¹ Sô jizu tanga ane wã vesu de mora ma ane tô ka fa loson sê zamina. ² Fa: Ma wã zuxi ni wã poson ku na tá ka mendu Desu ni lispeta nkênu wa. ³ Poson é mé ta ku wã mengai ma home muê, ku ta ka bi lêlê semple, ka fa: Zi un zustisa kontrê numigo un; ⁴ Ma yô ria ê na ta plontu zurê wa, mazi sô ê fa kôsô rê: Un pô na ka mendu Desu ni lispeta ane home wa. ⁵ Punda mengai kazaru ê ku ka satia un, nga ba tlata di zié justisa, ma ê ka ndja de komora un. ⁶ Sô Sun fa: Ndê kua ma zuxi fasu é ka fa. ⁷ Dêsu na ka zi justisa ane nkênu ma ê koiê, ku ka nguita rê sólo ku nsuku, ma ê na ka langa zura ane wa? ⁸ Nga fa sê ma ê ka zi justisa seru: Sô ola Ná home ka bi, Ê ka bê afé diba tia? ⁹ Sô jizu tanga wã vesu da wã dosu ane ku sa conveseru ma ane sa justu, ka baxa ôtô. ¹⁰ Dôsu home subi ba ngueza ba fa lason, wã ta fasu ôtô ta wã koblarô impostu. ¹¹ Fasu, ndja ta ka fa lason kuê mé ka fa: Desu nga pindji Ô punda na sa mora ane home, ladlo ku ka fa mali ôtô bandiru sô ne mora koblarô impostu é wa. ¹² Nga zi jinju dôsu vê kara somana nga ra dizimu turu lêlu ma nga ganha. ¹³ Mazi koblarô impostu ndja londji sê mêse lata wê rê ba diba batê pêtu, ka fa: Dêsu tê pena un, pekarô. ¹⁴ Nga fa sê ma home é tô bêrê kai rê justifikaru sô ôtô wa, punda turu nkênu ku ka zanga ka sa kosi, sô turu nkênu ku ka sa kosi a ka zangé. ¹⁵ Ane nkênu turru tá bú ku ná pikina ré pa é digié mazi ola ana mélu ré békua é ane ketá. ¹⁶ Magi zizu sama ane fá: desa ná pikina bi lélé un, na traza ane wa. punda ane sa di lênu Dêsu. ¹⁷ Nga fa sê veré, ma nkénu si ku na tua lênu Dêsu mora ná pikina wha di ne wá mora é ka letxa né wa. ¹⁸ Wã dôsu ngé ngai puté, fa: Mése, kua nga zi pa un lera vira até até. ¹⁹ Sô jizu kundji é: punda kuai bô ka sama un buaru ra, Néwã nkénu na sa buaro wa, xi é na sa wã ku sa buaru, si é na sa wã ku sa Dêsu wa. ²⁰ Bô ta mandamentu: na ngolo home ó mengay matu wa, na mata wa, na futa wa, na tangá sirigá wa, lispeta táta ô ku máma ô. ²¹ Sô ê fa: turu kua é un zié na un tá jóve. ²² Sô jizu ndé kua é fé : É fata ô wã kua : béndé turu kua ma bô té patxi ra pobli só bó ka té likéza osé só bi lélé un. ²³ Mazi é ndé ane kua é é tá konvóru fogá wa punda é ta liku foga wa. ²⁴ Sô ola é bê home é konvoru, jizu faré: Mora ma é ka kusta wã liku letxa lénu Dêsu, ²⁵ Punda é sa masi fasili wã kamélu la fundu wã guia dóké wã liku letxa lénu Dêsu. ²⁶ Ane nkénu ku ndé kua é puta: Antó ngey ka pó sava, ²⁷ Jizu kundji: kua ka kusta ane nkénu Déssu ka zié. ²⁸ Sô Peru fa: non ka desa turu kua ma non té sô lélé té, ²⁹ sô jizu fa ane: kua veré ma nga fa sê, ma néwã nkénu ku ka desa kai, mengai, ná, táta ku máma, ku na punda lenu Dêsu, ³⁰ Ku na ka tua masi ni tempu é só ni ôtô tempu, vira até até. ³¹ Sô ê tua ane kuine dosú, só fa ane: non sêka banda ba Jeruzalém sô ê ka kumpli turu kua ma pofeta tá sisiká di na home. ³² Punda ane ka bi ré zintxi, ma ka zié tuzan só taté mali só tô kupié. ³³ Sô ola ane ka ré xikotxi ane ka ba maté sô ri tési ria ê ka tô kora. ³⁴ Ane na bi ta ne wã kua é wa; lumba é ta kulu ra ane; Ane na bi ta kua ma sê ka fa ane wa. ³⁵ Ê ra ma ola Jizu ta ka pozê jerikó, nha ta ku wã segu tasóru bóro mondja, ka pindji jimola. ³⁶ Sô é ndé yô nkénu ka lá, é puta kuaí ku tá ka ra. ³⁷ Só ane fé ma Jizu Nazaré ta ka lá. ³⁸ Só segu ngita ka fa; Jizu na david, té pena un. ³⁹ Ane ku tá ka ba whé keta kué pa é kaboka. mazi é komesa ka ngita masi anda;Na david té pen aun. ⁴⁰ Jizu ndja manda pa ane bi ku home é kota rê. Sô ola segu ta ka vitxa kota Jizu ê puté: ⁴¹ kuai ma bô mêsê pa un zió. E fa: sumu ma nga tó bê. ⁴² Sô Jizu faré: Piá, afé ô sava ô. ⁴³ wélé mé ê bê, ê lêlê mema ka gôgô ku Dêsu. Turu pôvô, bê kué, ka kata da Dêsu.