¹ Ningatenti tinhlitiyo tenu kutsi tikhatsateke . Kholwani nguNkulunkulu, futsi nikholwe nangimi. ² Ekhaya laBabe kunetindlu letinyenti. kube bekungenjalo, ngabe nganitjela, kutsi ngisayo nilungisela indzawo. ³ Mangabe ngihamba ngiyolungisa indzawo yenu, ngitophidze ngibuye futsi nginemukele kimi, kute kutotsi lapho ngikhona nibe khona nani. ⁴ Niyayati indlela yalapho ngiyakhona.'' ⁵ Tomasi watsi kuJesu, ''Nkhosi, asati kutsi uyakuphi, singayati njani indlela?'' ⁶ Jesu watsi kuye, Mine ngiyindlela, neliciniso, nekuphila; kute loya kuBabe ngaphandle kwekutsi aye ngami. ⁷ Mangabe ningati mine, niyamati naBabe wami futsi. Kusukela nyalo niyamati futsi nimbonile.'' ⁸ Filiphu watsi kuJesu, ''Nkhosi, sikhombise Babe, loko kutabe sekwenele kitsi.'' ⁹ Jesu watsi kuye,'' ngibe nawe sikhatsi lesidze kepha loku awungati, Filiphu? Longibonile mine umbonile Babe. Ungasho kanjani , 'sikhombise Babe'? ¹⁰ Awukholwa kutsi ngiku Babe futsi Babe ukimi? Lamavi lengiwakhulumako kuwe angiwakhulumi ngemvume yami, kepha Babe lophila kimi wenta umsebenti wakhe. ¹¹ Ngikholwe mangitsi ngikuBabe, futsi naye ukimi, nome kholwa kulemisebenti matfupha. ¹² Ngicinile, ngicinisile, ngitsi loyo lokholwa ngimi utowenta lemisebenti lengiyentako, uyokwenta nalemikhulu kunalena ngobe ngiya kuBabe. ¹³ Nobe yini leniyicelako egameni lami, ngitawuyenta kute Babe akhatimuliswe endvodzaneni. ¹⁴ Mawucela kimi nobeyini egameni lami, ngitakwenta. ¹⁵ Maningi tsandza, nitawugcina imiyalo yami, ¹⁶ futsi ngitawu khuleka kuBabe, utaninika lomunye uMdvudvuti kute atewuba nani kute kube phakadze- ¹⁷ Moya weliciniso. Umhlaba longeke umemukele ngobe alimuboni nobe alimati. kepha niyamati nine, ngobe uphila nani futsi utawuba kini. ¹⁸ Ngeke nginishiye nodvwa; Ngitawu buya kini. ¹⁹ Naloku ngesikhashana umhlaba ungeke usangibona, kepha nine nitangibona. ngoba ngiyaphila, nani utawuphila. ²⁰ Ngalelolanga niyawukwati kutsi ngikuBabe wami, futsi nani nikimi nami ngikini. ²¹ Loyo lonemyalo wami aphindze awugcine nguye longitsandzako, futsi loyo longitsandzako utawutsandvwa nanguBabe, futsi ngitamtsandza ngiphindze ngitibonakalise kuye. ²² Judasi(hhayi Isikariyothe) watsi kuJesu, Nkhosi, kuyangani kutsi utibonakalise kitsi hhayi emhlabeni. ²³ Jesu waphendvula watsi kuye, '' nobengabe ngubani makatsandza mine, utawugcina livi lami. Babe wami utamtsandza, futsi sitawuta kuye bese sakha likhaya letfu naye. ²⁴ Loyo longangitsandzi akawagcini emavi ami. Lelivi lolivako akusilo lami kepha laBabe longitfumile. ²⁵ Ngikhulume letintfo leti kini, ngisahleti nani. ²⁶ Nokoke, Umdvudvuti-longu Moya loNgcwele lokunguye Babe latamtfumela egameni lami-utawufundzisa konkhe futsi aphindze anikhumbute khonkhe lengikushito kini. ²⁷ Nginishiya nekuthula; ngininika kuthula kwami. angiphi njengendlela umhlaba lopha ngayo. Tinhlitiyo tenu atingakhatsateki, futsi ningesabi. ²⁸ Nivile kutsi ngitsite kini; ngiyahamba, ngitawuphindze ngibuye kini.' Kube beningitsandza, benitawujabula ngobe ngiya kuBabe, Ngobe Babe mkhulu kunami. ²⁹ Nyalo nginitjelile ngaphambi kwekutsi kwenteke kute, masekwenteka, nikholwe. ³⁰ Ngeke ngisakhuluma kakhulu nani, ngobe umbusi walomhlaba sewuyeta. Akanamandla etikwami, ³¹ Kepha kute kutsi umhlaba wati kutsi ngiyamtsandza Babe, ngenta njengobe Babe angiyalile mine. Asisikumeni sambeni lapha.