¹ Uluntu twasuminishenye ukuti twabukile ku Itali, bapele Paulo elo nabafungwa bambi ku mukulu waba shilika uweshina lya Julius uwa mumpuka yakwa Augusto. ² Twaninine mu combo ukufuma ku Adramyttium icalikuya ku fishi ifyaba mu Asia. Eico twalile ku bemba. Aristarchus ukufuma ku Tesalonika mu Mesodonia aile nafwe. ³ Ubushiku bwakonkelepo twafikile mu musumba wa Sidoni, umo umo Julius asungile Paulo bune bune elo nokumusuminisha ukuya kubakwe ukuti bamusungeko. ⁴ Pakufuma kulya twaile ku cishi elo twaile mu mbali yalulamba lwa Cyprus, mupepi naku cishi, pantu twalikupansa umwela. ⁵ Uluntu twaile pa cishi nokucila Cicilia elo na Pamphylia, twafikile pa Myra, umusumba wamu Lycia. ⁶ Kulya kwine, umukulu waba shilika asangile ichombo icafumine ku Alexandria ico icalikuya ku Italy. Atuninikishe muli ico cine. ⁷ Uluntu twalikuya bucebuce pa nshiku ishingi elo namukulekelesha twafikile mukucululuka mupepi na Cnidus elo umwela tawasuminishe ukukonkanyapo ukulola kulya, twalolele kulubali lwa Krete, uwalungatana na Salmone. ⁸ Twaendele pa menshi muku cucutika, mpaka fye twasuka twafika napa ncende imo iyo bakuta ati Ifishobe fyabune, ico icaba mupepi no musumba wa Lasea. ⁹ Twalisende inshita iikulu, ne nshita yaba Yuda iyakufunga ukulya ninshi nayo yalipitile, elo calishile kuba icakwafya ukwenda pali bemba. Eico kanshi Paulo alibasokeleko, ¹⁰ elo nokulanda ati, ''Mwe bantu, Ndebona ukuti ubu ubulwendo ubo twalabamo bwalaba bwakucena elo nokulofya, tekwafipe fye kweka elo ne combo, nomba nokwa myeo yesu kwine.'' ¹¹ Nomba umukulu wa bashilika aposele fye amano kuli katebebe elo naku mwine wa combo ukucila ku fintu ifya likulanda Paulo. ¹² Pantu icabu tacali icabune ukuwikalapo pa nshita ya mupepo, nabakensha abengi bapandile amano yakufumako kulya, elo nga cakuti kuti kwabako inshila shimbi ishakufikilamo ku musumba wa Phoenix, nokuya kupwisha umupepo kulya. Phoenix cali cabu camu Krete, ukuloshanua fye konse ukulola ku masamba elo nokulola ku kabanga. ¹³ Eluntu umwela waku masamba nga watampa ukupuupa mu muteleelwe, bakensha wacomba balikutontonkanya ati basangana ico balikufwaya. Eico kanshi baabwile mushikita elo nokulola ku Krete, mupepi naku mulundu. ¹⁴ Nomba mu nshita fye iinono icipuupu icikulu calishile, cafuma lwakukabanga lubali lwakukapinda kaku kuso, icipuupu catmpile ukupuupa ukufuma pa cishi. ¹⁵ Uluntu icombo bacisangene ku cipuupu elo cafilwa nokupansa umwela, twalekele icombo calikupitwa no mwela. ¹⁶ Twaile ukulola kululamba lwa cishi icinono icintu bakuta ati Cauda, elo mukucucutika twalisukile twafunya akabwange pa mulu wa combo. ¹⁷ Uluntu bakakile akabwange pa mulu, babomfeshe imyando yaka bwange ukukakilako mu shikita wa combo. Balikutina ati ukuti bepuma mu filundulundu fya mucanga uwali mu lulamba lwa Syrtis, elo baimya mushikita nokuleka icombo cilepitwa fye no mwela. ¹⁸ Twaendele fwebo mubusanso bwakulwisha icipuupu icakuti ubushiku bwakonkelepo twatampile ukfunyamo ifipe fimo noukulekufiposa. ¹⁹ Pa bushiku bwakulenga shitatu bakensha wa combo baposele nefipe ifyacombo ukubomfya amaboko yabo. ²⁰ Uluntu akasuba elo no mweshi tafyatusanikile pa nshiku ishingi, elo ninshi ne cipuupu tecakucepako iyo, awe ne subilo lyonse ilyakupusuka lyalipwile. ²¹ Uluntu bapwile inshiku ishingi ukwakubula ukulya, eluntu Paulo ataleme pakati kakubakensha ba combo nokulanda ati, ''Mwe bantu, nga mwalingumfwile, elo nga tatwafumine ku Krete, nga takukweteubu ubusanso elo noku ukulufya. ²² Lelo ndemipapata ukuti shipeni fye mwinenuka, pantu takwabe ukulofya kwa myeo pali mwe, kuleba fye ukulofya kwa combo. ²³ Pantu ubushiku bwafumineko malaika wakwa Lesa uo nebo nasuminamo, uo nebo kabili mpepa--malaika wakwe aliminine pambali nandi ²⁴ elo nokunjeba ati, 'Witutuma, Paulo. Uli nokuya kwiminina pali Kaisale, elo bona, Lesa mucishinka cakwe alikupele bonse abo mli nabo palwendo. ²⁵ Eico kanshi sansamukeni, mwe bantu! Pantu Nebo nalicetekela Lesa ukuti cili nokucitika umo mwine malaika anjebele. ²⁶ Nomba tuli nokuposwa pa cishi cimo.'' ²⁷ Uluntu ubushiku bwakulenga ikumi limo na shine bwafikile, ulo twalikupitwa uku noku elo mu mumana wa Adriatic, ukushinta ubushiku pakati bakensha wa combo balikutontonkanya ati balafika ku mulundu umo. ²⁸ Baposele umwando uo bakakileko icela icakulema basangene ukuti pali ubutali amakumi yabili; panshta fye iinono, baliposele nakabili elo basngene ukuti palepele ikumi limo na fisano. ²⁹ Balitinine ati limbi kuti twapuma mu mabwe, eico kanshi baliponeshe ba mushikita bane elo balapepa nokuti buce bwangu. ³⁰ Abalikwensha balikufwailisha inshila iyakuti bashile icombo elo balikakwile ubwange elo nokububika pali bemba, elo nokubepaika ukubati balefwaya fye ukuposa mushikita pa menshi. ³¹ Nomba aebele umukulu elo nakuba shilika ati, ''Kano fye aba bantu bekale muno mwine mu combo, mwebo twamwapusuke.'' ³² Eluntu abashilika baputwile intambo shakubwange nokubuleka bwakunguluka. ³³ Uluntu cali ku macaca, Paulo alipapete bonse ukuti bonse balyepo ifilyo. Alandile ati, ''Buno ebushiku bwakulenga ikumi na shine mwaka aka fye elo ukwakubula ifilyo--tamwatala ukulyapo nangu kamo. ³⁴ Eico kanshi ndemipapata ukuti mwabane ifilyo, pantu epakuti mukwate umutende. Pantu pali mwebo tapabe nangu umo uulelufyapo nangu mushishi waku mutwe wakwe.'' ³⁵ Uluntu apwile ukulanda ifi, abulile umukate elo nokutotela Lesa pa menso ya bantu bonse. Eluntu asunawile umukate elo no kutampa ukulya. ³⁶ Eluntu bonse bakoseleshiwe elo nabo benae balilile ifilyo. ³⁷ Twali abantu bonse 276 mu combo. ³⁸ Uluntu baikutile, balyangisheko icombo pantu balibulile ing'anu shimo nokushiposa pali bemba. ³⁹ Uluntu bwacile, bacoba balifililwe ukwshiba umulundu, nombo balimwene ululamba ulwali no mucanga, elo balikulabishanya nga cakuti kuti baenshya icombo nokucitwala kulya. ⁴⁰ Eico kanshi baputwile intambo shakuli mushikita nokwibishamuli bemba elo baimya necisalu icakwensesha icombo kuntanshi, elo eico balilungeme nakumucanga. ⁴¹ Nomba icomba calikakete mucilundulu camucanga elo nokwiminina. Necakuntanshi calikete palya pene elo nokfilwa ukusela, elo icanuma calilepukile pa mulandu na kuluma kwa maba. ⁴² Abashilika bapangene ukwipaya abafungwa bonse pakuti peba nangu umo uwakusamba elo nokubutuka. ⁴³ Nomba umukulu wabashilika alikufwaya ukupususha Paulo, eico kanshi alibakenye amapange yabo; elo aebele abo bonse abenga samba ukutampila ukutoloka elo nokuya ku mulundu. ⁴⁴ Eluntu na bantu bonse abashala bafwile ukukonkapo, bambi pa mapulanga, elo bambi nabo pafyasunaikile ku combo. Muli uyu musango ifyacitikile fyakuti bonse balifikile ku mulundu ukwakubula ubusanso.