¹ Nomba, Fesito waingile mucitungu, elo panuma ya nshiku shitatu, wafumine ku Kesalia no kuya ku Yerusalemu. ² Bashimapepo abakulu elo ne ntungulushi sha ba Yuda baletele imilandu iyo bapele Paulo, elo baipusha Fesito ukuti abomfwe - ³ ukumulomba ukuti abafwilishe ukupela Paulo imilandu-ukuti abaletele Paulo ku Yerusalemu, pantu balikupekanya ukuti bakamusanse elo no kumwipaya pakupita mushila. ⁴ Fesito wabaswike ukuti Paulo asungwa mu Kesalia, elo nao wali na mapange yakuya kulya kwine mukwangufyanya. ''Eico kuli abo abengaya,'' walandile ukuti, kuti baya nefwe. ⁵ Elo nga kulipo umulandu uuli onse uyo acita uyo muntu, kuti mwayakumupa umilandu. ⁶ Fesito waikelefye inshiku cine Konsekonse nangula ikumi limo elo waile ku Kesalia, elo ubushiku bwa konkelepo waikala pa cipuna ca kupingwilapo elo wapela icipope ca Kuleta paulo kuli yee. ⁷ Ulo paulo wafikile, aba Yuda abafumine ku Yerusalemu baiminine mupepi napo wali elyo batendeke ukupela Paulo imilandu iikulu kabili iingi lelo tamwalipo ifishinka. ⁸ Paulo waliipokolweleko no kulanda ukuti, '' nshacitapo lubembu lwakupula ifunde lya ba Yuda nangu ukulufanya kwi tempele nangula kuli Kaisale.'' ⁹ Lelo Fesito wena walikufwaya ukusekesha aba yuda, elo wayaswike Paulo no kulanda ati, ''Bushe ulefwaya ukuya ku Yerusalemu elo ukuya ku pingwila pali iimilandu?'' ¹⁰ Paulo wa yaswike ati, umulandu wakwe waba ku cilye ca kwa Kaisale eko bafwile ukumpingula. Nshalufyanyapo umu Yuda nangula umo, ngefyo ne mwebene ico cena namwishibafye bwino. ¹¹ Nomba nganalibifya elo kabili nga nacitapo icibi ica kuti ningafwilapo, nshilekana kufwa. Lelo imilandu balempela nga yabufi, takuli nangu umo uwalampela kulibo. umulandu wandi ulinokuyafye kuli Kaisale.'' ¹² Panuma ulo Fesito wa landile na ba shicilya, elo wayaswike ati,'' walitwala umulandu wobe kuli Kaisale. Kanshi ulingile ukuya kuli Kaisale.'' ¹³ Nomba ulo papita inshiku shimo, imfumu Agripa elo na benike baishile ku kesalia ku kutandalilo Fesito. ¹⁴ Panuma ya kwikala kulya inshiku ishingi, Fesito ekulondolwelako imfumu Agripa umulandu wa kwa Paulo, alandile ati, ''umuntu umo balimushalike kuno ngo mufungwa kuli Felix. ¹⁵ Ulo nali mu Yerusalemu, bashi mapepo abakulu elo na bakalamba ba ba Yuda baletele imilandu iyo balikupa uyu muntu kuli ine, balikubimba ukumupela imilandu iingi. ¹⁶ Nabaswike nati talwaba lutambi lwa bena Roma ulwakumupela uuli onse ku bakumupela imilanua libe abakumupa imilandu tabakumushinina elo no kupela akashita kuli shimilandu akakupokololako ku milandu bakamupela. ¹⁷ Eico, ulo baishile pamo kuno, nshaposele na kashita, lelo ubushiku bwakonkelepo naikele pa cipuna ca ku pingwilapo elo no kubeba ukuti balete uyo muntu kuno. ¹⁸ Ulo abalikumupela imilandu baiminine,bafililwe ukumushinina nagula fye panono nga ifyo naine nali kutetekela . ¹⁹ Mucifulo, balifye na fimo ifyo bali kukansaninapo naye ifya pamulandu wa imipepele elo na palwa muntu umo uwafwile uyo balikwita Yesu, uyo Paulo walikweba ati wa mweo . ²⁰ Nshakwetepo icishinka palwa kufwailisha umulandu , elo nalimwipushe nga kuti afwaya ukuya ku Yerusalemu kukuya mulubulwisha palwa milandu intu bakumupa. ²¹ Lelo ulo Paulo walombele ukuti bamusunge mu cifungo ulo akololela ukumfwa ukulanda kwa mfumu, napele icipope ca kumusungila mu cifungo mpaka ulo nkamutuma kuli Kaisle.'' ²² Agripa walandile kuli Fesito,'' kuti namwa ukumfwa kuli uyu muntu.'' ''Elo Fesito walandile ati, mailo , uli no kumfwa kuli yee.'' ²³ Kansi ubushiku bwakonkelepo, Agripa elo na Benike baishile bakosefya nganshi; baishile mu ng'anda ninshi bali na bashilikale na bacindami ba uyu musumba. ulo Fesito wapele icipope, Paulo balimuletele kuli bo. ²⁴ Fesito watile,'' We mfumu Agripa, elo namwe bonse mwebali naifwe pano, uyu muntu mwamumona; ibumba lyonse ilya ba Yuda banjitile mu Yerusalemu elo nakabili kuno kwine, elo balikupundilishakuli nebo ukuti tafwile kuba na mweo. ²⁵ Lelo ine nasambilile no kusanga ukuti tacitapo icili conse icingalenga ukuti afwe; lelo pakuti walilombele ukuti engatwalwa kuli kateka mukalamba naine nasala po ukumutuma. ²⁶ Lelo nebo nshikwete ifya cinshinka pakuti ningalembela Shikulu wandi. Emulandu na namuetela kuli mwe, namuleta kuli imwe, makamaka kuli we Mfumu Aripa,pakuti mwingakwatapo fimo ifyakuti mungalemba palwa uyu muland. ²⁷ Pantu mufyo nkomona tacili bwino ukutuma umufungwa ukwabula ukulondolola imilandu intu ali nayo.''