune. Pantu wali necishinka patuntu utunono, walakwata amaka pa misumba ikumi.' ¹⁸ Ewabubili alishilepo, nokulanda ati. ''Indalama shobe, shikulu, ilipangilepo na shimbi shisano.' ¹⁹ '''Imfumu yalandile kuli ye aiti, 'Bula imisumba isano ulekutungulula.' ²⁰ Naumbi umubomfi alishile, nokulanda ati, 'Shikulu, indalama shobe ishi, isho nasungile bwino mucitambala, ²¹ pantu nalikukutina, pantu webo uli wakwafya. Ububula necintu icitali cobe, elo ulasombola nefyo tawabyele.' ²² ''Imfumu yalandile kuli ye ati, Ukukonka na mashiwi yobe Nalakupingula, we mubomfi umuwelewele we. Walishibile ati ndiwabwafya, uupoka nefyo nshabikilemo, elo nokusombola ifyo nshabyele. ²³ Bushe nindo wabikile indalama kuya babikisha indalama, pakuti uluntu nabwela nga shipoka nansonsela pa mu mulu' ²⁴ Imfumu yaebele abo abataleme mupepi ati, 'Mupokololeni indalama ishili kuli ye, elo nokupela kuli ulya uuli ne ndalama ikumi.' ²⁵ ''Balandile kuli ye ati, 'Shikulu, alikwete indalama.' ²⁶ '''Ndelanda kuli mwebo nati, uyo onse uwakwata bakamubikilapo na fimbi, nomba kuli uyo uutakwata nangu kamo, bakamupokolola nauto twine uto akwata. ²⁷ Nomba kuli abo abalwani bandi, abashalikufwaya ukuti nebo mbateke, baleteni pano elo nokubepaya pa menso yandi.''' ²⁸ Uluntu alandile ifi fintu, alikonyepo, nkuya ku Yelusaleemu. ²⁹ Icacitikile cakweba ati uluntu apalamine mupepiBetifage elo na Betani, ku lupili ulkutwa ati Oliveti, atumine babili pa baambi bakwe, ³⁰ no kulanda kuli bo ati, ''Kabuyeni mu mushi uukonkelepo. Ulo mwalaya kwingila, mwalasangana punda uo tabatala ukuninapo. Mu ikakule elo mulete kuli nebo. ³¹ Nga cakuti kwaba uwamipusha ati, Cindo muleikakwila?'' mulande ati, 'Ni Shikulu euleifwaya.''' ³² Abo abo batumine balile elo basangene punda nga filya fi Yesu abebele. ³³ Ulo balikuikakulula punda, abene balandile kuli bo ati, ''Bushe nindo mulekakulwila punda?'' ³⁴ Balandile kuli bo ati, ''Ni Shikulu euleifwaya.'' ³⁵ Baliletele punda kuli Yesu, elo balyanshikile insalu shabo pali punda elo nokutekapo Yesu. ³⁶ Uluntu alikupita, abantu balikwanshika insalu shabo mu musebo. ³⁷ Ulo alikupalamina pa ncende apo Ulupili lwa mi Olifi lwatentmukila, cinkupiti onse na basambi batampile ukusefya elo nokulumbanya Lesa ne shiwi ilikulu pa milimo yonse iikulu iintu bamwene, ³⁸ nokulanda ati, ''Naipalwe imfumu iyiiyi iyaisa mwi shina ilyakwa Shikulu! Umutende mu mulu elo na malumbo mu mulu umutali!'' ³⁹ Bamo aba Falise abali mwi bumba balandile kuli ati, ''Kasambilisha, kanya abasambi bobe.'' ⁴⁰ Yesu ayasukile nokulanda elo ati, Ndemyeba nati, ngacakuti aba bekale shilili, amabwe kutiyatampako ukubilikisha.'' ⁴¹ Uluntu Yesu apalamine ku musumba, ulo aumona atampa ukuulilila iminsoshi ⁴² nokulanda ati, Nga cakuti walishibile muli shino nshiku we Yelusaleeemu, nobe wine, nga walimona ifintu inga kuletela umutende! Lelo nomba fyalifisama ku menso yobe. ⁴³ Pantu inshiku shilekwishila uluntu abalwani bobe bakakula nokukushinguluka monse monse elo nokukucilikila. ⁴⁴ Bakakufuntula panshi, elo nokwipaya abana bobe elo nobe. Mufikulwa fyobe tamwakabe ilikashala pa mulu wali nakwe pantu walikene ukwshiba inshita uluntu Lesa alikwesha ukukupususha.'' ⁴⁵ Yesu aingile mwi tempele elo atampile nokutamfya abo abalikushitisha, ⁴⁶ nokubeba ati, ''Calilembwa ukuti, 'Ing'anda yandi ikaba ni ng'anda iyakupepelamo,' nomba mwebo mwaisangula icifulo cakubapompwe'' ⁴⁷ Eico Yesu alikusamlisha lyonse mwi tempele. aaaAbakulu bakub ashimapepo elo ba kalemba elo ne ntungulushi sha bantu balikufwaya ukumwipaya, ⁴⁸ nomba balifililwe ukusangana inshila yakucitilamo pantu abantu bonse balikumumfwikisha.