¹ Magi ni pimelo ria somana, mazugaru anda, ane ba xinteli, ane be ku pufumi ma ane prepara. ² Ane ta ka burru xinteli bilaru; ³ magi ane letxa, na to be ongue de Sun Jisu. ⁴ E e da kua ma ane tapaia de kua ki da. Anto, dousso home xiga zunto ane ki kabixi brilho fogawa. ⁵ Ane mengai ta fika xiale de mendu, bila ongue ane pe so, ane fa da ane mengaie: punda kuai se bi tua katxi motxi ngue ixi ka vive! ⁶ E na sa ingue wa, e kora! Se lembla kua me fa se, ola e ta ainda ni Galieia, ⁷ ka fa, na be home ka sa daru ni mon pekaroo krusifikado e, ni tessi ria to kora. ⁸ Ane mengaie lembla Re. ⁹ Ane bi de xinteli, konta turu kue da ane onze e oto ngue dingui. ¹⁰ Maia Madalena, Joana e Maia maa de Tiago, oto ki ta ku ene konta turu kue da ane apostolo. ¹¹ Magi ane apostulo na kele ni ane mengaiwa, ene lumbae ta ka jlase mora unwa fa vonvon. ¹² Peru turu, lata-te kole ba xintele. Pe mpuna pia ba leto, be lançolo so ki linho. to ba kai admiraru ku kua ta acontese. ¹³ Ni ria me, dousso ane ta ka ba unwa loça samaru Emau, sessenta estadio de Jerusalem. ¹⁴ E ane ta ka be ka fa ni turu kua ta acontese. ¹⁵ E da kua ki, ola ane ta ka pufia e lumba, plopi Jisu ba te ki ane komesa kanda zunto. ¹⁶ Magi uwe ane ta torrompero de konse. ¹⁷ Jisu punta ane: kua da ma sa lumba ni mondja! E ane ndja triste. ¹⁸ Wa ane, samaru Cleopa kundji: Bo sa uniku ngue ki na ta kua ki akontese ni Jerusalemene riee. ¹⁹ E fa ane: kuali kua! Ane kundji: kuaxi a fa ni vira Jisu di Nazare, E foi wa profeta poderosu ni suviço e lumba, ni we de Deçu e turu ngue, ²⁰ ni mora ane xefe saserdote e ane sore, non tue da ane pa kondene a motxi e krusifike-E. ²¹ Non ta wara Ele ka liberta Israele. Magi punda di kuee, oze ji tesse ria ki turu kuee da. ²² E sa vere ki ane mengai de katxi non xipanta non, ane ba xintele mazugaru. ²³ Ane na be ongue de Jisu, tobi fa non ku ane te wa vizon de anju, e ane ta fa ma E sa vivo. ²⁴ Oto ki ta ki non ba xintele e certifika kua ane mengai ta fa, maji ane na be wa. ²⁵ Jisu anto, fa ane: O home se Jisu e kosso dizu de kele turu kua ma profeta fa! ²⁶ sa nesessario ki Kristo ka sofre turu kue pa e letxa ni goia Re! ²⁷ Anto komessa ni Moiseis ba turu profeta, xiplika ni turu Biblia, ki ka fa ni vira re me. ²⁸ Ola ane ta ndu zona ane, nga ane ta be, Jisu dji mora ngue saa besso. ²⁹ Magi ane tema kue, fee: Ndja ingue ki non, punda e sa taje za e ria sa kuaze loke E letxa pa fika ki ane. ³⁰ E wa veji ni mesa kua ane, tua mpo, da-benson, kotee so da ane. ³¹ Anto we ane foi biriru, ene konse wo, so E xie fo we ane se ane ta. ³² Ane fa da oto: Na ta ka yiere kosso non, Ola E ta ka lumba ni mondja ku non to xipika kua Biblia! ³³ Ni hola me, ane lata to ba Jerusalem. Ane be ene onze zunto, ki oto ngue sa nha ku ane, ³⁴ fa ane: Vereme Sun kora e plase da Simo. ³⁵ zo ane konta ene kue ki akontesse ni mondja, mora Jisu foi konseru da ane ni kota mpo. ³⁶ Ola ane se ka fa kue anda, Jisu plasse ni katxi ane e fa ane: Paje ka sa ku se! ³⁷ Ane fika supantado ki mendo, pensa ma se ka be wa zumbi. ³⁸ Magi Jisu fa: Punda kuaise sa xipantado! Punda kuai sa lata duvira ni kosso se! ³⁹ Pia mon Unw, Ope unw, e sa Unw me! Te Unw e pia. Wa zumbi na te kani ne osso mora se sa pia ki Unw te. ⁴⁰ So e fa kue, mussa ane mon ki ope. ⁴¹ E, mora ane na ta kele andawa, poviata gosto e ane sa admiraru, Jisu fa ane: Se te wa kua de me! ⁴² Ane de wa ndigui kike saru. ⁴³ Jisu tue e mee ni zunto ane. ⁴⁴ E fa ane: Ola anda ta ki se, ta fa se: E toka pan kumpri turu kua ki sa xikeveru de vira Unw ni Ale de Moise, ni Profeta e ni Salmo. ⁴⁵ Anto, e biri intendimento ane pa nde, komprende Biblia. ⁴⁶ E to fa: Axe sa xikeveru ma Kristo ka bi sofre e kora ni tesseru ria. ⁴⁷ E ni Nome Re, ka-ba prega lependimento ku pero de pekaru, ni turu nga, komessa ni Jerusalem. ⁴⁸ Se sa testemunha de turu kue. ⁴⁹ E Nga manda se promessa de Paa Unw ni diba se, magi wara ni posso ate se ka sa bixiru de pure de londe. ⁵⁰ Anto Jisu be ki ane pataro ate peto Betania. E, lata mon Re, so abensoa ane ⁵¹ . Da kua ki, ola E ta abensoa ane, ba-wetxo e foi lataru ba onse. ⁵² Anto, ane adore-E e tobi ane Jerusalem ki meme gosto. ⁵³ Ane tava semplee ni ngueza, kanta da Dessu.