¹ Panuma ya nshiku shisano, Anania umukulu uwakuba shimapepo, bamo abakulu, elo nowaishibisha amafunde uwe shina lya Tertullus balile kulya. Aba bantu batwele umulandu wakwa Paulo kuli cilolo. ² Uluntu Paulo ataleme kuntanshi yakwa cilolo, Tertullus atatikile umupa imilandi elo nokulanda kuli cilolo ati, ''Pa mulandu obe twalikwata umutende uukulu, elo na mano yobe yalileta ukutunguluka mu calo; ³ eico kanshi mukutotela konse fwebo tulepokelela fyonse ifyo ulecita, mwe bafikapo ba Felix. ⁴ Eico pakuti Nitwalilila ukumikalika, Ndemipapata ukuti mutimfweko mukusupawila. ⁵ Pantu fwebo twasangana ukuti uyu muntu lisamika elo eulenga bonse aba Yuda mu calo conse ukuba bacisanhuka. E ntungulushi ya mpuka yabena Nasareti. ⁶ Alyeseshe nokuwesha itempele, eco fwebo twamwikatile. ⁷ Lelo umukulu wa bashilika Lusia asisa ku mufufunyapo ku maka fye. ⁸ Uluntu mulemwipusha Paulo pa milandu yonse, mukomfikisha nokusambilila pa finti fwebo tule mushinina.'' ⁹ Aba Yuda nabo baliilundimo muku mupela imilandu, noku mushinina ukutiniyi imilandu yonse ya cine. ¹⁰ Nomba eluntu umulashi acebwishe Paulo pakuti engalanda, Paulo alyasukile ati, ''Nebo ndyumfwikishe ukuti pa myaka iingi ulikapingula wa milandu muli cino calo, elo nebo natemwa ukuti njilandile kuli we. ¹¹ Na mwe bene kuti mwaishiba ukuti tekuti icile inshiku ikumi limo na shibili apo nailile ku kupepa mu Yelusaleemu. ¹² Uluntu bansangene mwi tempele, Nshatalikenepo no muntu nangu umo, elo nshafulungenyepo ibumba, nangula fye nimu sinagogi, nangu ni mu musumba. ¹³ Tekuti banshinine pa milandu yonse iyo balempela pali ino nshita. ¹⁴ Nomba Nebo ndelanda ifi kuli mwe, ukti ukulingana ne mpuka isho balelanda, kwena nasumina ukuti mpepa Lesa wafikolwe fyesu. Nalisumina mu mafunde yakwa Mose elo na malembo aya kuba kasesema. ¹⁵ Nandibo nalicetekela muli Lesa pamo nga bene bantu, nokuti kukaba ukushikuka kwa bonse abaloloke elo nbabifi. ¹⁶ Eico kanshi Ndesha lyonse ukwenda no mutima uwakaele pa cinso cakwa Lesa elo napa bantu. ¹⁷ Lelo panuma ya myaka iyingi Nebo naishile mukuleta ubwafwilisho ku calo candi elo ne fyabupe ifya ndalama. ¹⁸ Uluntu na citile ifi, bamo aba Yuda abafumine ku Asia basnsangene mu kusefya ukusangululwa mwi tempele, ntali ne bumba lya bantu nangu icimfululnganya. ¹⁹ Abo bantu balingile ukuba pano pali mwebo elo nga cakuti balikwetepo fyabubi pali ne, nangu nga bali nefyakulanda pali ne. ²⁰ Elo nga teifyo, aba abantu bamo bene ifintu ifyabubi ifyo basangene muli nebo uluntu nataleme kuntashi ya cilye ica ba Yuda, ²¹ kano pacintu cimo cine ico nebo napundile ukulanda ulo nebo naiminine pali bo, ''ico cakumune ukushikuka kwa bakufwa eco nebo ndepingwilwapo kuli mwebo lelo.''' ²² Eluntu Felix, uo balandile bwino pa lwa Nshila, alimunikile umulandu. Alandile ati, ''Uluntu Lisias umukulu waba shilika akesa ukufuma ku Yelusaleemu, elo nkapingula umulandu obe. ²³ Eluntu akonkomeshe malonda ukuti Paulo asungilwe mu kalyati, nomba akwate amayendele panono epakuti bekanyapo nangu umo pa fibusa fyakwe ukumwafwilisha ku filefwaikwa. ²⁴ Panuma ya nshiku shimo, Felix alibwelele pamo na Drusilla umukashi wakwe, uwali mu Yuda, elo aebele ukuti balete Paulo elo omfwe ukuma kuli ye palwa cisumino muli Kristu. ²⁵ Nomba uluntu Paulo alanshanya naye palwa bulungami, no lwa kuteka umutima, elo napa lwa bupingushi ubuleisa, Felix alyimfwile umwenso elo nokulanda ati, ''Kabuye ngale pali ino nshita. Nomba uluntu nkakwata inshita ku ntanshi, nkatuma abakukuta nokwisa kuli ne.'' ²⁶ Panshita imo ine alikucetekela ukuti Paulo akamupelako indalama, eico alikutuma aba kumukuta libili libili elo nokulanda kuli ye. ²⁷ Nomba uluntu imyaka ibili yapitile, Porcius Festus ewaishile kuba umulashi panuma yakw Felix, nomba ico Felix alikufwaya ukusekesha aba yuda, eico kanshi ashile Paulo alikakilwe mu cifungo.