¹ Shimapepo mukalamba aishile kulanda ati, ''Bushe ifi fintu fishinka?'' Stefano aishile kulanda ati, ² ''Bamunyinane na batata, umfweni kuli nebo: Lesa wabukata aishile kubonekela kuli tata Abraham uluntu ali ku Mesopotamia, talati ekale mu herani; ³ aishile kulanda kuli ye atu, 'Fuma mu calo cobe elo no lupwa lobe, uye na kucalo nkakulanga.' ⁴ Eluntu aishile kufuma mu calo caku Ludea aya na mukwikala mu Herani; Panuma yamfwa yakwa wishi. Lesa aishile kumuleta namuli cino calo mukoikalamo pali ino nshita. ⁵ Tapelemo nangu umo pakunyanta ulukasa .Leloalaile- nangula Abrahamu takwetepo mwana-ati ali no kupela icalo nga icikwatwa kuli ye elo na kubufyashi bwakwe ubwakonkapo panuma yakwe. ⁶ Lesa alikulanda kuli ye ngefi, ubufyashi bwakwe bukalaba panshita iyalinga mu calo cabene. bakabateka ubusha nokubacusha pa myaka imyanda ine. ⁷ 'Nkakanda uyo mushoboabakabateka ubusha,' efyasosa Lesa, 'elyo panuma bakafuma no kutampa ukumpepa muli iyi cende. ⁸ Eluntu Lesa aishile Abraham ulutambi lwa kusembulula pa bushiku bwakulenga cinekonsekonse, Isaki aishile kuba wishi wakwa yakobo elo na Yakobo aishile kuba wishi wabana ikumi limo na babili ifikolwe fyalumbukwa. ⁹ Pantu ifikolwe fyalumbukwa fyakwatila Yosefu akalumwa, baishile kumushitisha ku Egypto; lelo Lesa ali nankwe ¹⁰ elo no kumufumya mufyakumanama ifyali kumuponena. Aishile kumupela ububile na mano ku ceni cakwa Farao imfumu ya Egypito, uwa musontele ukuba umulashi mu egypito na mufyalo fya kwisano lyakwe. ¹¹ Nomba kwaponene icipowe mu calo conse mu Egypito elo na Kenani elo mwaba nokucula nganshi, nabashifwe tababwene ifyakulya. ¹² Lelo uluntu Yakobo aishile kumfwa ati kuli ing'ano ku Egypito, aishile kutuma ifikolwe fyesu mubulendo bwakubalilapo. ¹³ Mubulendo bwacibili Yosefe aishile kuishibisha umwine kuli bamunyina bakwe, elyo naba lupwa lwkwa Yosefe baishile kwishikwa kuli Farao. ¹⁴ Yosefe abwekeshemo bamunyina wakwe ukuya eba Yakobo Wishi akese ku Egypito, pamo pene nabalupwa lwakwe bonse, pamo bali amakumi cine lubali nabasano. ¹⁵ Awe Yakobo aishile kuya Ku Egypito elo nokufwa, ye ne fikolwe fyesu. ¹⁶ Baishile kusendwa ku Shekemu elo no kushikwa mu cilindi ico Abraham ashitile ne ndalama kuli bamwana Hamori mu Shekemu. ¹⁷ ''Awe inshita ya cilayo yapalama ukufikilisha icilayo Lesa alaile kuli Abraham. Abantu baishile kusanduluka elo bafyalinkana mu Egypito . ¹⁸ panka kwaisa imfumu imbi itaishibile Yosefe. ¹⁹ Yacitile ubucenjeshi kubantu besu nokubapatikisha ukuposa utunya panse, pakuti tulekufwa. ²⁰ Panshita ilya Mose alishile kufwalwa; ali uwakuyemba ku cinso cakwa Lesa ena asungilwe mu ng'anda pa myenshi itatu mu ng'anda yakwa wishi. ²¹ uluntu aishile kuposwa kunse, umwana wakwa Farao umwanakashi aishile kumubula nokumucita ngo mwana wakwe. ²² Mose alisambilile mu mano yonse ayabena Egypto, elo ali uwamaka mu cebo elo na mu mulimo. ²³ ''Lelo uluntu akwete imyaka amakumi yane, caishile mumutima wakwe ukuya kumpempulako bamunyina bakwa, abana bakwa Israeli. ²⁴ Pakumona umo umwina Israeli bakomucusha, Mose ali mupokolweleko nokumulandwilako pakupuma umwina Egypito: ²⁵ aishile kutontokanya ati limbi kuti bamunyina bakwe kuti baishiba ukuti Lesa kukuboko kwakwe alikubapususha, lelo tabailwike. ²⁶ Mubushiku bwakonkapo aishile kubona abaume babili bakolwa aeseshe ukabawikishanya bonse babili ati, 'Mwebaume, muli bamunyina; nga cinshi mukoicenawila?' ²⁷ ''Lelo uwalikuma umunankwe amutandwile no kumweba ati, nani wakunsota ukuba ka Pitao nangu kapingula pali fwebo? ²⁸ Ukofwaya ukunjipaya, ngafilya waipeye umwina Egypito mailo?' ²⁹ Mose aishile kubutuka pakumfwa aya mashiwi; aya sanguka umulebeshi mu calo ca Midiani, uko aishile kuba wishi wa bana baume babili. ³⁰ Uluntu paishile ku pita imyaka amakumi yane, malaika aishile ku bonekela mu matololo ya Lupili lwa Sinai, mu lubingu lwa mulilo mu cimpusa. ³¹ Uluntu Mose aishile kubona umulilo, alisungwike ico abwene; elo alikupalamina ku kubwenekesha, kwaishile kwisa ishiwi lya kwa Lesa, aliti ³² 'Ninebo Lesa waba wiso, Lesa wakwa Abraham, kabili wakwa Isaki, elo na Yakobo.' Mose alikututuma tapalamine ku lolekeshako. ³³ Shikulu atile kuli ye, fule ndyato kumakasa yobe pantu apo utaleme pa mushilo. ³⁴ Ndibwene ubucushi bwa bantu bandi abali mu Egypito; ndimfwil ukulilishika kwabo, elo kabili nditentemukile panshi kukubapususha nomba isa, nko kutuma ku Egypito.' ³⁵ Uyu Mose uyo bakene, uluntu batile ati, 'Ninani uwakusontele kuba katungulula elo kabili kapingula?'- ali umo uwo Lesa atumine kuli fyonse katungulula elo na kalubula. Lesa amutumine kukuboko kwakwa malaika uwa bonekele mu mpanga. ³⁶ Mose abafumishe mu Egypto, panuma ya kucita ifisunguso elo ne fipapusho mu Egypto elo na pali bemba wa kukashika elo na mumatololo imyaka amakumi yane. ³⁷ ''Ni Mose umo wine uwatile kubana ba Israere, 'Lesa aka mwimisha muli ba munyinanwe kasesema nga ine' ³⁸ Uyu emuntu uwalimulukuta mumatololo pamo na malaika uwa ishile kulanda nankwe palupili lwa Sinai, uwali nabashifwe elo uwapokelele ifyebo fya mweo kukutupela. ³⁹ ''Lelo bashifwe balikene uku mumfwila; bali mutamfishe ukufuma kuli bo, balipilibukile na ku Egypito mu mitima yabo. ⁴⁰ Panshita ilya baishile kulanda kuli Aaron ati, 'Tupangile Lesa uwakuti alekututungulula fwebo. Lelo pali Mose, uwa tufumishe mu calo ca Egypito, tatwishibile iciponene kuli ye.' ⁴¹ Kabili bacitile umwana wa ng'ombe munshiku shilya nokupela ilambo ku kalubi, elo no kusangalala pamulandu wa milimo ya minwe yabo. ⁴² Lelo Lesa aishile ku pilibuka elo nokubapela kukapepa intanda sha mumulu, filya calembwa mwibuku lya ba kasesema, 'Bushe imwe tamwalikutula inama shaipaiwa na malambo pa myaka amakumi yane mu matololo, mwe ng'anda yakwa Isreale? ⁴³ Mwa suminishe ihema lyakwa Moloki no lutanda lwakwa lesa Refani, elo nefimpashanya mwapangil pakuti mulekufipepa, elo nkamutamfisha ukutali na Babiloni.' ⁴⁴ ''Bashifwe bali ne ihema lyabunte mu matololo, ngefyo Lesa akonkomeshe ilyo asosele kuli Mose ati afwile acipanga nga umusango abwene. ⁴⁵ Panuma, ifikolwe fyesu, pali Yoshua, bapokelele Ihema elo no kwisa nelyo uluntu bapokele icikwatwa muli cilya calo. Lesa apokolwele icalo kunko nokuba fulumuna pantanshi ya ifikolwe fyesu. Ihema epakwikala mu calo mpaka na mpanshita yakwa Davidi, ⁴⁶ uwasangile ububile mu menso yakwa Lesa, elo alombele ukuti afwaile Lesa wakwa Yakobo apa kwikala. ⁴⁷ Lelo ni Solomoni ewakulile Lesa ing'anda . ⁴⁸ ''Lelo, uwapulamo tekala mu mayanda yakuulwa ne minwe sha bantu, ngefyo na kasesema alanda, ⁴⁹ 'Umulu e cipuna candi ne calo e cakunyantapo amakasa yandi. Nga ni ng'nda nshi mwingankulila? Nangu nipa cende nshi ninga tushisha? ⁵⁰ Bushe tekuboko kwandi kwa citile fyonse ifi fintu?' ⁵¹ ''Mwebatalama-ku mikoshi, abashasembululwa imitima na matwi, lyonse mukana Umupashi wa Mushilo, mucita nge fyo ifikolwe fyenu fyali kucita. ⁵² Nani uwa muli ba kasesema ifikolwe tafyapakashile? Baipeye ba kasesema abababalilepo ukusobela ukwisa kwa mulungami, elo na mwisa kuba nomba abakwaluka nabo aba mwipeye, ⁵³ nimwe mwapokelela amafunde ayo malaika apampamike, lelo tamwayakonkele.'' ⁵⁴ Nomba uluntu bashicilye baishile kumfwa ifi fintu, cabapitile kumitima, balasumanya na meno pali Stefani. ⁵⁵ Nomba ye, pakwisushiwamo no Mupashi wa Mushilo, atontele amenso ku mulu no kubona ubukata bwakwa Lesa; elo na Yesu natalama ku kulyo kwa kwa Lesa. ⁵⁶ Stefani atile, ''Boneni, ndibwene umulu na ulisukile, no mwana wa muntu alitaleme kukuboko kwa kulyo kwa kwa Lesa.'' ⁵⁷ Pali ici bashi cilye baishile kwisala amatwi yabo, elo nokulasowesha namashiwi mukupangalika, no kumufutukila capamo. ⁵⁸ Baishile kumutintanya bamufumisha na kunse ya musumba elo batampa no kumutoba amabwe. Bakambone baishile kwanshika ifyakufwala fyabo ifya kunse pankasa ya mulumendo uweshina lya Shauli. ⁵⁹ Ilyo balemulikulasa amabwe Stefani, alikukuta kuli Lesa elo nokulanda ati, ''We mfumu Yesu, pokeleleni umupashi wandi.'' ⁶⁰ Iashile kufukama panshi elo kupunda ishiwi ilikalamba ati, ''We mfumu, mwiikata ulu ulubembu pali bo.'' Uluntu aishile kulanda if, alifwile.