¹ Elunta alandile ipinda kuli bo pafyo balingile lyonse ukulekupepa elo tafwile ukunenuka, ² alandile ati, ''Mu musumba umo mwali kapingula wa milandu uyo uutalikutina Lesa elo tacindikile na bantu. ³ Lelo kwaliko namukamfwilwa muli ulya umusumba, elo alikwisa ilingi line kuli ye, nokulanda ati, 'Ungafweko umulandu no mulwani wandi.' ⁴ Pa nshita iitali talikufwaya ukumwafwa, nomba panuma ya nshita ailabishe ati, 'Nangu ntatina Lesa nangu ukucindika umuntu, ⁵ kabili uyu umwanakashi alencusha, nalamwafwa umulandu wakwe no mulwani, epakuti andabeko elakwisa libili libili kwandi.''' ⁶ Eluntu Shikulu alandile ati, ''Mumfwe kufyo kapingula wabubi alandile. ⁷ Lelo bushe Lesa naye tekuti alete umulinganya kuli abo abo asala abo amulilila ubwaila elo no bwaca? Bushe kuti abakokwesha? ⁸ Ndelanda kuli mwe nati akaleta umulinganya kuli bo bwangu bwangu. Nangu cingaba ifyo, uluntu Umwana wa Muntu akesa, bushe icine fye akasangana icisumino pa calo?'' ⁹ Eluntu nakabili aishile ipinda kuli bamo abalikuitunga abene beka ukuti bololoke elo abaliku susha abantu bambi, ¹⁰ ''Abantu balimine nokuya mwi tempele mukupepa--umo ali mu Falisayo umbi naye ali ni kasonkesha wa musonko. ¹¹ Um Falisayo aliminine elo nokupepa ifi fintu pali ye ati, 'Lesa, Ndekutotela pantu ntaba nga abantu bamo--bapompwe, abataololoka, abacende--nangu ukuba ngo yu kasonkesha wa musonko. ¹² Ndafunga ukulya imiku ibili mu mulungu umo. Ndapa icekuli pali fyonse ifyo mpoka.' ¹³ Nomba kasonkesha wa musonko aiminine akatalamukila, alikufilwa nokunamwina amenso ku mulu, nomba alikuikunkunsha pe bele lyakwe, alelanda ati, 'Lesa, mbeleleni uluse, newa masambi.' ¹⁴ Ndelanda kuli kuli mwe nati, uyu muntu alile kwakwe ku nganda uwakulungamikwa ukucila ulya umbi, pantu uyo onse uuimya pa mulu baka balamubwesha panshi, nomba uyo onse uuibika panshi baka mwimya pa mulu.'' ¹⁵ Nabantu nabo balikuleta kuli ye utunya twabo epakuti enga twikatamo, nomba uluntu abasambi bamwene ifi, balibakalipile. ¹⁶ Nomba Yesu alibakutile kuli ye, nokubeba ati, ''Suminisheni abana abanono bese kuli ne, elo mwibakanya. Pantu ubufumu bwakwa Lesa bwapelwa kubakuba nga bo. ¹⁷ Mucine Ndelanda kuli nati, uyo onse uutakapokelele ubufumu bwakwa Lesa ukubati mwana umunono icnenefye takabwingilemo.'' ¹⁸ Katungulula umo alimwipwishe, nokulanda ati, ''Kasamblisha wa bune, ''Bushe findo ifyo ninga cita pakuti nkabone ubufumu bwa mu mulu? ¹⁹ Yesu alandile kuli ati, ''Nindo wankutila ukuba uwa bune? Takwaba umuntu uwabune, kano fye Lesa eka. ²⁰ Waliyeshiba amafunde--wilakucita ubucende, wilakwipaya, wilakwiba, wilakwiminina bukambone bwa bufi, ulekucindika ba wiso elo na noko.'' ²¹ Katungulula alandile ati, ''Ifi fyonse ifintu ndakonka ukutampa fye ku bwaice bwandi.'' ²² Uluntu Yesu aumfwile ifyo, alandile kuli ye ati, ''Walibulishako icintu cimo. Ufwile ukushitisha fyonse ifintu ifyo wakwata elo ukafyakanye kubalanda, elo ukwakwata ifyuma mu mulu--elo wise, unkonke.'' ²³ Nomba uluntu katungulula amumfwile ifi fintu, aliketwe ubulanda nganshi, pantu alinonkele nganshi. ²⁴ Uluntu Yesu abwene ukuti aikatwa no bulanda alandile ati, ''Ala ifyo cayafya kuli abo abakankala ukwingila mu bufumu bwakwa Lesa! ²⁵ Pantu calibapo icakwanguka ing'amila ukupula palinso lya nshindano, ukucila umuntu umukankala ukungwila mu bufumu bwakwa Lesa.'' ²⁶ Abo abaumfwleko ifyo balandile ati, ''Bushe kanshi mba ninani uwingapusuka?'' ²⁷ Yesu alyasukile ati, ''Ifintu ifyaba ifyakukosa ku bantu fyakunaka kuli Lesa.'' ²⁸ Petelo alyasukile ati, ''Ukubako, fwe twalisha ifintu fyonse fyesu elo noku kukonka.'' ²⁹ Yesu eluntu alandile kuli bo ati, Mucine, Ndelanda kuli mwe nati takwaba nangu umo uwasnsha ing'anda, nangu umukashi, nangu ba ndume yakwe, nangu abafyashi bakwe, nangu abana, pa mulandu wa bufumu bwakwa Lesa, ³⁰ uyo uutakapoke ifyakucilapo muli cino icalo, elo namu calo icileisa, umweo uwamuyayaya.'' ³¹ Panuma alonganikile abali ikumi limo nababili kuli, alandile kuli ba ati, ''Boneni, tuleya ku Yelusaleemu, elo ne fintu fyonse ifya lembelwepo kuli ba kasesema palwa Mwana wa Muntu fikafikilishiwa. ³² Pantu bakamupa kubena Fyalo, elo bakamupunika, elo bamucita ifya musebanya, elo nokumusakila amate. ³³ Panuma yakumulopola ifikoti, bakamwipaya,elo napa bushiku ubwakulenga shitatu akabuka nakabili.'' ³⁴ Tabaumfwilepo nangu kamo pali ifi fintu, elo neli ishiwi lyali fishilw kuli bo, elo tabaumfwile ifintu ifyalikulandwapo. ³⁵ Caishile kuba ukuti, ulo Yesu apalamine ku Yeriko, umuntu umo impofu alikele mumbali ya musebo alikulomba, ³⁶ elo alyumfwile ibumba lilepipa pali ye, alipwishe bushe nindo yalikucitika. ³⁷ Balimwebele ati ni yesu waku Nasareti ewalikupita. ³⁸ Eico umuntu impofu yalilile umusowa, nokulanda ati, ''Yesu, Mwana Davidi, mbeleni uluse.'' ³⁹ Abantu abo abalikupita balikumukalipila, noku mweba ukwikala shilili. Nomba alilishe ukucilamo, ''Mwana Davidi, mbeleleni uluse.'' ^{40 41} Yesu alitaleme shinkinta elo nokulanda ukuti ulya muntu bamulete kuli ye. Uluntu ilya impofu yaishile mupepi, Yesu ali ipwishe ati, ''Findo ifyo ulefwaya nebo mnkucitile?'' Alandile ati, ''Shikulu, Ndefwaya ukubona.'' ⁴² Yesu alandile kuli ye ati, ''Bona. Icisumino cobe cakuposha.'' ⁴³ Apopene alitampile ukubona elo alimukonkele, alelumbanya Lesa.Bonse abantu, uluntu babwene ifi, balilumbenye Lesa.