¹ Emvakwaloko kwase kuba nemgubho wemaJuda, wase uyahamba Jesu uya ² eJerusalema. EJerusalema ngasesangweni letimvu kunelichibi, ngelulwimi lwesi Aramu kutsiwa yiBhethesda, yayikunemahange lasihlanu lafulelwe. ³ Bantfu labanyenti lababegula, labangaboni. tinyonga, nobe tichwala lebebalele lapho. ⁴ Balindzele kutanyatanyiswa kwemanti Ngoba ingelosi yeNkhosi yehla yatamatisa emanti ngesikhatsi lesitsite loyo longenako emanti asatamatanyiswa bekaphulukiswa kuso sonkhe sifo lanaso. ⁵ Indvodza letsite beyilapho lebeyigula iminyaka lengemashumi lamatsatfu nesiphohlongo. ⁶ NaJesu ambona alele lapho, nangemuva kwekucondza kutsi abe lapho sikhatsi lesidze, watsi kuye, ''Uyafuna kuba ngulophilile? ⁷ Lendvodza leyayigula yaphendvula, ''Mnumzane, anginamuntfu longigcumisela echibini na emanti anyakanyakatiswa. Nangita lomunye uyangengcelela.'' ⁸ watsi kuye, ''Phakama, tsatsa luhlaka lwakho uhambe.'' ⁹ Ngekuphutfuma lendvodza yaphulukiswa, watsatsa luhlaka lwakhe wahamba. Kwakulusuku lweSabatha. ¹⁰ Ngako emaJuda atsi kuye lobekaphulukisiwe, Kulusuku lweSabatha awukavumeleki kwetfwala licansi lakho.'' ¹¹ Waphendvula, ''Loyolongentengaphila utsite kimi, Tsatsa licansi lakho uhambe,'' ¹² Bamu buta,'' Ngubani lendvodza letsite kuwe, 'Litsatse '? uhambe'?'' ¹³ Noma kunjalo, lona lowaphulukiswa bekangati kutsi abengubani ngobe Jesu bese ahambe ngasense, ngokuba bekunesicuku kuleyo ndzawo. ¹⁴ Emvakwaloko, Jesu wamtfola ethempelini wase utsi kuye, ''Bona, sowuphilile! Ungasaphindzi wone, kuze kutsi lokwendlulele kungenteki kuwe,' ¹⁵ Lendvodza yahamba yayobikela emaJuda kutsi nguJesu lomphilisile. ¹⁶ Ngenca yaloko emaJuda amtingela Jesu, ngoba wenta letintfo ngeliSabatha. ¹⁷ Jesu wabaphendvula. ''Babe wami uyasebenta nanyalo, nami, futsi, ngiyasebenta,'' ¹⁸ Ngenca yaloku, emaJuda afuna kakhulu kumbulala ngoba angephulanga kuphela liSabatha, kodvwa abebite Nkulunkulu ngekutsi nguyise, atenta lolingana naNkulunkulu. ¹⁹ Jesu waphendvula watsi, ngicinisile, ngicinisile, indvodzana ingeke yente lutfo ngekwayo, kuphela loko lekubona uyise akwenta, ngokuba loko uyise lakwentako ne ndvodzana iyakwenta kanjalo ²⁰ Ngokuba Uyise uyayitsandza indvodzana uyikhombisa konkhe loku lakwentako, usetayikhombisa tintfo letinkhulu kunaloko kute nimangale. ²¹ Njengoba uyise avusa labafile abuye anike kuphila, kanjalo nendvodzana iniketa kuphila kunobe ngubani lefuna kumnika. ²² Ngekuba uyise akehluleli muntfu, kepha unike konkhe kwehlulela eNdvodzaneni ²³ kute kutsi wonkhe ayihloniphe leNdvodzana njengoba akhonta uyise.Lowolongahloniphi indvodzana akamhloniphi neyise lamtfumile. ²⁴ Ngicinisile, ngicinisile, loyo lova livi lami akholwe nguye longitfumile unekuphila lokuphakadze akasayi ekwehlulelweni, kepha sewendlulile ekufeni wangena ekuphileni. ²⁵ Ngicinisile, ngicinisile, ngiyanitjela sikhatsi siyeta futsi sengiso, lapho labafile bayakuva livi leNdvodzana yaNkulunkulu, labo labevako bayawuphila. ²⁶ Njengobe neYise anekuphila kuye, uyinikile neNdvodzana kute kutsi ibe nekuphila kuyo, ²⁷ uYise unike iNdvodzana emagunya ekwehlulela ngobe iyiNdvodzana yeMuntfu. ²⁸ Ningamangali ngaloko, ngokuba siyeta sikhatsi lapho wonkhe losemathuneni utakuva livi laYo ²⁹ bayawuphumela ebaleni labo labente lokuhle ekuvukeni kwekuphila, nalabo labente lokubi ekuvukeni kwekwahlulela. ³⁰ Ngingente lutfo ngingedvwa. Njengoba ngiva, ngiyehlulela, futsi kwehlulela kwami kulungile ngoba angilandzeli intsandvo yami kepha intsandvo yalongitfumile, ³¹ Nangingatifakazela bufakazi bami ngabe ngulobute liciniso, ³² Ukhona lomunye lofakazako ngami phindze ngiyati lobufakazi ngami, ngiyati futsi lokutsi lobufakazi labushoko ngami buliciniso. ³³ Nitfumele kuJohane, ufakaze liciniso. ³⁴ Kepha lobufakazi lengibutfolile abukaveli kumuntfu. Ngisho leto tintfo ukuze nisindziswe. ³⁵ Johane bekasibane lebesivutsa sikhatimula, nine ke nafisa kutfokota ekukhanyeni kwakhe kwesikhashana. ³⁶ Naloku lobufakazi lenginabo bubukhulu kunaloba baJohane, ngalomsebenti lengiwuniketwe nguBabe unginikile kutsi ngiwucedze, lemisebenti lengiyentako, ifakaza ngami ³⁷ Babe longitfumile yena lucobo sowufakazile ngami. Anilivanga livi lakhe anibonanga nasimo sakhe nangasiphi nje sikhatsi. ³⁸ Aninalo livi lakhe lelihlala kini, ngoba anikakholwa ngulona lamtfumile. ³⁹ Nihlola imibhalo ngobe nicabanga kutsi kuwo kunekuphila lokuphakadze, yona leyo mibhalo ifakaza ngami, ⁴⁰ nani anifuni kuta kimi kute nibe nekuphila. ⁴¹ Angilutfoli ludumo lwami kubantfu, ⁴² kepha ngiyati kutsi nite lolutsandvo lwaNkulunkulu ngekhatsi kini. ⁴³ Ngitile ngelibito laBabe, aningemukelanga. Nakungefika lomunye ngelibito lakhe, ningamemukela. ⁴⁴ Ningakholwa kanjani, nine lenemukela ludvumo lomunye kulomunye kepha abatifuneli ludumo loluvela kuNkulunkulu lokukuphela kwakhe? ⁴⁵ Ningacabangi kwekutsi ngitanibeka licala phambi kwaBabe. Loyo lonibeka licala nguMosi, lo lenibeke kuye ⁴⁶ letsemba. Nanakholwa nguMosi, ngabe niyangikholwa, ngoba wabhala ngami ⁴⁷ Naningakholwa yimibhalo yakhe, nitawukholwa njani emavi ami ?''