¹ Jizu letxa Jerikó ká passa pôsso. ² Magi inguê ta ki un-ua omé ka sama Zaqueu, ki tia xefi de ané nguê ki ka kobra impostu e ê tia liku. ³ Ê ta ka ngolo pia nguê sa Jizu, magi ê na tia ka bê-wa punda diba de yô-nguê, punda ê tia kutu. ⁴ Só, Zaquêu kolê ba wê turu ané e subi un-ua figueira pê bê Jizu, punda Ê tia kuazi ka passa nha. ⁵ Ôla ma Jizu ndu nha, Ê pia diba e fá: Zaqueu, dêssê séru punda ozé Nga fika kai-ô. ⁶ Entô, ê dêssê séru e tu-É ki gosto. ⁷ Ôla ma ané bê kué, ané leva, fá: Ê ba pia un-ua omé pekarô. ⁸ Zaqueu lata e fá Sun: Pia, Sun metari bén-un nga da pobli e si un nga ané kua ané, ãn nga da ané kuana veze dingui. ⁹ Jizu fé: ozé salvassó xiga kaié, punda êlê també sa ná de Abrón. ¹⁰ Punda na omé bi pa tua e salva nguê sa pénderu. ¹¹ Ôló ma ané tia ka ndê kuê, Jizu tô fa. Tanga ané un-ua vessu, punda sa xiga Jerusalén e punda ané pensa ma Reino Dessu vitxia wêlé-wêlé. ¹² Ê fá: Un-ua omé liko ê ba un-ua tia longe pê ba possi reino pê tô bi. ¹³ Ê sama kuin nguê Rê, da ané kuin mina e fá: Bendê atê sê ka bi. ¹⁴ Magi ané nguê possó Rê odié e manda un-ua grupu méma Rê fá: Nó na mêssê ma omé-é manda nó wa. ¹⁵ Zó ma pê kôroa de alê, tô bi e manda samá ané sivirô mê da lêlú, pê ta luku ki da negóxo.. ¹⁶ Pimelu bi wê rê e fá: Sun, mina-ô tô da kuin mina. ¹⁷ Kundji ané: buaru, sivirô buaru. Punda bô foi buaru ki txo, bô ka tê puré diba kuin possó. ¹⁸ Segundu bi fá: Sún, mina ô tô da tanó mina. ¹⁹ E liku fá: Bô ka tê purê diba tanó possó. ²⁰ E ê bi ôtô fa: Sún, ya mina Ô ya ma un buyá dizu lêtu lansóló, ²¹ Punda ãn-un tia ki mendo ô punda Bô sa un-ua omé duru. Bô ka txia kua ma ô na pê wa, koyê ma ô na ximia wa. ²² Liku fé: Punda popi fa-ô ka zuga-ô, nkênu mafé. Bô ta ma Ãn sa un-ua omé duru, ki ka txia kua mê na pê-ua e koiê kua ma ê na kuna-wa. ²³ Punda kuai bô na pê lêlu-un banko wa! Axé, ma nga bi, nga tué ki juru. ²⁴ E fá nguê tia inguê: txia mina rê e da nguê ki tê kuin mina. ²⁵ Ané fá: Sún ê tê kuin mina za! ²⁶ Ãn nga fá sê: Nguê tê, magi a ka tô dé, magi nguê na tê-wa, atê issi mê tê ka tô sa txiaru. ²⁷ Sô pa ané numgo-un, ki na messê pa Un manda ané wa, bi ki ané inguê e mata ané wê un. ²⁸ Mê fa ané kué, bé wê ané, subi Jerusalém. ²⁹ Ê da ma, ôlo ma Ê siga petu de Betfagé e di Betania, zuntu londé ki sa samaru das Oliveira, manda dossu siguirorê, ³⁰ fá: Ba petu povo. Ôlo ma ô ka letxa, bô ka bê un-ua jumentinho manharu ma né-un-ua nguê nassi subié wa. Duê e bi kuê da Un. ³¹ Si nguê puta: Punda kuai bô duê! Fá: Sún mê sê. ³² Nguê sa mandaru bê jumentinho axé sa mora Jizu fá ané. ³³ ôlo ma ané tia ka duê, dono fá ané: Punda kuai sê sa duê jumentinho! ³⁴ Ané kundji: Sún ka messê ané. ³⁵ Ané bikuê da Jizu, pê manta rê diba jumento e pê Jizu diba rê. ³⁶ Mindjira ma kua ta ka ndá, nguê tia ka sendê manta ané pê mondja. ³⁷ E ôlo ma ê tia ka siga dêssida de Monte de Monte das Oliveira turu nguê de siguirô Rê komessa ka fika kontente e ka kata de Dessu ki fossa de purê ma ané bê, ³⁸ fá: Bendito sa Alê ki ka bi de nome Sún. Pazi ni onsê e glória diba! ³⁹ Un-ua ané farizeu katxi yô nguê fa ané: Messê, repreendê ané siguirô-ô. ⁴⁰ Jizu kundji, fá: Nga fá sê, si ané kaboka, buru ka ba fá! ⁴¹ Ôlô Jizu siga petu possó, bê, súa dé, fá: ⁴² Si ozé sê konsê kua ki ka bi ku paze! Magi aié ané kué sa konderu da wê sê. ⁴³ Punda ané numigo ka bi dia zi kobo bandji ô, ané ka pê ô katxi, vugu ki-ô turu kiba. ⁴⁴ Ané ka ba umilha-ô né ná-ô. Na ka dessa buru diba buru wa punda bô na ta óla ma vizita-ô wa. ⁴⁵ E Jizu letxa nguêza, komessa ka kolê ki nguê ki tia ka bendê, ⁴⁶ fa ané: Ê sa skeveru: kai Un sa kai de lassó, magi sê zé un-ua luguê ladró. ⁴⁷ Jizu ka sina turu dia ni nguêza. Magi ané xefi de sasserdote, eskriba e xefi povô ngo-Lé maté. ⁴⁸ Ané na bê, né-un-ua moru de zé, punda turu povô tia ka Ndê atento.