¹ Cali pa bushiku bumo ulo Yesu alikusambilisha abantu mwi tempele elo noku bila imbila nsuma ulo abakulu bakulu baku ba shimapepo elo naba kalemba baishile kuli ye pamo naba kulu. ² Basosele, nokumweba ati, ''Twebeko fwebo bamako ndo ubomfya ukulekucita ifi fintu, nangu ninani uyo wine uwakupela aya yene maka.'' ³ Alibasukile elo nokubeba ati, ''Nandibo nalamipushako ililpusho, elo mungasuke. ⁴ Ulubatisho lwakwa Yoani: Bushe lwafumine ku mulu nangu niku bantu?'' ⁵ Balikulandishanya abene, nokulanda ati, ''Nga cakuti twalanda ati, 'Kufuma ku mulu,' alalanda ati, 'Kanshi cindo tamwamusuminine?' ⁶ Nomba nga tulande ati, 'Nikubantu', abantu bonse balelasa amabwe, pantu balishininkisha ukuti Yoani ali ni kasesema.'' ⁷ Eico ba asukile ati tabaishibile uko lwafumine. ⁸ Yesu alandile kuli ati, ''Nandibo wine kanshi ntamyebe maka ndo mbomfya pakucita ifi fintu.'' ⁹ Aebele abantu ili ipinda, ''Umuntu alilimine ibala lya myangashi,alikongweseshe naku balimi, elo nokuya mu calo cimbi pa nshita iitali. ¹⁰ Pa nshita iyo ateyenye alitumine umubomfi kuli bakalima ba myangashi, nokuti bamupeleko ifisabo fya myangashi. Nomba abalimi ba myangashi balimupumine, elo nokumubweleshamo ukwakubula nangu kamo. ¹¹ Eluntu atumine naumbi umubomfi elo naye wine balimupumine, elo nokumusebanya, elo nokumubweleshamo ukwakubula akantu nangu kamo. ¹² Alitumine nakabili umubomfi wabutatu elo naye wine bali mucenene, elo nokumutamfisha kunse. ¹³ eico shikulu we bala lya myangashi alandile ati, ''Bushe findo nalacita?'' Nalatuma fye umwana wandi umutemwikwa. Nalimo bakamucindika.'' ¹⁴ Nomba uluntu abalimi ba myangashi ba mubwene, balikuilabisha palwabo, nokulanda ati, 'Uyu empyani. Aleni tumwipaye, epakuti ifyabupyani fikaba fyesu.' ¹⁵ Bamuposele kunse ye bala lya myangashi elo noku mwipaya. Bushe findo shikulu wamyangashi akacita kuli bo? ¹⁶ Ali nokwisa elo nokwisa ku bonaula aba abalimi bamyangashi, elo nokupela ibala lya myangashi kuli bambi.'' Uluntu baumfwile ifi, balandile ati, ''Ifyo tekuti ficitike!'' ¹⁷ Nomba Yesu alibaloleshe, elo nokubeba ati, ''Ni mundo calola ciliya icalembwa ukuti: 'Ilibwe ilyo bakakula bakene elyaisa kwaluka ilibwe ilyapa cifutu'? ¹⁸ Naye onse uwawila pali ili libwe akaputaulwa mutupimfya, elo uyo naye uo ili libwe likaponenapo akashonaulwa.'' ¹⁹ Eico nomba bakalemba elo nabakulu bakubashimapepo balikufwaya ukuti bekate Yesu apopene fye, pantu balishibile ukuti ili ilpinda lyalikulanda pali bo.Nomba balikutina abantu. ²⁰ Pakumulokesha bwino, balitumine inengu abalikuilanga ukubati balungami, pakuti benga musangana no mulandu mu kulanda kwakwe, epakuti benga mutwala ku ntungulushi elo nakubamaka ba mulashi. ²¹ Balimwipwishe, elo nokulanda ati, ''Kasambilisha, fwebo twalishiba ukuti ifyo ulanda elo nefyo usambilisha fyakulungama, elo tautina ne cifulo ca muntu, nomba usambilisha icine pali Lesa. ²² Bushe calisuminishiwa ukuti kulekupela umusonko kuli Kaesale nangu iyo?'' ²³ Nomba Yesu alishile ubucenjeshi bwabo, elo alandile kuli bo ati, ²⁴ ''Nangisheni indalama. Bushe mutwe wakwa nani elo ne shina lyakwa nani ifilipo?'' Balandile ati, ''Kaesale.'' ²⁵ Alandile kuli bo ati, ''Kanshi peleni kuli Kaisale ifintu fyakwa Akaisale, elo kuli Lesa ifintu fyakwa Lesa.'' ²⁶ Balifililwe ukusanganamo ubwafya mu fintu ifyo alandile pantanshi yantu, nomba balikupapa fye pa fya myasukile yakwe, balikele fye shilili. ²⁷ Uluntu bamo Abasaduki baishile kuli ye, abo abalikulanda ati takwaba ukushikuka, ²⁸ bali mwipwishe, nokulanda ati, ''Kasambilisha, Mose alitulembele ukuti nga cakuti wabo wa muntu afwa, alikwete umukashi, elo takwete umwana, uyo muntu alingile ukubula umukashi wakwa ndume yakwe, elo nokufyalilako ndume yakwe umwana. ²⁹ Kwali bawabo cinelubali elo wakutampilapo aupa umukashi elo nokufwa ukwakubula ukukwatako umwana, ³⁰ elo no bubili naye cimo cine. ³¹ Uwabutatu amupita, elo ifyo fine no cine lubali naye wine takweteko umwana, elo nokufwa. ³² Pakulekelesha no mwanakashi naye ali fwile. ³³ Nga pakushikuka, akaba umukashi wakwa nani? Pantu bonse cine lubali balimupile ngo mukashi wabo.'' ³⁴ Yesu alandile kuli bo ati, ''Abana bamuli cino calo balopa elo noku pelwa mufyupo. ³⁵ Nomba abo abalingwa ukuba abalungami muli bulya bwikashi pakupokelela ukushikuka ukufuma kubakufwa tabakale kupa nangu ukupelwa mu fyupo. ³⁶ Nangula ukuti bakafwe nakabili, pantu bakalingana fye na malaika elo kabili bana bakwa Lesa, pakuba abana bakushikuka. ³⁷ Nomba abakufwa balabuka, elo na Mose alilangilile, ukulingana napa ncende pa cimpusa, apo akutile Shikulu Lesa wakwa Abraham elo Lesa wakwa Isaki elo na Lesa wakwa Yakobo. ³⁸ Lelo te Lesa wabakufwa, nomba ni Lesa wabalole, pantu bonse bekala kuli ye.'' ^{39 40} Bamo pali bakalemba balyasukile ati, ''Kasmbilisha, wayasuka bwin.'' Pantu tabakonyepo ukumwipusha nayambi amepusho. ⁴¹ Yesu alandile kuli bo ati, ''Bushe kuti balanda shani ukuti Kristu ni mwana David? ⁴² Pantu Davidi umwine alandile mu citabo ca malumbo ati, ''Shikulu alandile kuli Shikulu wandi ati, 'Ikala ku kuboko kwandi ukwaku kulyo, ⁴³ mpaka nkacite abalwani bobe ifyakunyantapo amakasa yobe.' ⁴⁴ Davidi eico akuta Kristu at, 'Shikulu' nomba bushe kuti aba shani umwana wakwa Davidi?'' ⁴⁵ Ninshi abantu bonse baleumfwa alandile ku basambi bakwe ati, ⁴⁶ ''Mulekucenjela naba Kalemba, abafwaya ukwenda mu mingila iitali elo nokutemwa ukubaposha imitende iya mucinshi um ncende sha fisankano ne fipuna fyapa mulu mu ma sinagogi elo nefipuna fya mfumu mu mitebeto. ⁴⁷ Kabili balapokolola naba mukamfwilwa' amayanda, elo pakuilanga balapepa amapepo ayatali. Abantu abamusango uyu bali nokukandwa apakulu.