¹ Emva kwako konkhe, Jesu wewelela ngesheya kweLwandle lase Galile, lebekutsiwa Lwandle lwase Thiberiyase. ² Scuku lesikhulu samlandzela ngoba sabona tibonakaliso lebekatenta kulabo bebagula. ³ Jesu wenyukela entsabeni wafika wahlala phasi nebafundzi bakhe. ⁴ (Kwase kusondzele lidzili lelikhulu lema Juda.) ⁵ Watsi uphakamisa emehlo Jesu wabona sicuku lesinyenti sita kuye, watsi ku Filiphu, ''Sitawutitsengaphi tinkwa khona batokudla labantfu?'' ⁶ (Jesu wakusho loku afuna kubona Filiphu kutsi utawutsini, ngoba yena bekakwati loko latawukwenta.) ⁷ Filiphu waphendvula watsi, ''Tinkwa temakhulu lamabili abo denariyu angeke tibenele nekubanela. ⁸ ''Lomunye umfundzi, Andreya, umnakabo Simoni Phetro, watsi ku Jesu, ⁹ ''Kunemfana lapha lophetse tinkhwa letingu 5 netimhlanti letingu-2, kepha tiyini nje kulabanengi kangaka?'' ¹⁰ Jesu watsi, ''Bahlaliseni phasi labantfu.'' bekunetjani lobunyenti kuleyo ndzawo. Ngako-ke bahlala phansi, balinganiselwa ku 5000 ngelinani. ¹¹ Jesu watsatsa letinkwa emva kwekubonga, watinika labo bebahleti phansi. Wenta njalo nakuletinhlanti, badla ngendlela labayifunako. ¹² Batsi nase besutsi labantfu, watsi kubafundzi bakhe, ''Butsani tonkhe letimvutfu letisele, khona kutoba bete lokulahlekako.'' ¹³ Ngako babahlanganisa base bagcwalisa emabhaskidi langu 12 ngetimvutfu tesinkwa letatisele kulabo lasebadlile. ¹⁴ Bantfu ke batsi nababona letimphawu latenta, base batsi, ''Nangembala lona ngu mphrofethi lobetawuta emhlabeni. ¹⁵ ''Watsi Jesu nakabona kutsi sebatawuta kuye bambambe ngenkhani bamente iNkhosi, wanyomuka futsi wenyukela entsabeni ayedvwa. ¹⁶ Kwatsi nakuhlwa bafundzi bakhe bewukela elwandle. ¹⁷ Bagibela esikebheni, bewelela eKhaphenawume. kwase kuhlwile ngaleso skhatsi na Jesu abesengakafiki kubo. ¹⁸ Umoya lomkhulu wawuhusha, nelwandle bese lune ludlame. ¹⁹ Kwatsi nase bagwedle emakhilomitha labengaba sitfupha, babona Jesu ahamba etukwe lwandle asondzela eceleni kweskebhe, bafikelwa kwesaba. ²⁰ Kodvwa watsi kubo, ''Ngimi! ningesabi. ²¹ ''Batimisela ngekumamukela eskebheni, kodvwa masinyane sikebhe safika emhlabeni lapho bebaya khona. ²² Ngakusasa, sicuku lesasime ngesheya kwe lwandle sabona kutsi kwakute lesinye skebhe ngaphandle kwalesi, kani Jesu akagibeli kuso nebafundzi bakhe batihambela bodwva. ²³ Noma kunjalo,kwakunaletinye tikebhe letatibuya eThiberiyasi tidvute nendzawo lebebadlela kuyo tinkhwa emva kwekutsi iNkhosi ibonge. ²⁴ Bantfu nababona kutsi Jesu nebafundzi bakhona lapho, nabo bagibela tikebhe bewelela eKhaphenawumi bafuna Jesu. ²⁵ Nase bamtfolile ngesheya kwe lwandle, batsi kuye, ''Mfundzisi, ufike nini lapha?'' ²⁶ Jesu wabaphendvula watsi, ''Ngicisile, ngicinisile, nifuna mine, hhayi ngoba nibone tibonakaliso, kodvwa ngobe nidle tinkhwa nesutsa. ²⁷ Ningasebenteli kudla lokuphelako, kodwva sebentelani kudla lokutawuhlala inguna phakade lenitawunikwa kona yindvodzana yemuntfu, ngoba Nkulunkulu Babe ubeke luphawu kuyo.'' ²⁸ Base batsi kuye, ''Kumele senteni, khona sitokwenta umsebenti wa Nkulunkulu?'' ²⁹ Jesu waphendvula watsi kubo, ''Nangu ungumsebenti wa Nkulunkulu: kutsi nikholwe kuloyo lamtfumile.'' ³⁰ Ngako batsi kuye, ''Yini sibonakaliso longasenta, khona sitewubona futsi sikholwe nguwe? Yini lotakwenta? ³¹ Bobabe betfu badla imana ehlane, njengoba kubhaliwe, Wabanika sinkhwa lesivela ezulwini kutsi badle'' ³² Jesu wabese uyabaphendvula, ''Ngicinisile, ngicinisile, kwakungasuye Mose lowaninika sinkwa lesasivela ezulwini, kepha nguBabe wami loninika sinkwa seliciniso lesivela ezulwini. ³³ Ngoba sinkwa sa Nkulunkulu ngulesi lesivela ezulwini futsi siletsa kuphila emhlabeni. ³⁴ ''Ngako batsi kuye, ''Mnumzane, leso sinkwa imihla ngemihla.'' ³⁵ Jesu watsi kubo, ''Mine ngisinkhwa sekuphila; loyo lota kimi ngeke alambe, kani naloyo lokholwa ngimi angeke ome. ³⁶ Kodvwa ngiyatjela ngitsi nangembala ningibonile, futsi nangakholwa. ³⁷ Wonkhe lenginikwe ngubabe utawuta kimi, naloyo lota kimi ngiyaciniseka angeke ngimlahlele ngaphandle. ³⁸ Ngoba ngehlile ngivela ezulwini, angiketi kutokwenta intsandvo yami, kepha intsandvo yaloyo longitfumile. ³⁹ Lena-ke yintsandvo yaloyo longitfumile, kutsi ngingalahlekelwa nangumunye kulabo langiphe bona, kodvwa ngiyokubavusa ngelilanga lekugcina. ⁴⁰ Ngoba loku kuyintsadvo yaBabe, kutsi loyo lobone iNdvodzana futsi wakholwa ngiyo abe nekuphila lokuphakadze futsi ngitamvusa ngelilanga lekugcina.'' ⁴¹ EmaJuda akhonona ngaye ngoba utsite, ''Mine ngisinkhwa lesivela ezulwini.'' ⁴² Batsi, ''Akusuye yini loJesu iNdvodzana yaJosefa, lebabe na make wakhe simati? Usho kanjani manje kutsi, 'Ngehlile ngivela ezulwini'?'' ⁴³ Jesu wabaphendvula watsi kubo, ''Musani kuhhomutela nodvwa. ⁴⁴ Kute longeta kimi ngaphandle kwekutsi babe longitfumile amdvonse, ngitamvusa ngelilanga lekugcina. ⁴⁵ kubhaliwe kuba profethi, 'Wonkhe utawufundziswa ngu Nkulunkulu.' Wonkhe lovile phindze wafundza kuBabe uyeta kimi. ⁴⁶ Hhayi kutsi kukhona lobone Babe, ngaphandle kwaloyo lovele kuNkulunkulu-yena umbonile Babe. ⁴⁷ Ngicinisile, ngicinisile, loyo lokholwako unekuphila lokuphakade. ⁴⁸ Mine ngisinkhwa sekuphila. ⁴⁹ Bobabe benu badla imana ehlane, bafa. ⁵⁰ Lesi sinkhwa lesehle sivela ezulwini, khona umuntfu atodla incenye yaso angafi. ⁵¹ Mine ngisinkhwa sekuphila lesivela ezulwini. Nangabe kukhona lodla incenye yale sinkhwa, utawuphila phakadze. Lesinkhwa lengitawuphana ngaso siyinyama yami kutophila umhlaba'' ⁵² EmaJuda atfukutselelena ase acala kuphikisana, atsi, ''Lomuntfu angasinika inyama yakhe kutsi siyidle?'' ⁵³ Jesu wase utsi kubo, ''Ngicinisile, ngicinisile, ngaphandle kwekutsi nidle inyama yeNdvodzana yeMuntfu ninatse nengati yayo, angeke nibe nako kuphila kini. ⁵⁴ Loyo lodla inyama yami anatse ingati yami utawuba nekuphila kwaphakadze, futsi ngiyakumvusa ngelilanga lekugcina. ⁵⁵ Ngoba inyama yami ikudla kweliciniso, ingati yami isinatfo seliciniso. ⁵⁶ Loyo lodla inyama yami anatse ingati yami uhlala kimi, nami kuye. ⁵⁷ Njengoba babe lophilako wangitfuma, njengoba nami ngiphila ngababe, naye utawuphila ngenca yami. ⁵⁸ Lesi sinkhwa lesehla sivela ezulwini, hhayi njenga bobabe labadla bafa. Loyo lodla lesinkhwa lesi utophila phakadze.'' ⁵⁹ Kodvwa Jesu wakhuluma letintfo esinagogeni nakafundzisa eKhaphenawume. ⁶⁰ Ngako bafundzi bakhe labanyenti nabakuva loku, batsi, '''Lemfundziso lena ilukhuni; ngubani longayemukela?'' ⁶¹ Jesu, ngoba bekati kutsi bafundzi bakhe bebakhonona ngaloko, watsi kubo, ''Kuniphatsa kabi yini loku? ⁶² Kepha niyowenta njani ke nanibona iNdvodzana yemuntfu yenyukela lapho beyikhona khona ngaphambilini? ⁶³ Ngumoya lophilisako; inyama ayisiti ngalutfo. Lamagama lengiwakhulume kini angumoya, futsi akuphila. ⁶⁴ Nanoma labanye benu bangakholwa," Jesu wati kusukela ekucaleni kutsi bobani labangeke bakholwe futsi bobani labatamnikela. ⁶⁵ Watsi, ''Kungenca yalesizatfu lesi ngize ngitsi kini kute longeta kimi ngaphandle kwekutsi loko akuphiwe nguBabe.'' ⁶⁶ Ngenca yaloko, bafundzi bakhe bamshiya bangasahambi naye. ⁶⁷ Jesu wase utsi kulaba labangu 12, Anifuni kuhamba nani futsi, niyafuna? ⁶⁸ Simoni Phetro wamphendvula, ''Nkhosi, singasuka siye kubani? wena unemavi ekuphila kwa phakadze, ⁶⁹ sikholiwe futsi sesiyati kutsi ungulongcwele wa Nkulunkulu.'' ⁷⁰ Jesu watsi kubo, ''Angikanikhetsi yini, nobangu 12, munye kini ngu uSathane?'' ⁷¹ Nyalo-ke abekhuluma nga Judasi indvodzana ya Simoni Iskariyothi, ngoba kwaku nguye, kulaba labangu 12, lotawunikela Jesu.