¹ Ara saurun ku' nana ara ama u', tantalinga na pambelaan ku'un nin yang kupadangaan katenin jo ninan. ² "waktu samua tu yang injenan mandalinga jo i Paulusan bada nana kada a urang ibraniin, ara inaan tontonong, lo'a i Paulus, ³ Iakkan nin urang Yahudi ak, ipalapasangngak jo Tarsus, Kilikiaan, tapi dabarikan sakola ak indie, lalam didikkanna Gamaliel. Iakkan ididikkak nana kadisiplinan kate hukuma tamato'a ka' ijoloon, dabarik kateninan iakkan jaji tuu yang bakarajaan tiang ta' Tuhan, sama bo kate yang i karajaan ingkin kateninnan. ⁴ Iakkan nin mamin nak pamanse'-manse' sampai mate jo ara pengikuta Tuhan. ⁵ Bata babaa nana bibingeen kutingkam nana kumansokkang jo lalama penjaraan. Ara Imam-imam pambesar nana ara toa-toa majelis, pande mameang bukti jo ninan bahwa dari ara inaan iakkan manarima surat yang datujuun jo ara saurun-saurun ka' jo Damsyik, yang kuawa lalama palamba'ku' katin. Iakkan dabarikan mawa mole' ak jo ara pengikut Tuhan nan, mole' balik jo Yerusalemaan manto' idukum. ⁶ Maminaan jo lalama palamba'ku' katin, jo biringnga Damsyik kan, jo tangah asoaan, injupi alun jalu yang ma ara'ara' jaji dari surgaan bersinar mangungulilingi jo kuun. ⁷ Dabarikkan araba' ak jo tana'an lalu injen kudailang aling yang badaa jo kuun,'Saulus, Saulus, aisi manun jonun pamanse'-manse' ko jo kuun?' ⁸ sutku' joan, 'itikao ninde', Tuhan?' sut ta jokuun, 'Iaknga Yesus, urang Nazaret tan, yang i pamanse'-manse' en ingko. ⁹ Ara yang simalo'on nan ku' mambele jalu yang mara'ara'annan busi, tapi inju matawang aling yang sipadaan nan ku'. ¹⁰ Kada ku' jo Tuhan nan, 'aika yang harusaan ku karajaan Tuhan?' sut tan jo kuun, 'Kadengngao dabarikan lamba' nao jo Damsyikkan; Ku padangnga mo' aika yang harus ikarajaan ingko.' ¹¹ Dabarikkan kole mara'ara'a jaluun nan, iakkan injunak dapat mambele, iakkan dabibittak kole a tuu yang sirarak nan ku' lamba jo Damsyik kan. ¹² Injene sidua'ak nana tu yang asonnan Ananias, tuu yang ma'matapan jo intara samua tuu jo Yahudiin yang la'lako'on injen. ¹³ Iaan mondok malamba'i jokuun, laloang bada, 'Saulus, saurunku', tabuka' mata nun.' mamin na an laloang mitaa ana. ¹⁴ Maminnan bada Iaan, 'Alatalah a ara piang ka' ijoloon, maminna mile' jo nun manto' matawang ko pangarajaanna nana mandalinga aling nga Alatalah. ¹⁵ Ingkoon i tiang ko jaji saksi a Alatalah bagi samua tuu mangana'i yang maminanna ikita nana didalingaan ingko. ¹⁶ Dabarikan Kateninan, aika pi yang idenangiin ingko? Tangkat nao, mamita nao i baptis, ambata kasala'an nun i ampuni lalama asonNaan.' ¹⁷ mamin mole'ak dari Yerusalemmam, dabarikan lalama badoa kuun jo langko a Alatalah, Tuhan nan mameang wahyu joo ku'un. ¹⁸ Mita ak joan maminnan bada Iaan joku'un, 'Tangkat nao rantangnga Yerusalem kate ni in, karna ara inaan amo' manantalinga kesaksiannu mangana'i Diri'ku'. ¹⁹ Sut ku' jo Alatalah, 'Tuhan, ara inaan kadirik matawang bahwa iakan ninna yang i pintamaang jo lalama penjaraan nana pase'ase' jo tu yang parsaya jo Nun. ²⁰ Kate waktu mate a saksi nu i Stefanussan, iakkan injenak kade jo biringaan nana malola'i karaja a ara inaan, dabarikan iakan nin busi manuntuani salinna yang muno'on nan.' ²¹ Tapi kada a Alatalah jo kuun, 'Tangkatnao, sebab akan ku dutus ko jo sarara banua tuu yang anjo'on dari bangsa niin. ²² Ara inaan manantalinga jo ambata kada a sampai mamin. Dabarikan ara inaan mandoki joan, kada ara inaan, 'anyapmao dari bumiin nin nana bata gulungan nu, karna injukin pantas tio." ²³ Ara inaan mando'doki, mamaratang kamusana ara iraan, mamaratan bata debu jo udaraan, oleh sebab inan ²⁴ kapala' pasukan mameang perintah manyuro' mawa i Paulussan jo markassan. Ian manyuro mamasiksa nana manyambuk jo i Petrussan, biar dakatawang aisi manuun tu un mandok-doki joaan ulu'-ulu'. ²⁵ Pada waktu ara inaan to' mikat jo i Paulussan, paulussan bada jo perwira yang kadeng jo biringngaan, "Pande aka mukum tuu yang asallan dari Roma?" ²⁶ Pada saat perwiraan nan mandalinga kada a, Ian malapor jo kapala' perwiraan, lo'a, "Aika yang to ikarajaan ingko'? tuu un inin asallan dari Roma." ²⁷ Kapala' pasukanan nan mondok maminnan bada jo i Paulussan, "Padangnga jo ku'un, totongko'aka tuu dari Romaan?" sut ta i Paulussan, "totong." ²⁸ Kada a tu'un nan pi, "iakkan kule'a ketetapan jo kosonnan nan nana duit yang ambatan. " Sut ta i paulussan pi, "iakan kule'a ketetapan naan karna iakan ipalapasangnga' jo Romaan. ²⁹ Dabarikan ara yang to' mukuman nan marantang joan ijeen. Kapala' pasukanan nan jaji ataut waktu dakatawang bahwa tuu yang dasuro' ikattan nan asli Urang Roma. ³⁰ Kamina'aan, kapala' pasukan to' mamasiti'i mangana'i totong aka yang da tuduhkannan kole'a ara Urang Yahudiin nan jo i Paulussan. Dabarikan iaan malapas ikata i Paulus, manyuro bata imam-imam kapala' nana samua dewan bakumpul. Maminnan iaan mawa jo i Paulusan mandoo dabarikan da dudukang jo tanga' a ara inaan.