¹ Jizu turu fa ané melú rê: "Tá ku whã omé liku ku ta ku whã tabarô ma a ba fá ma ê seka rana likeza rê. ² Sô omé liku samé só fa: 'Yê kuay ma nseka ndê ma a seka fa riô ? Zi konta suvisu ô punda bô na poy tô sa tabarô un nyngi wha. ³ Tabarô é fa kuê mé: kua ngá zi, ma sun sêka txia un fô suvisu tabarô? Na tê fosa wha pa un biri kóbó ntê vegonha pindji. ⁴ Nta kua má nga Zi ra ola a ka txia un fô suvisu, nkênu ka bitua un pê kai rê. ⁵ Sô tabarô sama kara whã nkênu ku devê dy sefi rê só punta pumbêlu: 'kuantu bô devê sefi un? ⁶ Ê fa: 'dosú sentu pata ólio pema. Sô tabarô fa rê: 'Tua konta ô tanson sérú sisika ma bô devê whã sentu. ⁷ Sô tabarô fa ôtô: 'Bô kunato bô devê? Sô ê kundji fé: 'Dosú sentu kilu tingú. Ê fé: Tua konta ô sisika whã sentu ku mé tatú. ⁸ Sun gaba tabarô má fé, punda ê zi kua ku whê sia. Punda ná tia é sa masi fontaru ku povô rê ku ka bi dokê na kandja. ⁹ Nga fá sê: 'Zi migu ra sê mé punda lekeza má fé rá ola ané ka lokê, ané ka tua sê ny kay atê. ¹⁰ Nkênu ku sa buaru ny pôkô tambeka sa buaru ny motxi sô nkênu ku sa mpa fé ny pôkô ka sa má fé turu ny motxi. ¹¹ Sá asiê, si bô na fô buaru di zi likeza tia é wha, ngey ka ba kunfia ni bô ku likeza verá wha. ¹² Si bô na fô buaru ku lêlú ôtô ngê wha, nkênu kutxi ka ra sê ri sê? ¹³ Nê whã ná kia na ka pô sivi dosú mésé wha ô ê ka nega whã gôgô ku ôtô, ô ê ka ta kota whã bilá méma ra ôtô. Sê na ka pô sivi Desú só sivi likeza wha". ¹⁴ Olá ané fasu, ku ta ka gôgô ku lebu ndê kua ê, ané sitia. ¹⁵ Mazi Ê fa: "Sê ka zi zugamentu whã ku ôtô, mazi Desú ta kosó sê. Nkênu si ku ka musa ngay katxi omé na sa ne whã kua whê Desú wha". ¹⁶ Alé plofeta ta ku pôrê atê Zon vitxa. Sô na nhã, evangelhu lênu Desú sa plegaru só turu nkênu seka vugú létxa né. ¹⁷ Sô osé ku tia sa masi fasili pasa rô kê whã asentu letla alê kiê. ¹⁸ Nkênu si ku ka baga ku mengai rê sô kaza ku ôtô sa bandiru sô nkênu ku kaza ku mengai bagaru turu sa dandiru. ======= ¹⁸ Nkênu si ku ka baga ku mengai rê sô kaza ku ôtô sa bandiru sô nkênu ku kaza ku mengai bagaru turu sa bandiru. >>>>>>> a8db8dc43e1234d7ab0735cc733cecc20dbe6f3f ======= ¹⁸ Nkênu si ku ka baga ku mengai rê sô kaza ku ôtô sa bandiru sô nkênu ku kaza ku mengai bagaru turu sa bandiru. >>>>>>> d821b2e0346d0b31d63486c62e52658c47c7c9ca ¹⁹ Sô ta ku whã omé liku, ku taka bisi kabisi luxu fina só turu ria ê ta ka zi fesa ku likêza rê. ²⁰ Wha pobli ma a ka sama Lazu, tá zugaru pê pótó rê siaru ku kitó. ²¹ Ê ta ka mêsê mé txo fúfú ku tá ka kiê fô meza omé liku sô atê kasô tá ka bi lóló kitó rê. ²² Sô ê rá má pobli é muê ô anzu bé kuê kotá Ablon. Sô liku turu muê a ba tié só ngá aflison ma ê tá nê ê boya whê ²³ sô londji ê bê Ablon ku Lazu kostaru pê kotá Ablon. ²⁴ Sô ê ngitá fa: 'Táta Ablon tê pena hun, manda Lazu minhã ponta dedú ku awa lefleska lúngua hun punda hun sêta parisê têtu fôgô é. ²⁵ Sô Ablon: ' Bô nan, lembla ma olá bô tá ka vevia bô tua kua buaru, ôtô kiba Lazu tua kua mali. Mazi ayê Lazu sa sosegaru yngé, sô bô sa ni angonia. ²⁶ Sô ra turu kua é a pê whã fogô ngay, ra nkênu ku mesê pasa fô inge ba nha na ka poy wha , só nê whã nkênu na ka poy la fô nha bi kiba non wha. ²⁷ Omé liku fa: 'Nga pindji ô táta Ablon, pa sun ka manda ka kay tata un, ²⁸ punda hun tê tanon na amon sô hun mêsê pa ané sa vizaru ri nga si tomentu é punda nga mendú pa ané na bi ynge wha'. ²⁹ Mazi Ablon fa: Ané tê Muzé ku plofeta, desa pa ané ndê ané. ³⁰ Sô omé liku kundji: 'ynga táta Ablon, mazi si nkênu katxi motxi ba lêlê ané, ané ka lependê'. ³¹ Ablon fá: 'Si ané na ndê Muzé ku plofeta, wha, nê pa nkênu motxi tô ané na ka kêlê wha'.