¹ I Saulusan, maramamang ulu ulu to munok murid-murid ta Alatala, ² iaan lamba jo Imam raaa mamita surat jo sinagoge -sinagoge en jo Damsyikan, anti in ian sidua nana yang tamba an jo dalan inaan mam baba bibinge na tae , ian' dapat manjarat na mawaan jo arenan jo Yerusaleman ³ Patangan are ira lamba, to minso na jo Damsyikan sasanding injena cahaya jo suanan mangulilingi joan; ⁴ ian pun alo' jo tana'an na mandalinga kada yang da tujuangan joan, " Saulus, Saulus, asi manun to papaisiin ko jo Kuun ?'' ⁵ I Saulusan manyuti, " Tisao denan, Alatala?" Alatala bada, '' Iakan nin na Yesus yang I papaisin ingko; ⁶ tangkat nao mintama jo banua raan, injen na mo i padangan jonun aika yang i karajaan ingko.'' ⁷ ara ira yang tamba lambaan nana i Saulus tapakurom, mandalinga aling saja anjau tu dakita. ⁸ I Saulusan asading laloang kadeng mambuka mataa, ia injuna dapat mita jalu, makaan ian dabibit kolea arenan dawa masok jo Damsyikan. ⁹ Salama talong ason ian inju mita, inju mangkan mium. ¹⁰ samantaraan naan, injen sera murid ta jo Damsyikan asonan Ananias; dabarikan Alatalaan bada lalama pambeleana " Ananias " ian bada, " Belenak, iakan indiak , Alatala." Alatalaan bada joan, " ¹¹ Kadengao, lamba nao jo dalan yang manintingan, jo langkoa Yudasan mananya nao joan tu yang dari Tarsus san asonan Saulus; ian lagi manyombang. ¹² Ian mamina mita jo Ananiasan lalama pambelean mintama manandeang tangana joan, manto mitaan." ¹³ Dabarikan Ananiasan manyuti, " Alatala, iakan ambat mandalinga dongoa mintuariin ni in ambat na kalokon baratan yang mamin dakalakonan jo mintuari yang dapano i samangat boreseen jo Yerusaleman. ¹⁴ Ian manarima parin dari Imam raa an maningkam samua tu yang mason asonNu. ¹⁵ Dabarikan Alatalaan bada joan, " Lamba nao, ia nin na yang ku dileh en, mawa ason kuun jo ara Yahudi in, raja-raja nana katurunan Israel; ¹⁶ Iakan to pitangak joan bua ase ase a na Kolea Ason Kuun.'' ¹⁷ Dabarikan Ananiasan tangkat, mintama jo langkoan nan. laloang manandeang tangana joan , laloang bada " Saurun Saulus, Tuhan Yesusan yang mondokan jo dapan nun nan na dalan yang ilaloin, ian mangutus jo kuun pamami jonun manto mita balik nu na dapanohi sumangat boreseen.'' ¹⁸ mamina inaan kate injenan jalu alo dari mata a I Saulus, laloanga mita ana barikan; laoanga panga kadeng dapamandi ¹⁹ i; to na mangkan na manguleen na. ian samalam nana murid- murid jo Damsyik salama insa aso ²⁰ mamina na inaan ian mandongoang Yesus jo sinagoge- sinagoge, padang joa arenan ian Anaka Alatala. ²¹ Samua mintuari yang mandalingaan tapakurom dabariakan bada," Boan kade mintuari inina yang manggora goraan jo Yerusaleman karena mason Asona, ian indina mondok to maningkam na mawaan jo arenan jo ara imam raan.'' ²² dabarikan i Saulusan muna kuasa tabalik, dabarikan ian maniang kasusaan jo urang Yahudi in yang lalakoon jo Damsyik malaloin pambuktiana jo Yesus san inan na Kristus. ²³ Minsa aso ni nan, urang - urang Yahudi si pakat to muno joan. ²⁴ namun pakata arenan dakatoang kolea Saulus. Ambata Katombang nan da jagai mansen, arena to muno joan. ²⁵ ara murid ta marariang joan aso malaman dapando malaloi biring siring, lalama ragaan. ²⁶ Mondok jo Yerusaleman, Saulusan mangakoi simamalo nana ara murid, ara murid murid tan ataut joan, inju parsaya ian nan boan murid . ²⁷ Dabarikan Barnabasan malambai joan mawa jo ara rasulan. ia bada jo Saulusan alo aika pandeen mita Alatala jo dalanan dabarikan Alatalaan bada pande bada joan, na Alo aika jo Damsyik kan I Saulusan parajanian nana kabaraniana mason asona Yesus. ²⁸ Arenan sidua jo Yerusaleman manduang maruan mintamaa,Ian barani parajani mason lalama ason Tuhan Yesus nan ²⁹ na si paduun nana tu dari Yahudiin yang matoangan kada Yunani ; tapi nande to da uno a bo kolea' arenan. ³⁰ Hal an niin dakatong kolea ara saurun na, ian dawa jo Kaisera laloang mawa tangkat jo Tarsusan. ³¹ Katenan na, Gereja jo ambata Yudeaan, Galilea na Samaria areniin lalama tio damai; dabarikan tio lalama ajarana Alatala, samangat yang boreseen ataut jo Alatalaan. ³² Dabarikan aso inan bo, I petrusan lalamba jo ambata banua, ian busi mondok jo tu yang parsayaan yang lalakoon jo banua Lida. ³³ Injena dirian sidua nana babaan yang asonan Eneas gonggoleng jo koson tindoan inju mangule salama lapan taun inju dapat lamba. ³⁴ Petrusan bada joan,'' Eneas , Yesus Kristus pamamiin jo nun. asadingao na kamusina koson tindo nun." laloanga pang ian tangkat asading. ³⁵ samua ara ira yang mitaan yang jo Lida nana jo Saron mondok mansen nana jo Alatalaan. ³⁶ Injen jo Yope sera murid ta asonan Tabita, yang ason len nan " Dorkas ". Bibinge iniin ambat na jasaan yang maman, nana basaman jo tu yang mamanseen. ³⁷ Waktu inaan ian kapaisan dabarikan mate; mamina da pamandi a, arenan mapelanga bangkayoana jo ruang i boon. ³⁸ Lida nana Yope niin si minso an, ara murid murid taan mandalinga injen Petrus injene , arenan mangutus dua mintuari joan na mamita, " arinrienao mondok kan jo naman" ³⁹ dabarikan ia lamba jo arenan. mondok injen laloanga pang dawa manik jo ruang iboon. samua a janda an kadeng jo biringaan, laloang manunjuk joan samua kamusana yang mamin datiangan kolea' waktu tio simamaloan nan na arenan. ⁴⁰ Petrusan manyuroh jo arenan maruan mansen dari ta soon laloang balutut na manyombangan; dabarikan ian mambele jo bangkayoan nan na bada," Tabita mambuka mataan laloangana mita jo i Petrusan, ian duduk . ⁴¹ Petrusan mangkam tangana na manguruki joan kadeng ; dabarikan ian malong jo mintuari yang parsayaan joan nan na ara jandaan , lalaonga pang ian manunjuk jo arenan bibinge nan tio balik. ⁴² dongo ini in tadalinga jo ambata banua Yope en nan na tu ambatan nan na barikan ambat yang parasayaan jo Alatalaan. ⁴³ Petrusan samalam jo baba yang asonan Simon, paniang kamusan kulit.