¹ Ê da ma fexa de npô sê femento, ma ka xama Paxikua, tava ka proxima. ² Ané xefi sarsedote y ané eskriba tava ka diskute ma ané poi be ku Zizu ba mata, punda ané ka mendo povo. ³ Demono etxa ni Zura Xikariote, ku sa un-ua di ané kuine dosu. ⁴ E Zura ba diskuti ku ané sefi saserdote y ané soré de ngueza mara mê ka pô dá ané Zizu. ⁵ Ané gogo kuê y kombina dy dé lelú. ⁶ Ê konxintxi y tava ka ngolo mora dy dé, longe dy yô nguê. ⁷ Ê xiga dia fesa de npó sê formento, ma kordeiro dy paskua ka ba sa sakrifikado, ⁸ Zizu manda Peru y Zó, fa: Bé y prepara, dá nó dia da Paxikua, pa nó mé. ⁹ Ané punté: Andgi ma Ô mesê pa nó preparé. ¹⁰ Ê kundji ané: Ola, ma sê ka letxa possó, uã home ku sê-ka kega uã jaru dy aua y sê ka bê ka bi lêlê sê. Lêlê antê kai mê ka letxa né. ¹¹ E fá dono kai: Mesê fá: Andji sa sala ma Aun ka ba mé Paxikua ku ané dissipulo un. ¹² Ê musa ané whã sala ngairo mubiliaru ni andar dy kuanda. Dji turu preparativo nha! ¹³ Sô ané bé taka turu kua mora Ê ta fá ané. So ané prepara seia passukua. ¹⁴ Só hola bi, Ê tasó ku ané nguê-rê. ¹⁵ Antó fá ané: Aun Sa kuvonté ngairu fogawa mé ki sê Paxikua antigi man Un sofre. ¹⁶ Punda Un nga fá sê: Aun na ka mé dingi-wa, atê ki turu kué ka kumpri ni Leino dy Dessu. ¹⁷ Antó, Jizu tua wã kássi sô, ê da glassa, fá: tué só patxié katxi sê. ¹⁸ Punda Aun nga fa sê na ka tô bêbê unkué videira ku sê dingiwa, atê ki leno osé kabi. ¹⁹ Antó Ê tua npó so, ê da glassa, patxi sô da ané, fa: Ixié sa onguê Un, ki sa daro da sê. Dji kué ni lemblansa Un. ²⁰ Di mora-é mé, depoji Sêar, Ê tua kássi fa: kássi sié ê sa aliansa novo ni sangui Un, ki sa lukuaro da sê. ²¹ Magi mon isi dy nguê ki kabi ngana Un sa ku aun ni mesa. ²² Punda Ná de Omé, di seto, dji mora ê sa mandaru. Magi ai di omé ixi ku bi traié. ²³ So ané komesa ka punta ni katxi ane kuali ané kapoi dy dji kué. ²⁴ Só ê to lata wa kofuzon katxi ané punda nguê ka bi sa konsiderado ngairo. ²⁵ E fa ané: Ané alê dy genthi tê dominio diba sê é nguê issi ki purê diba ané sa samaru nguê buaru. ²⁶ Magi kué na ka pô sa axé katxi sê. En vez dy kuê-é, nguê ki sa ngairo katxi sê ka pô sa mora ô maxi masivi. Sô nguê ki sa ô maxi buaru ka pô sa mora nguê ka sivi. ²⁷ Punda kali sa ngairo, nguê ki sa tassoro mesa, ô nguê sa xivi! Na sa nguê ki sa tassoro mesa! Magi, Aun sa kaxi sê mora nguê ka xivi. ²⁸ Magi sê sa nguê ki tê ndjaro kua-un ni plova Un. ²⁹ Aun konfia ané wa leno, axé mora tata Un konfia ni Aun. ³⁰ Pa sê ka passa ka mé ka bêbê ni mesa Un, Leno Un. E ané ka tasso ni trono zuga ané kuin douso tribo dy Israel. ³¹ Simó, Simó, ka biri-wê, satanas pindji pa tê sê, pê poi pinera mora fanha trigo. ³² Magi Aun loga raô, pa afé-ô na falhawa. Ala bô tê kêlê, da fossa ené mano. ³³ Peru fa dé: Sumu-ê, aun sa pronto pa bé ki-ô ê pô sa atê pesu emsmo atê ni motxi. ³⁴ Jizu kundji: An nga fa ô, Peru sô galo na ka kanta ni ria-é, ni tesse vegi, bô ka bila mema raun fa mô na konsê-unwa. ³⁵ Sô Jizu fa ané: Ola Aun manda sê, sê saka, sê bossa di mé ô sapato, sentxi fata kualikéro kua! Netxo. ³⁶ Antó Ê fa ané: zó aié nguê sa ku wa saka, bikuê so també wa bossa dy provizon. Nguê ku na tê supara bendê ka ré kopa wã. ³⁷ Punda Aun nga fa sê ki turu kua ki sa xikêvero sobre Aun ka sa kumpriro: Sô Ê foi bêuro mora wã mavaru. Punda, turu kua ki foi faru sobri Aun ka sa kumprido. ³⁸ Antó ané fa: Sumuê, ia inguê dousso supara. Sô Ê fa ané: Ê sa bua. ³⁹ Dipoji ni Sêia, Jizu xiê ba Monte dy Oliveira, mora Ê ka-nda-dji, sô ané maelu Rê lêlê. ⁴⁰ Ola ané ndunha, Ê fa ané: Dji lasson pa sê na leta ni tentassón. ⁴¹ Ê fasta thô di ané ni boro wã grupo burru sô, pê npuna són, ora ⁴² fa: Tata, sô Ô mesê, fasta di Un kássi xié, zô na sá mora vonté Un, magi di Ô. ⁴³ Antó, plasê Dé wã anjo di osê, Dé fossa. ⁴⁴ Êtá ni aflisson, Ê ora dingui maxi fossaru, sô suoro Rê bila ni memé gota mora sangui ka kiê ni diba son. ⁴⁵ Zó Ê lata ni lasson Rê, Ê bi atê ané maielo sô bê ané ka numi, punda tristeza di ané, ⁴⁶ sô punta ané: Punda kuai sê sa numi! Lata ji lasson, pa sê letxa ni tentasson. ⁴⁷ Ola Ê ta fa anda, ia yô nguê ta ndu ki zura, wã di kuin doussu, ki bi ni wê sô ê ndu zunto Jizu pa dé bézu, ⁴⁸ sô Jizu fa dé: Zura, sa ngana Ná di Omé ki wã bezu! ⁴⁹ Sô ané nguê ki ta ni boro di Jizu bê ané kua ta da, fa: Sun, non ka pô feri ané ki katana! ⁵⁰ Anto wã ané firi sivirô di sumo sarsedote y koté ôdia rê detu ta. ⁵¹ Sô Jizu fa: xiga, desa-ané. Sô Ê tokê-é ni ôdia sô ê kulé. ⁵² Jizu fa ané sefi sarsedote, ofissial dy nguêza y ansion ki bi kontra Elê. Sê bi mora bi mora kontra wã ladró, ku katana sô ndjigui pó! ⁵³ Sô Aun ta turu dia ki sê ni nguéza, sê na pê mó sê ni diba Un. Magi aié sa hola sê y podê di kilembeka. ⁵⁴ Manhé-É, beku-Ê sô tobi ku-Ê ni kai dy Sumu sarsedote. Magi Peru, ni longi, lêlê. ⁵⁵ Maxi ngosi, ané iêrê wã fogo ni katxi dy patio sô tasso zunto. Peru tassoro ni katxi ané. ⁵⁶ Sêta kiara bê ola mê-ê ta tassoro peto dy kandja dy fogo, pia dé sô tô fa: Omé Ê també ta ku Êlê. ⁵⁷ Magi Peru nega, fa: Mengai, aun na konsê-wa. ⁵⁸ Wa tempo sô, outo nguê sô bê tô fa: Bô turu sa wa ené. Magi Peru fa ané: Omé, aun na sa wa. ⁵⁹ Sô seka dy wa hola, pofia outo fa: Verémé omé xié també ta kué É, punda Ê sa galileu. ⁶⁰ Omé, aun na ta kua ma ô sa fawa. Ni welewele-mé ma ê sa fa, sô galo kanta. ⁶¹ Sô Sun tô bila sô pia da Peru. Sô Peru lembla ni lumba di Sun, ola fa rê: Ozé, antiji ki galo ka kanta, bô ka nega un tesse vê. ⁶² Peru xiê, súa ki dólo. ⁶³ Antó ané omé ki pê Jizu pesu ji pouko rê sô dé ki kua. ⁶⁴ Sô tapa uê Rê, punté, fa: Profetiza! Kuali nguê da ô ki kua! ⁶⁵ Ané fa mali ka sô outo kua kontra Jizu. ⁶⁶ Ta só pomonha biri, ané ansion di povo zunta, ané zunto sefi saserdote y ané eskriba. Ené bekuÊ ate konsê dy Judê. ⁶⁷ Fé: xi Bô sa Kristo, fa-non. Sô Ê kundji: xi Un fa sê, sê na ka keleua, ⁶⁸ xi Aun mputa sê, na ka kundjiua. ⁶⁹ Magi, ni aié ba uê, sô Ná de Omé ka sa tassoro ni gleto de purê dy Dessu. ⁷⁰ turu ané fa: Antó, Bô sa Ná de Dessu! Sô Jizu kundji ané: Sê fa ma Aun Sa. ⁷¹ Ene fa: Punda kuai ni to messe di sestemunha! Punda nón mé ndê ni plopi boka Rê.