¹ Eico Agilipa atile kuli Paulo,''Kuti wailandila wemwine.'' Elyo Paulo aimishe ukuboko kwakwe nokuicingilila. ² ''Nailenga nemwine ngo wansansa, we mfumu Agilipa, pakwiminina pa cinso lelo pafyo balembepesha ku ba Yuda, ³ Makamaka pantu webo uli kalapashi muli shonse intambi shaba Yuda na mepusho. Eico nakulomba ukungumfwa mumutelelwe. ⁴ Mucine bonse aba Yuda balishiba ifyo njikala ukufuma ku bwaice bwandi mu mutundu wandi nemwine kabili naku Yelusalemu. ⁵ Balinjishiba ukufuma ku kwamba nga balekabila ukusumina ici, kuti naleikala ngo mu Falise, impqka yakatisha mu mipepele yesu. ⁶ Lelo naiminina pano pakuti mpingulwe pa kusubila kwandi mubulayo bwa pangile Lesa kubafyashi besu. ⁷ Nyububwine bulayo ubo imitundu yesu ikumi naibili isubilo ukupokelela ilyo baleshuminisha Lesa umupwilapo ubushiku na kasuba, kabili nipali ili line isubilo, we mfumu, ukuti aba Yuda balemfyengenyeshapi. ⁸ Ninshi cilemoneka kuli mwe ukukana shininkisha ukuti Lesa abusha naba mfwa? ⁹ Lelo icine cine palwa ndi ntontonkanya ukuti mfwile nackita ifintu ifingi palweshina lyakwa Yesu uwaku Nasaleti. ¹⁰ Nacitile ifi mu Yelusalemu. Nalongelwe mu kalyati abengi abntu abashila bakwa Lesakumaka napokelele ukufuma kuli bashimapepo ba kalamba; kabili ilyo baipaiwe naine nalesumiunisha palibo. ¹¹ Nalebacusha imiku iingi monsee muma Sinagoga kabili naliesha ukucila pali kabili nabacushishe nakumisumba nakumisumba yabenafyalo bene. ¹² Ilyo nalecita, ici naile ku Damasika namaka ne fipope ukufuma kuli bashimapepo bakalamba, ¹³ kabili munshila pakuya kulya, pakati kakasuba we mfumu, na mwene ulubuto ukufuma ku mulu, ulwabutisha ukucila akaasuba, lwa akile ukushinguluka bonse nrbo nabo naleya nab. ¹⁴ Ilyo twawile bonse panshi naumfile ishiwi lilendanda kuli ne ilyo ilyalelanda mululimi lwa ci Yuda, Saulo, Saulo, nionshi ulencushisha? Cintu cashupa kuli we ukupanta ku casompa. ¹⁵ Elyo natile; Niwe nani we mfumu? Imfumu yaaswike, 'nine Yesu uyo ulecusha. ¹⁶ Nomba ima kabili iminina; pantu pali ici cine namonekela kuli we, ukukusonta ukuba ukuba umubomfi kabili kambone mukulingana nefintu ifyo waishioba waishiba pali ne lelo kabili nefintu ifyo nokukulanga kuntanshi, ¹⁷ kabili ndinokukupususha kubantu naku bena fyalo kuli abo ndekutumako, ¹⁸ mukwikwisula amenso yabo kabili ukubafumya kumfimfi ukubatwala kulubuto kabili ukufuma kumititikisha wakwa Satana ukuya kuli Lesa, pakuti benga pokelela kuli Lesa ikwelelwa kumasambi kabili nokupyana ifyo nabapela kuli abo abasangululwa mucicetekelo kuli ne. ¹⁹ Kanshi, we mfumu Aglipa, nshasushishe icimonwa cakumulu, ²⁰ nomba, kuli abo mu Damasikopakubala, kabili mu Yelusalemu, kabili kuba mu calo conse ica Yudea, na kubena fyalo bene, nabapele amashiwi ayakuti bafwile ukulapila na kupilibukila kuli Lesa, nokucita, nokucita ificitwa ifilelanga ukulapila. ²¹ Pali uyu mulandu aba Yuda balingikete mwitempele kabili nokufwaya ukunjipaya. ²² Lesa alingafwa ukufika nanomba, Eico nalimanina elo nokupela ubunte ku bantu bafye elo na bakalamba palwa bakasesema elo na Mose efyo alandile ukuti fikacitika- ²³ ukuti Kristu afwile acula elo palico ukuba uwakubalilapo ukubaka ku bafwa, alinokushimikila ulubuto ku bantu besu elo na kubenafyalo. ²⁴ Ilyo Paulo apwilishishe ukuipokolola, Fesitasi aishile kulanda neshiwi ilikalamba, '' Paulo, wali pena ukusambilila sana kwalenga webo ukupena.'' ²⁵ Lelo Paulo aishile kwasuka ati, ''Ntapena, we mulopwe Fesitasi, lelo efyo nkolanda fya cishinka elo fyabufuke. ²⁶ Ngefyo imfumu yalishiba pali ifi fintu; elo nkolandila uwakupama kuli ye, pantu ninshininkisha ukuti tapali nangu cimo pali ici icifishilwe kuli ye; pantu ici tacacitikile mubumfisolo. ²⁷ Bushe walisumina muli bakasesema, We mfumu Agrappa? Nalishiba walisumina." ²⁸ Agilipa atile kuli Paulo, ''Munshita iinono ulefwaya umpilibule no kunenga ukuba umwina Kristu. ²⁹ Paulo atile ''Napepa kuli Lesa, nangula cibe munshila iinono nangula iitali, teiwe wekafye, lelo nabo bonse abaleumfwa kuli ne lelo, bali nokuba ngane, lelo ukwabula inshinga shamukalyati.'' ³⁰ Eluntu imfumu yaishile kutalama, nomulashi, elo na Benisi wine, nabo abaikele nabo; ³¹ uluntu bafumine mucikulwa, balikulanda umo kumunankwe nokutila, ''Uyu muntu tapali ifyo acitile ifingalenga ukumwipaya nangu ukumukaka. ³² Agilipa aishile kulanda kuli Fesitasi ati, '' Uyu muntu nga acilekelwako nga cakuti tabonekele kuli Kesa.