¹ Nomba muli ishi inshiku, uluntu impendwa ya basambi yalikulundilako, ukuilishanya ukufuma ku ba Yuda abaishibile ici Griki kwalitampile pa mulandu waba Hebele, pantu balikucilila bamukamfwilwa babo pafyo bali kubapela cilabushiku. ² Abekumi nababili balikutile cinkupiti elo nokulanda kuli bo ukuti, ''Teku cimoneke bwino kuli fwebo tulekulanda icebo cakwa Lesa elo panshita imo ine telekubombela pama tebulo. ³ Eico kanshi musale, bamunyinefwe, abaume cine lubali ukufuma muli mwe, abaume abamisango iyabune, abaisulamo na Mupashi wa Mushilo elo na mano, abo fwebo twinga sonta kuli uyu mulimo. ⁴ Elo fwebo palwesu, elo fwebo tukonkanyepo fye ukulekupepa lyonse elo noku shimika icebo cakwa Lesa.'' ⁵ Nokulanda kwabo kwalisekeshe cinkupiti onse. Eico bali salile Stefano, umuntu uwaiswilemo icicetekelo elo na Mupashi wa Mushilo, elo Filipo, Prokoras,Nikano,Timoni, Pamena, elo na Nikola, umwina fyalo ukufuma ku Antioki. ⁶ Abacetekela baliletele aba bantu ku basambi, abo nabo aba pepele elo nokutambika amapi pali bo. ⁷ Eico icebo cakwa Lesa calikonyepo ukusabankaninishiwa, elo ne mpendwa ya basambi mu Yelusaleemu yalikwilako fye pa mulu nganshi, elo kabili ne bumba ilya kuba shimapepo lyali tampile ukubanakila mu cicetekelo. ⁸ Nomba Stefano, uwaiswilemo icikuuku elo na maka, alikcita ifipapusho ifikulu elo nefyakumwenako pakati ka bantu. ⁹ Nomba kwalimine abantu bamo abo abalisusanganwa mu Sinagogi abalikukutwa Sinagogi wa bantu abalubuka, abena Cilia elo abena Alexandria, elo bambi nabo ukufuma ku Cilisia elo na Asia. Aba bantu balikutalikana na Stefano. ¹⁰ Nomba tabalikwansha no talama ku mano elo no Mupashi wa Mushilo uuntu Stefano alikubomfya. ¹¹ Eluntu bapele amafisa kanwa kuli bamo abantu nokubeba ukulandaati, ''Twalyumfwile uko Stefano amashiwi ya kupontela Mose elo na Lesa. ¹² Balimishe icimfulunganya mu bantu, abakulu, elo naba kalemba, elo baile kuli Stefano elo nokumwikata elo no mutwala kuli bashi cilye. ¹³ Baliletele bakambone ba bufi, abo abalandile ukuti, ''Uyu muntu taleka ukulekulanda amashiwi ayabubi pali ino incede ya mushilo elo napa lwa mafunde. ¹⁴ Kabili tulamumfwa no kulanda ati uyu Yesu uwaku Nasareti ali nokonaula ino incende elo noku pilibula iho fwebene batushila kuli Mose.'' ¹⁵ Nabonse bashi cilye abaikele batontomeshe amenso yabo pali ye elo ba mwene icinso cakwe cali kumoka ukubati cinso cakwa malaika.