¹ Nomba kwali umuntu umo ishina lyakwe ali Anania, no mukashi wakwe Safira, balishitishe impanga yabo, ² elo balifishilepo indalama shimo pacipendo bashitishe (umukashi wakwe naye alishibile), elo batwele indalama isha shelepo no kushibika pamakasa ya basole. ³ Elo Petelo alandile, ''Anania, Nindo Satana akwingilila mumutima pakubepa umupashi wamushilo elo wafisapo indalama shimo isho ushitishe impanga? ⁴ Ilyo taulashitisha, tayali yobe, elo napanuma washitisha, bushe tayali munsambu shobe? Ninani akubikamo aya amatontonkanyo mumutima obe.Taubepele abantu, lelo ni Lesa. ⁵ Pakumfwa aya amashiwi, Anania aliponene panshi ekufwa no kufwa, elo baumfwile umwenso sonse abaumfwilepo. ⁶ Abalumendo balimufungile, elo balimufumishe panse nokuya ku kumushika. ⁷ Panuma yansa shitatu, umkashi wakwe alishile taishibile ifyalekucitika. ⁸ Petelo epakumweba, '' Unjebe nga cakuti mwashithe iyi impanga pali uyu umutengo. ''Alyasukile ati, '' Ee, nifyo fine.'' ⁹ Elo Petelo alimwebele ati. '' Nindo mwaisuminishanya no kweska Umupashi' wakwa Lesa? Lolesha amakasa ya balumendo abaciya mukushika umulume obe tayalafutika, nawebo wine balakufumya.'' ¹⁰ Kala kale aliponene aliponene panshi pamakasa ya kwa Petelo elo afwa no kufwa. Uluntu abalumendo baingile, basangilefye alifwile, elo balimusendele kumushika mupepi no mulume. ¹¹ Ulukuta lonse lwali no mwenso uukulu elo elo na bonse abaumfile fyonse ifyacitikile. ¹² Ifingelengwe elo nefipapusho fyalekucitika mubantu ukupitila mu basambi. Balekulongana mulukuungu lwa kwa Solomoni. ¹³ Nangula balikulumbanya abasumine, awe tapali nangula umo uwapamine nokuikumika kwi bumba lyabo. ¹⁴ Bali abengi abalikusumina no kuikumikako kuli Shikulu, cinkupiti wakubashitata elo manamayo, ¹⁵ icakuti balikuleta na bakulwala mu misebo elo ba likubalalika pamasanshi elo namu nkungu, pakuti Petelo nga alepita icinshingwa kuti capitko pali bamo. ¹⁶ Kwali kwisa ne mpendwa ya bantu abengi ukufuma mu mishi iyashingulukile Yelusaleem, balikuleta abalwele elo nabo abali ne mipashi yakukowela, elo balikupola. ¹⁷ Nomba umukulu waku bashi mapepo elo nabo bonse abali naye(uyo ewali emubela waba Saduki); elo bali swilemo ubufuma ¹⁸ elo baliete nabatumwa, elo no kubabika mu cifungo ca cikaya. ¹⁹ Lelo mu nshita ya bushiku malaika wakwa shikulu aliswile ifibi ifya mucifungo elo nokubafumisha pane, elo nokubeba ati, ²⁰ ''Kabiyeni, mutalame mwi tempele elo mulande ku bantu amashiwi yonse aya buno Bwikashi.'' ²¹ Uluntu baumfwile ifyo, balingile mwi tempele ukulosha mu kuca kwa bushiku elo balikusambilisha. Nomba umukulu wakuba shimapepo alishile, elo nabali naye, elo akutile bashi cilye pamo, na bonse abakalamba ba bantu bamu Israeli, elo alitumine abakuya kuleta abasmbi ku cifungo. ²² Nomba abashilika abo abaile taba basangilemo mu cibfungo, elo babwekelemo elo nokutwala ulusebo, ²³ ''Twali tusangile icfungo cilisakile elo naba malonda balimine pa mwenshi, nomba uluntu twacisula icibi, tatwacisanganamo nangu umo mukati.'' ²⁴ Nomba uluntu umukulu waku bakalinda be tempele baumfwile ayo amashiwi, calibapeseshe amano elo tabaishile nefyo cacitikile. ²⁵ Eluntu umuntu umo aishile elo nokubeba ati, ''Abantu abo mwabikile mu cifungo bali mwi tempele elo balesambilisha na bantu.'' ²⁶ Eico umukulu wakuba kalinda balile pamo pene nabo batumine, elo noku babwesha, nomba ukwabula ulukakala pantu bali kutina ukuti abantu kuti babalasa amabwe. ²⁷ Uluntu babaletele, bali beminikile ku cilye. Umukulu waku ba shimapepo alibepushishe, ²⁸ nokbeba ati, ''Twalimikonkosha ne cipope ukuleka ukusambilisha muli ili ishina, nomba mwalitwalilila mu Yelsaleem monse elo mulekabila noku bika umulopa wa uyu munvtu pa mitwe yesu.'' ²⁹ Nomba Petelo na basmbi balyasukile abati, ''Tulingile ukumfwila Lesa ukucila ukumfwila abantu. ³⁰ Lesa wakuba shifwe alibushi she Yesu, uyo mwaipeye noku mutanika pa musalaba. ³¹ Lesa alimwimya nokubika ku kuboko kwakwe ukwa ku kulyo ukuba e ntungulushi elo e kalubula, no kuleta ukulapila ku bena Israeli, elo nokubelelwa kwa ma sambi. ³² Ni fwebo bakambone ba ifi fintu fyonse, pamo pene no Mupashi wa Mushilo,uyo uo Lesa apela kuli abo abantu abalemumfwila.'' ³³ Uluntu bashilye baumfwile ifyo, balifulilwe elo nokufwaya bepaye abatumwa. ³⁴ Nomba umu Faliseyo uweshina lya Gamaliel, ni kasambilisha wa mafunde, uo abantu bonse bapele umucinshi, alitaleme elo noku konkomesha ati abasambi baba funishe panse panono. ³⁵ Eluntu abebele ati, ''Mwebena Israeli, mutontonkanye bwino pafyo mulefwaya ukucita kuli aba bantu. ³⁶ Inshita yaku numa, Theudas alimine nokui tuntumba ukuba umo elo ne mpendwa ya bantu, ukufika fye naku myanda ine, balimukonkele. Alipaiwe, elo nabonse abali kumumfwila balisalangene elo tapashele nangu umo. ³⁷ Panuma ya uyu muntu, Yuda uwa ku Galilee alimine mu nshiku sha kupenda abantu elo na bantu bambi bali mukonkele. Nao ulo afwile, elo na bonse abali kumumfwila balisalangene. ³⁸ Nomba nebo nalanda kuli ati, suleniko kuli aba abantu balekeni balekuya, pantu ubu ubwanshiko nangu imilimo nga ya muntu fye, ili noku cimfiwa. ³⁹ Nomba nga cakuti cakufuma kuli Lesa, tamwaka bacimfye, limbi mukaisanga nokuti mulelwa na Lesa.'' Eico ali banakilishe. ⁴⁰ Eluntu bakutile abasambi mukati elo nokuboma eo nokuba konkomesha ukuleka ukulanda mwishina lyakwa Yesu, elo babalekako. ⁴¹ Balifumine mu cilye aba nsansa pantu balikubapenda pakucula pe Shina. ⁴² Panuma yaifyo cila bushiku, mwi tempele muli cila ing'anda ne ng'nda, batwalilile ukulabila imbila iyakuti Yesu e Kristu.