¹ Dabarikan ingkaman takatakam dari' ara ira dan to' basiapkan tangkat balayar, ikaman lansong manuju banua Kos nana' minaan manuju banua Rodos nana' dabarikan jo' banua Patara. ² dabarikan ingkaman mangule kapal tuk manaren jo' Fenesia ingkaman manik nana' to' tangkat balayaran. ³ Dabarikan ingkaman mita pulau Siprus, ingkaman malaloi pulau ina'an jo' kayokonaman nana' balayar teruskam manuju Siria dabarikan sengkakam jo' banua Tirus, to' pando' jalu iawah. ⁴ mamin ina'an ingkaman siduakam nana' murid-murid, ingkaman tindokam injene tujuh aso'. Murid-murid ina'an bada' jo' Paulusan lalama Roh Kudusan supaya Paulusan inju malatang kai'a jo' Yerusaleman ⁵ Dabarikan ingkaman ausna aso'naman, ingkaman malanjutkan palambanam. ara ira'an nana' bingea nana' anak-anaka' mantat jo'naman dari' banuan. dabarikan ingkaman balututkam jo' biringa ae'en, ingkaman badoakam nana' badakam salam sikata' tata sera. ⁶ ingkaman manik jo' kapalan ara ira'an mole balik jo' langkoan. ⁷ Dabarikan ingkaman mausang palayaranam dari Tirus, mondokam jo' Ptolemais. ingkaman manyialo jo ara saurunan injene nana' ingkaman tindokam saso injen. ⁸ kaminaan ingkaman marangtang jo' ara ira'an nana' lambakam jo' Kaisarea. ingkaman mintamakam jo' langko'a Filipusan, pandampeang injil ina'an, yang sala sera dari' tujuh mintuari dailei na'an nana' ingkaman samalamkam jo'an. ⁹ baba ini'in muna ampat anak bibinge yang bernubuat. ¹⁰ Samantara ingkaman tindo munsa aso' injene, mondokna nabi dari' Yudea yang tabiasan bernubuat asonan Agabus. ¹¹ ian mondok jo'nam nana' mala katingang ta'a Paulus. nana' katingang ina'an ian manjarat kai'a nana' tangana kadiri nana' bada'a, "katine kada'a Roh Kudusan, katinana ara Yahudi'in jo' Yerusaleman to' majarat tu' pon katingangan ni'in nana' ara ira'an to' pendeang jo'an jo' bansa-bansa boan Yahudi." ¹² Dabarikan ingkaman mandalinga hal ina'an, ingkaman nana' mintuari yang munaan injene mamitakam jo' ¹³ Paulusan supaya inju lamba jo' Yerusaleman. dabarikan Paulusan bada'a jo' ara ina'an, "aika yang anu'un ingko, manais pa' sama bao nana' papaisi atekun? iakan siapak, boan hanya ijarat saja, malainkan tuk mate' jo' Yerusaleman tuk asona Yesus Tuhan. ¹⁴ dabarikan Paulusan inju dapat' isusui' dabariakan ingkaman tadaang barusahaan dan bada'a, "katenande katoanan Tuhanan dari'." ¹⁵ Mamina asoa ina'an, ingkaman mamusi kamusanam dan lambakam jo' Yerusaleman. ¹⁶ injene busi yang sama-sama lambaan nanam' ianade murid-murid dari' Kaisarea. ara ira'an mawa busi' tu' sera yang asona Mnason, tu' dari' Siprus murid partama'a, yang langkoan to' isengkai'i ingkam. ¹⁷ Dabarikan ingkaman baru mondokam jo' Yerusaleman, ara saurunku'n manyialo jo'naman nana' susu' nyawaan. ¹⁸ kaminaan Paulus lamba nanam tuk sidua nana' Yakobus nana' toa-toa Yahudi'in yang injenan. ¹⁹ waktu motonian jo' ara ina'an, ian padaang tata sera hal-hal yang Alatalah dakarajaan jo' antara bansa-bansa boan Yahudi malaloi palayanana. ²⁰ Dabarikan ara ina'an mandalinga hal ina'an, ara ira'an mamudi'i Alatalah nana' bada'an jo'an, "belena saurunku, munsa ribu yang maminan percaya jo' antara ara Yahudi'in. ara ina'an samuan tatap mangkam hukum Taurat. ²¹ ara ira'an mamina bacarita tantang ingko, bahwa ingko'on majarkan samua ara Yahudi'in yang tio'on jo' antara mintuari yang boanan Yahudi tuk marantang jo' Musa nana' inju mayunat anak-anaka ara ira'an dan dainai malola'i adat-adat jolo'. ²² Aika yang ikarajan ingkam? ara ira'an samuan mamina mandalinga tantang mondoknu. ²³ asisonan yang ingkaman padaangan jo'nun, ingkaman munakam ampat mintuari yang maminan isumpah. ²⁴ awana tu'un ini'in dan anyapanga dirinun nana' ara ira'an, dan bayaranga ongkosan ara ina'an, supaya ara ina'an dapat mangunting bukah'. supaya samua tu'un matoang yang dapadaangan jo'nun tantang ingko inju totong. ara ira'an balajar busi' bahwa ingko'an busi' tambako jo' hukum Tauratan. ²⁵ Tapi tantang bansa-bansa yang boanan Yahudi yang parcaya, ingkaman maminam manulis surat mamiang tanda bahwa ara ira'an arus panjo' kalea dari' hal-hal yang mamina dapersembahkan jo' berhala, dari' dara'a, dari' inatangan yang mate isakan, nana' dari' kalakon yang inju mam. ²⁶ dabarikan Paulusan mawa' jo' ara ina'an, jo' kaminaan, mambersekan diri'a nana' ara ina'an, lamba lalama langkoa Alatalah, padaang kalea waktu ausa' pamberseana, dabaikan persembahan dapanjeang bagia jo' ara ira'an ²⁷ Waktu to' ausa tujuh asonan, munsa mintuari Yahudi dari' Asia mambele jo' Paulusan jo' langkoan Alatala, dabarikan ara ira'an majiaji' jo' tu'un tuk maningkam jo'an. ²⁸ ara ina'an dok', "mintuari Israel, tolongam. ini'na mintuarian yang mampalajari jo' samua tu'un injen-injen poang tuk manantang umat, manantang hukum Taurat dan manantang koson ini'in. dabarikan, mawa' munsa mintuari dari' Yunani jo' lalama langkoa Alatala nana' dan menajiskan koson suci ini'in. ²⁹ karena ara ira'an mamin mambele jo' Trofimus dari' Efesus simalo nan'a jo' banua ra'an dan ara ina'an bapikir bahwa Paulusan mamin mawa' jo'an jo' lalam langkoa Alatala. ³⁰ Tu' jo' banuan majadi gembar dan tu'un sansang tuk maningkam jo' Paulusan. ara ina'an manarik jo'an maruan dari' langkoa Alatala dabarikan manutup katombangana rinrien. ³¹ samantara ara ira'an to' muno' jo'an, dadaliga baritaan kalea kapala pangawalan bahwa sabanua Yerusalaman mamin gempar. ³² ririen ian mawa' prajurit nana' pawiraan tuk mamagi jo' tu'un. dabarikan tu'un mita pasukan nana' prajurit-prajurit, maka ara ina'an tadang mujian jo' Paulusan. ³³ kapala pasukanan ina'a, maminsoi' nana' manigkaman jo' Paulusan, dan mamarintahian daikat nana' dua rantai. ian batanya tika tu'unin dan aika kesalanan aika yang dakalakonan. ³⁴ unsa-unsa tu'un injene jo' kumpulan tu' ambatan laloang dok dan yang boana mandoki hal yang bonan. dabarikan kapala pasukan inju matoan aika-aika dabarikan samua pangaduanan ina'an, ian mamarintah supaya Paulusan dawa' jo' lalam markasan. ³⁵ dabarikan ian minso jo' anak tangka, ian dangkat kalea prajurt-prajuritan dabaikan koson pangaduanan dagulu' kalea tu'un. ³⁶ karena tu' ambatan yang tambaan dari' balang dok pa'pana, "sansang nao'." ³⁷ dabariakan Paulusan to' iawa' jo' markasan, ian bada' jo' kapala pasukanan,"injene to kupadaang jo'nun?" kapala pasukan bada' " matoangko aka kada'a Yunani? ³⁸ boanko aka ingko'on tu' dari' mesiran yang jolo'on mamimpin pemborontakan nana' mamimpin ampat ribu 'punoh' jo' padang gurunan?" ³⁹ kaloa Paulus, " iakan dari' Yahudi ak dari' banua Tarsus di Sisilia. iakan warga dari' banua dakilala tu'. iakan mamitak jo'nun, palatna bada' jo' ara ini'in." ⁴⁰ dabaikan kapala pasukan mamalat jo' Paulusan bada'a, dabaikan Paulusan kadeng boa tangkaan dan mangkat tangana jo' tu' ambatan. waktu tu'un tontonong, ian bada' pakai kada'a Ibrani. ia bada'a,