¹ Jizu lantá wê i Ê bê ané liku ka pê jimola ni klofi nauêza. ² Ê Bê uã viuva pobli ka pê uã dosu txo txo txo lelu. ³ Sô ê fa: "Ni veré nga fa sê, ma viuva pobli ê dá maxi do kê turu ané. ⁴ Só turu ané dá kuaxi ku ta ka sovesa. Magi viuva ê ni pobli rê da turu kua mé tava kuê pê vivê. ⁵ Ê uã ané tava ka fa di kia Desu, mora me tava glavi ku buru ê nê di ofeta ku ta ka bi di yô nguê. ⁶ Só Jizu fá: "Turu ané kuê ma sê ka bê ê ka bi tê ria me na ka tô tê buru diba buru ku na ka sa baguru wa. ⁷ Ané só punté: mêsê kê ria ma, ané kuê ka bi dá? I kuali sá xinali ma ané kiê ka bi dá. ⁸ Jizu kundji: "Tê kuramu pa a na ka na sê wa; punda yô nguê kabi nó nomi uã, fa. "A uã sá ele i tempu sá petu zá! Na lelêwa. ⁹ Olá masê a ndé di gêla i revota ná menduwa, punda ê sá setu pimelu ané kuê ka bi dá magi na kia bi welê welê mi wa. ¹⁰ Sô ê fa: Nasô ka luta contla nasô, alê contla alê. ¹¹ Ê ka bi dá mémé teramotu, ni yonga, fomi, doetxi. yô ka bi da mémé xinali ka bi né onsê. ¹² Magi antiji turu kué ané ká tê sê i ka pesegui sê, i a ka tê sê letu sinagoga i pesu i tembé a ka bê ku sê antê wê alé i govenadoru punda nomi uã. ¹³ Kuê ka bi dá oprtunidadi pá sê testemunha. ¹⁴ Só pê kuê ni klusu sê di ná prepará antiji kua pá sê defendê. ¹⁵ Punda ngá dá sê lumba buaru, ma niuã ané nguê ka kontla sê na ka pô fé mali sê wa. ¹⁶ I sê ka sá tegaru tembé pô papa, manó, ané ná ni mó sê, migu ané ka mata uã uã sê. ¹⁷ I sê kaba sá odiaru pu turu nguê punda nomi hun. ¹⁸ Magi nuã fita di ntê sê na ka dana uã. ¹⁹ Ni fingá sê sê ka ba ganha alima sê ²⁰ Olá masê ka bê grupu tropa ka seca jirusalem, antó sê ka ta má poblema, sá petu. ²¹ Só nguê sá ni judéia ka fuji ba monti nguê sá ka tá i poson ka xê i nguê sá mé via na ka letxa nê uã. ²² Punda ané dia sá di vingansa i turu kua ku sá xiguê veru ka bá da setu. ²³ Ai di nguê ku sá ku na bega i a nê xi ku sê ka mama diê ê ! punda ê ka tê memé doló ni tia i leva contla pôvô é. ²⁴ I ané ka muê ku supara i a ka bê ku ané pesu ni turu nasó, i jirusalem ka bá sá pisaru pu ané nguê ka vivê sê bisú, anté tempu ané ka kumpli. ²⁵ Ê ka bi tê xinali ni sóló , ni amboxi, i kitembé. Ni tia ê ka tê dolô ni nasó pecupadu ku glitu di mionga ka buli e mora mi ka bada basa. ²⁶ I ka bi tê homé ka kiê kumendu, punda mora má kua ka bi da ni mundu. punda porê ka sá vungunu ku vangana. ²⁷ Só ané ka bi ná homé, ká ni nuvé ku porê yô gloiá. ²⁸ Magi, olá ané kuê ka komesa dá; lata tê sê, punda redenson sé sá petu ²⁹ Jizu contá ané kua vesu: "piá figuera, otô pó. ³⁰ Olá má ané ka dá wê dá semé, ta ma veru sá petu. ³¹ Axé tembé sê, ola má sê ka bi ané kue ka dá, sê ka tá má alé di Desu sá petu. ³² Veré hun gá fá sê, ê na ka pô sá gerasó i wa anté maturu kuê ka dá wa. ³³ Océ e tia ka lawa. Magi lumba na tê lawa. ³⁴ Sé la sê cuidaru ni sê mé pa kasó sê na sá ku yô consequência di poblema di nguê, bebéra i preocupason di vira. Pa djá na bi diba sê suplesa wa mora tela. ³⁵ Punda ê ka ka bi sê ku ka vivê ni diba tia é. ³⁶ Magi biri wê ni turu tempu, orá pa sê tê fasa matxi, pa sê fuji di turu kua xi ka bi dá, i penasê ni wê di na homé. ³⁷ I turu ané dia ê, Ê tava ka Xina ni kia Desu i Sun ku ê tava ka tá ni monti má ka sama oliverá. ³⁸ Turu nguê tava ka bi pa monha seru ni kia Desu pa a bê.