¹ Anto turu ane xefi de Judeu, lata contle e bi kue da Pilato. ² Ane komesa ka kuza ka fa, no taka omee, ka dana tia no, publi ngue paga imposto da Sesa, to fa ane sa Kristo un ua Ale. ³ Pilato punte, bo sa Ale de jure. E Jizu kundje, Bo fa. ⁴ Pilato fa da ane xefe saserdote, e da povo. Na be ne un ua mali de ome e wa. ⁵ Magi ane pufia, fa, e ka ndjiga povo ka xina turu judeu, comesa ndjina Galileia ate ingue. ⁶ Anto Pilato, nde kue e punta xi ome e sa aglileu. ⁷ Ola a bi ta ma e sa koxi pore de Herodes, mande e ba lele punda e ta Jeruzalem ti-e. ⁸ Ola Herode be Jizu, e gogo fogaua, e ta yo dia, ki vonte de be. E ta nde ka fa de Jizu e te vonte pia un-ua milagre giru dee. ⁹ Herode ta punte Jizu fa kua ma un gi E na kundje ne un-ua kua-wa. ¹⁰ Ane xefi de sasedote e ane eskriba lata, ka kundje E dizu-fogawa. ¹¹ Herode, ku ane sore re, trate se valo zi troca re, bixie ku un-ua mbata glavi e, a to manda Jizu to ba Pilato. ¹² Pilato ku Herode bi ta migo un-ua ki oto ni ane. Antiji de kue ane ta numigo. ¹³ Pilato, anto sama ane xefi de sasedote ane, punte de povo e ane ngueie. ¹⁴ E fa ane se bi da um ome mora un-ua ngue ki se ka lata povo ba revota, magi pia aun ta pute ne se, na be ne-uan kupa ni ome e ni repesto de kue mora se sa kupee. ¹⁵ Ate Herode me, punda e to mande be. Peiae na te ne-uan me dji me merese motxi. ¹⁶ Aun, nimoree, ngabe castigue zo legue. ¹⁷ Pilato sa obrigado de lega un-ua peso pa ane zude ola di fesa , vesikulo xie no kabe ni nanuskrito magi nakulo. ¹⁸ Magi ane nguita turu junto, fa. Xie ngue ki omee e lega Barraba! ¹⁹ Barraba era un-ua ome ki ta pesu punda de un-ua revota ni poso e e mata ngue. ²⁰ Oto vegi Pilato fa, vonte de lega Jizu. ²¹ Magi ane nguita, pregue ni kussu, pregue ni kussu. ²² E fa ane ni tesi vegi, Punda kuai. Kuali mali dji homee. Aun na be kua Ne ki merese pa txie vira , zo, ola nga castiguee aun nga ba legue. ²³ Magi ane ta ka nguita soo, pindji pe e sa krussificado. E nguita de povo mura Pilato. ²⁴ Anto, Pilati dicide da ane ku exigencia. ²⁵ E lega ngue ma ane pindji, ixe ki ta lokero ni pesu ki to ngue e assassino, zo, da ane Jizu pa ane ji vonte ane. ²⁶ Ola a be kue di ngue, te unwa ma ka sama Simon, di poso de Cirene, kabi fo mevia, a pe kusso diba re pe kegue, lele Jisu. ²⁷ Unwa meme multidon de ngue e mengai ka te pena go ka sua poviata Re ka lele. ²⁸ Magi e bila da ane, Jisu fa: Na de Jerusalem, na sua da unwa, sua antiji da se me e da moço se. ²⁹ E ka bi ria ma ka fa: Feliz ane mula e ane bega ki na pari wa, ane mama ki na mamawa. ³⁰ Anto, ane começa ka fa mundu: Kie diba non e ane monte: tapa-non! ³¹ Punda, xe ane dji kue ola po ta vere anda, kua ka po da ola po e ka bi sa kuta. ³² Outo home, dousso criminoso, a be ku ane ku Jisu pa ane mue. ³³ Ola ane xiga unwa nga samaru Kavera, ingue a pe kussu buaru mora ane kriminoso, unwa ni direta Re e outo ni xikeru Re. ³⁴ Jisu fa Paa peroa ane, ane na ta kua ku ane sa dji wa. Ane zuga zogo patxi kabixi Re. ³⁵ Ane ngue taa pie ola ane sore turu ta dji poco Re, ka fa: E salva outo ngue, legue xie ka salva ele Me, xi E sa kristo ngue Deçu koie. ³⁶ Ane soree turu zomba Re, ta ka de vinague, ³⁷ Ka fa: xi bo sa Ale de zure salva-O me. ³⁸ Ta turu xikeveru unwa kua diba Re: Ixie sa Ale de Zure. ³⁹ Unwa kriminoso ma krussifica, insulte e ka fa: na Na sa O Kristu wa! Salva-O me e no te. ⁴⁰ Magi oto kundjie, keta kue, fa na te mendu Deçu wa, bo sa ni koxi mora kondenaçon. ⁴¹ No de seto sa ingue justamente, punda no sa resebe kua non merese poviata mali no. Magi home na dji neunwa maliwa. ⁴² E to fa: Jisu, lembla di unwa, ola O ka letxa ni reino. ⁴³ Jisu fa de: ni vere nga fa o. Ainda oze bo ka letxa ki Aun ni Once. ⁴⁴ E tava kua nona hola media sexta, tia ta bila kulo ate ola tesse ola nona; ⁴⁵ punda solo lega luzi ane kotina guezata fono ni katxi. ⁴⁶ E, nguita ki vogi boiaru, Jisu fa: Paa nimo o ngada suplito unwa. Fa kue , E muie. ⁴⁷ Ola ma sore be kua ki da e da gloria Deçu, ka fa vereme home era justo. ⁴⁸ Ola turu ane povo to bi pa pia kua ki da, kua ane to be, to bene ka bate petu. ⁴⁹ Magi turu ngue Jisu ta konce, e ane mengai ki ta ka lele ndina Galieia ndja longe ka zongo turu kue. ⁵⁰ E ta nha unwa keno de konse de zure samaru Juze, home buaro e justo; ⁵¹ De Arimateia unwa poçu judeia. E ta wara ni Leino de Deçu e na ta kunsitxi ku disizon e mora de Conselho. ⁵² Homee, be ate Pilato, pindjee ongue de Jisu. ⁵³ E txie e buie ki unwa lansolu de linho fino e A pe ni unwa xintele koboru ni burru, nga ma na ta telaru niunwa ngue antiji. ⁵⁴ E sa Ria de Peparaço, sabaru sa pa komeça. ⁵⁵ Ane mengai ki ta nda kue ndjina Galileia ane be xinteli e ongue Re foi peru nha. ⁵⁶ Ane to bila e essensia e perfumee. Anto, ni sabaru diskansar mora amanda.