¹ Ngikhulume letinfo kini kuze ningawi. ² Bayawunikhokha emasinagogweni. kepha sikhatsi siyeta lapho bonkhe labanibulalako bayawucabanga kutsi bakhonta Nkulunkulu. ³ Bayawenta leto tintfo ngoba bangamati Babe nanami. ⁴ Ngikhulumile letintfo kini kute kutsi nasikhatsi sabo sifika, niyawukhumbula kutsi nginiitjelile ngabo. Angikanitjeli ngaletotintfo ekucaleni, ngoba benginani. ⁵ Kepha nyalo ngiya kuye longitfumile, nakube kute lakini longibutako, 'Atsi uyakuphi?' ⁶ Kepha ngoba ngisho leto tintfo kini, buhlungu sebugcwele enhlitiyweni yenu. ⁷ Kepha ngicinisile ngitsi kini kuncono kini kutsi ngihambe ngoba uma ngingahambi, uMdvudvuti angeke ete kini, kepha nangihamba, ngitamtfumela kini. ⁸ Nakefika, UMdvudvuti utawehlulela umhlaba ngesono, ngekulunga, na ngekwahlulela- ⁹ ngesono, ngoba bangakholwa ngimi; ¹⁰ ngekulunga ngoba ngiya kuBabe, aniyuphindze ningibone; ¹¹ nangekwahlulelwa ngokuba umbusi walelive sewahlulelwe. ¹² Nginetintfo letinengi lenginga tisho kini, kepha ningeke niticondze nyalo. ¹³ Kepha ngesikhatsi Moya weliciniso, asefikile, uyakuniholela kulo lonkhe liciniso, ngoba akanakukhuluma ngalokungekwakhe. futsi utawukhuluma loko lakuvako, utawuphindze anitjele tinfo letitako. ¹⁴ Utangikhatimulisa, ngokuba utawutsatsa lakuve kimi anitjele kona. ¹⁵ Konke lokuBabe lanako kwami. Ngako, ngishito kutsi Moya utawutsatsa lokukwami akubikele nine. ¹⁶ Ngesikhashana angeke nisangibona, futsi ngesikhashana nje nitangibona,'' ¹⁷ Ngako labanye bebafundzi batsi kulomunye nakulomunye, ''Yini loku lakusho kitsi, Ngesikhashana anisayikungibona, ngemuva kwesikhashana nitawuphindze ningibone,' ngokuba ngihamba ngiya kuBabe'?'' ¹⁸ Ngako batsi, ''Kuyini lelakushoko, 'ngesikhashana'?Asati kutsi ukhuluma ngani.'' ¹⁹ Jesu wabona kutsi babe funa kumbuta, wase utsi kubo, ''nguloko yini lelenibutana kona, lengikuchazako kutsi, 'ngesikhashana anisayokungibona, phindze futsi ngesikhashana nitangibona'? ²⁰ Ngicinisile, ngicinisile, ngitsi kini, nitawukhala nilile, kepha live litawujabula. Nitawugcwala lusizi, kepha buhlungu benu butawugucuka kutfokota. ²¹ Uma wesifazane abeleka unelusizi ngoba sikhatsi sakhe sesifikile, kepha nasabelekile lomntfwanakhe, akabe asakhumbula buhlungu bakhe ngenca yentfokoto yakhe intfokoto ngoba sekutelwe umuntfu emhlabeni. ²² Ngako seninelusizi nyalo, kepha ngitawuphindze nginibone, tinhlitiyo tenu tiyawutfokota, kute loyawuphindze akutsatse loko kutfokota kwenu. ²³ Ngalelo langa aniyukungibuta lutfo. Ngicinisile, ngicinisile, ngitsi kini. uma nicela nobe yini kuBabe ngelibito lami, utaninika kona, ²⁴ Kute kube ngunyalo anikaceli lutfo ngelibito lami. Celani nitawuphiwa kute kujabula kwenu kugcwaliseke.'' ²⁵ Ngikhulumile letintfo kini ngekufanekisa, kepha siyeta sikhatsi lapho ngingesayu kukhuluma kini ngekufanekisa, esikhundleni saloko ngitanitjela ngalokucacile ngaBabe. ²⁶ ngalolosuku niyakucela ngelibito lami futsi angisho kutsi ngisayonithandazela kuBabe, ²⁷ ngokuba Babe ngekwakhe uyanitsandza ngoba nani ningitsandzile nakholwa kutsi ngivela ku Babe. ²⁸ Ngavela kuBabe, futsi ngite emhlabeni. Ngiphindze ngiyalishiya futsi lelive ngiyakuBabe.'' ²⁹ Bafundzi bakhe batsi, ''Bona, nyalo ukhuluma ngalokucacile awukhulumi ngekufanekisa. ³⁰ Nyalo siyati kutsi wati tonkhe tintfo, awudzingi muntfu akubute imibuto. ngenca yaloko, siyakholwa kutsi uvela ku Nkulunkulu,'' ³¹ Jesu wabaphendvula, ''Seniyakholwa nyalo? ³² Buka, sikhatsi siyeta, yebo, futsi sesifikile, lapho niyawusakateka, nguloyo aye ekhaya lakhe, niyakungishiya ngedvwana. Noko angingedvwa ngoba Babe unami. ³³ Ngikhulumile letintfo kini nite nibe nekuthula kimi. Eveni ninetinhlupheko, kepha banini nekuphikelela, ngincobile umhlaba.''