¹ Kwatsi Jesu engca, wabona indvodza leyayingaboni kusukela yatalwa. Bafundzi bakhe bambuta, ² ''Mfundzisi, ngubani lowona, lendvodza lena nobe batali bayo, kute atalwe angaboni?'' ³ Jesu waphendvula, ''nalendvodza ayikoni, kanye nebatali bayo, kepha imisebenti yankulunkulu itobonakaliswa kuye. ⁴ Kumele sisebente imisebenti yakhe longitfumile kusesemini. Busuku buyeta lapho kute umunftu longakhona kusebenta. ⁵ Loku ngiseselamhlabeni, Ngikukhanya kwemhlaba.'' ⁶ Emva kwekutsi Jesu asho letinfto, wakhafulela emhlabatsini, wenta ludzaka ngalamatse, wase unindza ngaloludzaka emehlweni akhe. ⁷ Watsi kuye, ''hamba, ugeze echibini lase Silowama''. Ngako lendvodza yahamba, yageza, yase iyabuya seyibona. ⁸ Bomakhelwane balendvodza nalabo labebambone asesengumceli batsi, ''akusiyo yini lendvodza lebeyihlala bese iyacela?'' Labanye batsi, ''nguye.'' ⁹ Labanye batsi, ''chake, kepha ufana naye.'' Kepha yena watsi, '''Ngimi.'' ¹⁰ Batsi kuye, ''Kepha emehlo akho avuleke njani?'' ¹¹ Waphendvula, ''Lendvodza lebitwa ngaJesu yente ludzaka yase ilufaka emehlweni ami yase itsi kimi , 'Hamba uye eSilowama bese uyageza.' Ngako ngahamba, ngageza, ngemukela kubona kwami.'' Batsi kuye, ¹² ''Uphi nyalo?'' Waphendvula, ''Angimati.'' ¹³ Baletsa lendvodza lebeyikadze ingaboni kubaFarisi. ¹⁴ Nyalo bekulilanga leliSabatha ngesikhatsi Jesu amentela ludzaka amvula emehlo. ¹⁵ Baphindze labaFarisi bambuta kutsi ukwemukele njani kuvuleka kwakhe kwemehlo. Watsi kubo, ''Ufake ludzaka emehlweni ami, Ngageza, nyalo sengiyabona.'' ¹⁶ Labanye bebaFarisi batsi, ''Lendvodza lena ayiveli kuNkulunkulu ngobe ayiwugcini umtsetfo weliSabatha.'' Labanye batsi, ''Kungenteka njani kutsi indvodza lesoni yente sibonakaliso lesinje?'' Ngako bekunekwehlukana emkhatsini wabo. ¹⁷ Base baphindze bayayibuta lendvodza lebeyingaboni, ''utsini ngaye, loku sakuvule emehlo akho?'' Lendvodza leyayingaboni yatsi, ''ungumphrofethi.'' ¹⁸ LamaJuda akazange amkholwe kutsi abengaboni phindze wase uyabona bate babita batali bakhe lona labese abona. ¹⁹ Babuta labatali, ''yindvodzana yenu yini lena lekutsiwa yatalwa ingaboni? Kwenteka njani kutsi nyalo seyiyabona?'' ²⁰ Labatali bakhe babaphendvula, ''Sati kutsi lendvodza lena yindvodzana yetfu phindze abetalwe angaboni. ²¹ kutsi kwentekeni kuze nyalo abone, asati, nekutsi lolomvule emehlo, asimati. Butani yena, semudzala. angatikhulumela.'' ²² Batali bakhe basho loku ngobe bebesaba emaJuda. Ngobe emaJuda ebesavele avumelene ngekutsi nangabe kukhona lotawufakaza kutsi Jesu unguKhristu, ebeyawukhishelwa ngaphandle esinagogeni. ²³ Ngaloku, batali bakhe batsi, ''mdzala, butani yena.'' ²⁴ Baphindze babita lendvodza kwesibili lebeyingaboni base batsi kuye, ''Dvumisa Nkulunkulu. Siyati kutsi lendvodza lena isoni.'' ²⁵ Yase lendvodza iyaphendvula, ''angati kutsi usoni yini. yinye intfo lengiyatiko: Bengingaboni, kepha nyalo sengiyabona.'' ²⁶ Base batsi kuye, ''wenteni kuwe? uwavule njani emehlo akho?'' ²⁷ Waphendvula, ''nginitjelile mosi, nangalaleli! Nifune lani kuva futsi? Anifuni kuba bafundzi bakhe nani, niyafuna yini? ²⁸ Bametfuka batsi, ''ungumfundzi wakhe wena, kepha sibafundzi baMose tsine. ²⁹ Siyati kutsi Nkulunkulu ukhulume naMose, kepha asati kutsi lona ubuyaphi.'' ³⁰ Lendvodza yaphendvula yatsi kubo, ''Loku kuyaphawuleka, kutsi anati kutsi ubuyaphi, ngobe uvule emehlo ami. ³¹ Siyati kutsi Nkulunkulu akatilaleli toni, kepha nangabe kukhona lotinikelako ente intsandvo yakhe, uyamulalela. ³² Kusukela umhlaba wacala akuzange sekuvakale kutsi kukhona lovule emehlo emuntfu lobekatalwe angaboni. ³³ Nangabe lendvodza ayisiyo yakaNkulunkulu, bekangeke ente lutfo.'' ³⁴ Bamphendvula batsi kuye, ''Wena watalelwa etonweni mbamba, ufundzisa tsine?'' Base bamkhiphela ngaphandle. ³⁵ Jesu weva kutsi bamukhiphele ngaphandle kwelisinagoge. Wamkhandza wase utsi, ''Uyakholwa yini yiNdvodzana yemuntfu?'' ³⁶ Waphendvula watsi, ''Ingubani, Nkhosi, kute ngikholwe kuyo?'' ³⁷ Jesu watsi kuye, ''Umbonile, nguye lona lokhuluma nawe.'' ³⁸ Lendvodza yatsi, ''Nkhosi, Ngiyakholwa,'' wase uyamdvumisa. ³⁹ Jesu watsi, ''ngekwehlulela ngeta lamhlabeni khona labangaboni batobona bese lababonako bangaboni.'' ⁴⁰ Labanye baFarisi lebebanaye beva letintfo leti base bambuta batsi, ''usho kutsi natsi asiboni?'' ⁴¹ Jesu watsi kubo, ''Nangabe beningaboni, benitobabete sono, kepha nyalo nitsi, 'Siyabona,' ngako sono senu sikhona.''