¹ Emvakwekube Jesu akhulume lamagama, waphuma nebafundzi bakhe waya ngesheya kwemfudlana Khidroni, lapho bekunengadze labangena kuyo nebafundzi bakhe. ² Nyalo Judasi, lobekatawumkhaphela yena, naye abeyati lendzawo, ngoba Jesu abehlala aya kanye nebafundzi bakhe. ³ Ngako Judasi, ahola sicuku semasotja nabogadzi belithempeli lababetfunywe baphristi labakhulu bakanye nebaFarisi, baya lapho netibane, emalambu netikhali. ⁴ Jesu ke, atati tonkhe letintfo lebetenteka kuye, waya kubo wababuta, '' Nifuna bani?'' ⁵ Bamphendvula batsi, ''Jesu wase Nazaretha.'' Jesu watsi kubo, ''Nginguye''. Judasi, Lowamtsengisa, bekeme nemasotja. ⁶ Watsi nakabatjela kutsi, ''Nginguye'', badeda bawela phansi. ⁷ Phindze wababuta, ''Nifuna bani?'', Baphindze batsi Jesu wase Nazaretha ⁸ Jesu wabaphendvula watsi, nginitjelile kutsi nginguye. Nangabe nifuna mine khululani laba. ⁹ Loku bekwentelwa kugcwalisa lelivi lalisho: ''Kulabo longinike bona, angikalahlekelwa nangumunye.'' ¹⁰ Simoni Phetro, lebenenkemba, wayikhipha, wagalela sisebenti semPhristi lomkhulu wasihhumbula indlebe yangesekudla. Libito lalesisebenti bekunguMalkhusi. ¹¹ Jesu watsi kuPhetro,'' Buyisela lenkemba esikhwameni sayo. Kantsi angeke ngiyinatse yini lendzebe yelusizi Babe langinike yona?'' ¹² Lesicumbi semasotja nakapteni, bogadzi bemaJuda, babamba Jesu bambopha. ¹³ Bacala bammikisa kuAnasi, phela abe ngubabetala waKhayafase, lobekangumphristi lomkhulu kulowo mnyaka. ¹⁴ Khayafase bekunguye lowayala emaJuda kutsi kuncono kufe munye umuntfu afele bonkhe bantfu. ¹⁵ Simoni Phetro walandzela Jesu, nalabanye bafundzi. Loyo mfundzi bekatiwa ngumphristi lomkhulu, wangena naJesu enkantolo jalidi yemphristi lomkhulu; ¹⁶ kodvwa Phetro bekeme emnyango ngephandle. Ngako lolomunye umfundzi lobekatiwe kumphristi lomkhulu, waphuma wayokhuluma nalentfombatane lebeyigadze umnyango, wangenisa Phetro'. ¹⁷ Lesisebenti lesisikati, lebesigadze umnyango, satsi kuPhetro,'' Awusiye yini incenye yebafundzi balendvodza?'' Watsi, ''Angisiye''. ¹⁸ Letisebenti nabogadzi bebamile lapha, babase umlilo, ngoba bekumakhata, botsa. Phetro bekeme nabo naye otsa. ¹⁹ Umphristi lomkhulu wase ubuta Jesu ngebafundzi bakhe netimfundziso takhe. ²⁰ Jesu wamphendvula, ''Ngikhulume ebaleni ngikhuluma nemhlaba wonkhe. Bengifundzisa emasinagogeni nasethemphelini lapho emaJuda ahlanganyela khona. angikasho lutfo lokufihlakele ²¹ Yini ubute mine? Buta labangiva ngikhuluma. Buka, labantfu bangiva kutsi ngatsini.'' ²² Jesu nasekakhulume loku, munye wabogadzi lebekeme lapha washaya Jesu watsi, ''Yindlela lokhuluma ngayo nemphristi lomkhulu yini lena?'' ²³ Jesu waphendvula watsi, ''Nangabe ngikhulume kabi, fakaza ngalolokubi, nangabe kukahle, ungishayelani?'' ²⁴ Anase wamutfumela aboshiwe kuKhayafase umphristi lomkhulu. ²⁵ Simoni Phetro bekemile otsa. Labantfu base batsi kuye,'' awusuye yini munye webafundzi bakhe?'' Waphika watsi, ''Angisuye". ²⁶ Munye wetisebenti temphristi lomkhulu, lebekasihlobo salendvodza Phetro layijube indlebe, watsi ''Angikakuboni yini engadzeni naye?'' ²⁷ Phetro waphika futsi: masinyane lakhala licudze. ²⁸ Base bachuba Jesu wasuka eKhayafase waya emahhovisi lamakhulu akahulumende. Bekusekuseni, futsi abangenanga kulamahhovisi batokhona kutigcina batokhona kudla sidlo seliPhasika. ²⁹ Ngako-ke Pilate waphuma waya ngephandle kubo watsi, '' Ngutiphi tinsolo lenitiletsa ngalendvodza?'' ³⁰ Bamphendvula batsi kuye,'' Kube lendvodza ite licala ngabe asikamuletsi lakuwe.'' ³¹ Pilatu wase utsi, ''Mtsatseni nine, nimehlulele ngekwemtsetfo wenu.'' Ema Juda atsi kuye, ''''Site lilungelo lekubulala umuntfu.'' ³² Bakusho loku kuze livi laJesu litogcwaliseka lalikhuluma nakachaza indlela latakufa ngayo. ³³ Pilatu wangena emahhovisi phindze wabita Jesu watsi kuye, ''Nguwe yini inkhosi yemaJuda?'' ³⁴ Jesu waphendvula watsi, ''Utikhulumela wena yini na, noma labanye bakhulume nawe ngami?''. ³⁵ Pilatu waphendvula watsi, ''Angisilo liJuda mine, ngingilo yini? Bantfu bakho nebaholi bakho bakuletse kimi. Wenteni wena?'' ³⁶ Jesu waphendvula, ''Umbuso wami awusiye wakulelive. Nangabe umbuso wami bekayincenye walomhlaba, ngabe balandzeli bami bangilwele kuze ngingatonikwa emaJuda. Kodvwa umbuso wami akasiye walana.'' ³⁷ Pilatu wase utsi kuye, ''Uyinkhosi kodvwa?'' Jesu wamphendvula,'' Utsi ngiyinkhosi. Ngatalelwa kona loko, ngetela kona loko, ngalesizatfu ngeta emhlabeni, ngitokhona kufakazela liciniso. Wonkhe muntfu weliciniso uyaliva livi lami.'' ³⁸ Pilatu watsi kuye, ''Yini liciniso?"' Nasekashito loku, waphuma phindze waya kumaJuda watsi kubo, '' Angiliboni licala kulendvodza. ³⁹ Kodvwa ngelisiko kumele ngikhulule umuntfu munye ngePhasika. Manje niyafuna yini nginikhululele inkhosi yemaJuda?'' ⁴⁰ Base bayakhala futsi batsi, ''Hhayi lomuntfu lona, kodvwa Bharaba. ''Bharaba abesigelekece.