¹ Jizu fa ané mêlu rê: "Kua mali tê ku bi, mazi adi nkênu si ma mali ê ka bi nê! ² Sá miô pa ê manha whã buru pê singô sata ba mionga, dô kê pa ê ra topi pê whã kua si txoororo ê. ³ Ka biri whê. Si na amon o zi pekarô fé elê si ê sintxi, poré. ⁴ Si ê zi pekaru sambari vê kotrê ô die mé sô si sambari vê ê tô bi lêlô ô fa: "Na to ká zi kua é wha, poré!" ⁵ Ané mêlu flá Sun: "Omenta a fé non!" ⁶ Sun kundji: "Si sê ka tê a fé mora whã inkuê mostara, bô ka fa mulela ê: 'Lanka lezi ô sô ba kuna pê mionga ê ka kundji sê!' ⁷ Sõ ngey katxi sê, ku tê whã tabarô ku ka taba meviá ô nguara sitú, ma bô ka fé ola ê ka fô meviá: Bí sô tasó mé? ⁸ Bô na ka fé: Zi mé ran zi seru pê manha whã sintú pê katxi kua bisi sivi hun atê ma nga mé tê bêbê , sô bô ka mé tô bebê? ⁹ Sô ê tê ka pindji tabarô ê obligaru punda ê zi kua ma ê mandé. ¹⁰ Sê tambê mora é mé ola sê ka zi turu kua ma a manda Sêr sê ka fa: "Non na sá tabarô buarú wha punda non zi kua ma a manda non zi". ¹¹ Tô mundja Jeruzalê, Jizu ta ka pasa makason Samaia ku Galileia. ¹² Sô niwhã fegueja ku iné omé ku lepla. Ané ndja londji rê: ¹³ Sô anpe nguitá, fa: "Jizu, Mésé, tê pena non". ¹⁴ Olá Ê bê ané Ê fa ané: "Sê ka bê ba musa ané saserote". Sô ni mondja ka bé ané fika limpu. ¹⁵ Whã ané bê ma a kulé ê tô bi ka gaba Desú ku fosa. ¹⁶ Sô ê pê npuna son opé Jizu, ka Ré glasa. Yé era samaritanu. ¹⁷ Sô Jizu puté:: "Sê na sa kuyn ma a kula? wuama só ê bô? ¹⁸ Ôtô na say ku ka tô bi day gaba Desú, sela bô strangeru?" ¹⁹ Sô fé: "Lata bê ô, a fé ô sô sava ô". ²⁰ Wha vê, ola ané fasu puta kêria ma govenu Desú ka bi, Jizu kundji ané: "Olá govenu Desú ka bi na sa kua ma a ka ta wha. ²¹ Né sê ka fa: 'Ê sa ynge!' ô: 'Ê sá nha!', punda govenu Desú sé katxi sê. ²² Jizu fa ané maêlu rê: Ria ká bi ma sê ka mesê bê whã ané ria na omé, ma sê na ka bê wha. ²³ Sô ané ka fa sê: Ê sa ynge! Ê sa nha! Sê na ka siê né lêlê ané wha! ²⁴ Punda mora ma memia ka luzi ngeé di whã kiba ósê ba ôtô asie me ka sa ria ma na omé. ²⁵ Mazi pumbê sela Ê parisê kua foga wha sô yô jilason ka zeté. ²⁶ Mora ma ria Noê ra, mora é mé ma ria na omé ka bi ra. ²⁷ Ané ta ka mé ka bebê, ta ka kaza sô tô ra rá kazamentu, até ria ma noé letxa orka sô suba sobê likê ku turu kua. ²⁸ Mora é mé ma ê ra ku ria Lô: Ta ka me ka bêbê ka kopua ka bendê ka kuna ka zi kay. ²⁹ Mazi ria ma Lô siê fô Sorôma, fôgô ketxi sobê fô osé loké ku tutu kua. ³⁰ A siê ka Ria na Omé ka bi. ³¹ Diê nkênu ku ka sá terasú sô tá ku likeza kay, ê na desê bi tuê wha. Sô ta ku likeza kay, ê na desê bi tuê wha. Sô nkênu ku sa meviá na ka tô bi mema wha. ³² Sê ka lembua mengai Lô. ³³ Nkênu ku ka ngolô nganha vira rê ka pendê, mazi nkênu ku ka pndê vira rê ka savé. ³⁴ Nga fa sê ma nsuku ê mé dosú ka sa kama, whã ka bé só ôtô ka fika. ³⁵ Dosú mengai ka seka dumu minha zuntu a ka tua whã desa ôtô. ³⁶ Dosú ka sa meviá a ka tua whã desa ôtô. ³⁷ Só ané puté: "Andji, Sun?" Ê kundji ané: "Nga ma ongê ka sa né ongê situ ka zunta né turu."