¹ Paulus i adapang jo anggota Mahkamah Agamaan laloang bada. "Ara saurun ku', sampai aso inin iakan nin tio' ak jo lalama Tuhan nan nana sapano' ateen kuun." ² Imam Ananias manyuro' jo tuu yang kadeng jo biringaan manampar babaa a i Paulus. ³ Dabarikan sut ta i Paulus joan, "Alatalah mo'angan yang manamparan jo ninan, ingkoon nan munafik ko. ⁴ Ara yang kadengan nan bada, "Ininna kade caranu molo'-olo' jo Iman Besar ra Alatalah?" ⁵ Sut ta i Paulus, "Iakan injuak matawang bahwa iaan nan Imam Besar." Karna injeen itulisang, saharusaan ingkoon injuun pande paruan kada baraat jo pamimpin nu." ⁶ Waktu inaan i Paulussan mita bahwa sabagi dari ara inaan adalah urang Saduki sabagi pi urang Farisi, iaan bada naan alinga yang araan, "Ara saurun ku' iakkan nin Urang Farisi ak, kanturunan urang Farisi, oleh sebab inaan, iakkan nin dawa indii, karna parsaya ak jo pengharapanku' mangana'i tuu yang dapatan tio' balik. ⁷ Mamin poang iaan bada kate naan, ara inaan tabagi-bagi intara urang Saduki nana urang Farisiin. ⁸ Sebab bada urang Sadukiin bahwa anjau istilah tuu yang tio' balikkan, anjau malaikat nana anjau roh-roh, tapi urang Farisiin mamparsaya'i bahwa samuaan nan injene. ⁹ Dabarikan terjadi pakara yang ara an maminnan unsa-unsa mintuari dari urang Farisiin kadeng laloang bada, "Ingkaman injukam manduan sala' aika-aika jo tuu un nin. Alo'aika antiin malaikat yang badaan joan?" ¹⁰ Ara inaan sisut-sut baba, kapala' pasukan nan ataut i Paulussan dapapaisi kole'a ara inaan, maminnan iaan manyuro' ara inaan mawa mando jo i Paulusan, malapasang joan dari tanga'a ara inaan nana mawa joan jo koson balindungan. ¹¹ Malam minaan, Tuhan kadeng jo biringaan maminnan bada, "Dainao ataut, sebab kate nin na ingkoon basaksi mangana'i diri'Ku' jo Yerusaleman, kate nan busi ingkoon basaksi jo Romaan. ¹² Ka imberasoan, insa-insa urang Yahudiin so' mamang kalea jo ara inaan kadirik: ara inaan bada, inju na mangkan nana mium aika-aika sampai ara inaan muno' jo i paulussan. ¹³ Injen ampat pulo' mintuari yang manian pakatan nin. ¹⁴ Ara inaan lambo jo Imam-imam kapala' nana jo ara toa-toa an dabarikan bada, "Ingkaman mamangngi na kale nam, iinju kam mangkan aika-aika sampai ingkaman dapatkan muno' jo i Petrussan. ¹⁵ Oleh sebab inaan, mamita kam jonun nana anggota Mahkamah Agamaan bada kin jo kapala' pasukkanan, iaan isuro mawa balik i Paulussan jo dapannun, manto' ingko'on dapat ko mamutusang pakara iniin nana labi mam man. Kate ingkaman nin siap kam muno' joan, jo injuan pi mondok indi'e." ¹⁶ Tapi, kamananna i paulus anak dari saurun bibingeen a mandalingan mangana'i dongo arainan mempa' joan, sebab inaan iaan malamba'i maminnan mintama jo koson balindung nana mamadang dongoon nin jo i Paulusan. ¹⁷ Paulus mangalong sera tentara maminnan bada, "awana anak babaa nin jo kapala' pasukanan, sebab injen yang to' dapadangang joan ¹⁸ Jadi perwiraan nan mawa anak babaa nan madap jo kapala' pasukanan, iaan bada, "Paulus, tuu yang dikurungang nan kole' ka', mamita jo kuun mawa anak babaan an nin jo adapan nun. Injen yang to' dapadangaan jo nun." ¹⁹ Kapala pasukan nan mawa anak babaa an nan jo ruang kusussan maminnan mananya, "Aika yang to' idapangan ingko jo kuun?" ²⁰ Sut ta anak babaa an nan, "Urang Yahudi maminna maniang pakat yang to' da pita jo nun bahwa mina' ingkoon dasuro mawa jo i Paulussan madap jo Mahkamah Agamaan, ara inaan kate to' mantawang labi anjo mangana'i hal niin. ²¹ Tapi dainao manantalinga jo ara inaan, sebab injen labi dari ampat pulo' mintuari yang to' mempa'an joan. Ara inaan maminna mamangi kalea kadirik, inju mangkaan nana miumman sampai ara inaan muno' jo i Paulussan. Kateninan ara inaan siap ma hanya menangi kaputusan dari jonuu." ²² Dabarikan kapala' pasukanan mamalat anak babaa an nan tangkat nana bapesan joan, "Daina padang jo samua tuun aika yang maminna ipadang ingko jo kuun." ²³ Maminnaan iaan malong dua perwira dabarikan bada, "Siap na ingkin dua ratus prajuritan yang i dutus lamba' jo kaisareaan nana tuju pulo' pasukan bakudaan, dabarikan dua ratus mintuari yang mawa bulissan, tangkat nain sakita jam sambilan malamman nin. ²⁴ Iaan busi manyuro ara inaan mawang jo i paulusan inatang yang pandeen da tungganggi, maminnan mawa joan jo gubernur Feliks nana keadaan salamat. ²⁵ Dabarikan iaan manulis surat yang isi'an: ²⁶ "Salam dari Kaludius Lisias jo yang muliaan gubernur Feliks. Babaa an nin da penjara ²⁷ kole'a urang Yahudiian, maminna sa'sapit mani to dauno' kale ara iraan, iakkan nana ara prajurit ku' mondok manjaranga' nana malapasang joan, sebab ku dalinga, iaan nan Urang asli Romawi. ²⁸ Iakkan nin to' matawangnga' aisi manun, ara inaan manudu joan, nin na sebabpan iakkan mawa joan jo Mahkamah agamaan ara inaan. ²⁹ Ku katawangnga iaan ni i tuduh mangana'i hukum taaurat ara inaan, tapi dabarikan anjau sepantassa iaan nin di dukum mate ataupun dipenjara. ³⁰ Kate dongo yang kudalingaan, injen tuu yang to' muno' joan, karna inaan rinrien iaan iawa jonun, maminnan jo ara penuduh nan, kusuro' madap jonun. Sennuna." ³¹ Maka ara prajurittan nan malola'i parinta a ara inaan: ara inaan mala jo i paulussan maminnan dawa jo Antipatris waktu malamaa asoon. ³² Kamina'anan, ara inaan mamalat pasukan berkuda yang mawa jo i Paulusan, dabarikan ara inaan mole' jo markassan. ³³ Saat ara pasukan nan mondok jo kota Kaisarea ara inaan mamandeang surat jo gubernurran, ara inaan pilalang jo i Paulussan busi. ³⁴ Saat gubernuran mambasa surat tan nan, ian mananya' dari provinsi deka asalla i Paulussan; Dan mamin mandalinga bahwa i Paulussan dari Sisilia, iaan bada, ³⁵ "Iakkan akan mamariksa bata sala' nu apabila mo' mondok ara yang mameang tuduhannan jo nun." Maminnan ian manyuro jo ara inaa mawa untuk i tahan jo istana a Herodessan.