¹ kwatsi ngelilanga lelilandzelwa nguMkosi wePhasika. Jesu wati kutsi li awa selifikile kutsi ahambe kulona mhlaba aye kuBabe. Njengoba abatsandzile bakhe emhlabeni wabatsandza kwate kwaba sekugcineni. ² Nyalo sathane besavele akufakile enhlitweni ya Judasi Iskariothe indvodzana yaSimon, kutsi akhaphele Jesu. ³ Bekati kutsi babe abenikele konkhe etandleni takhe nekutsi bekabuya ku Nkulunkulu nekutsi abebuyela kuye Nkulunkulu. ⁴ Wasukuma esidlweni sabo santsambama wakhumula ingubo yakhe. Wabopha lithawula elukhalweni lakhe. ⁵ Wase utsela emanti endishini wase ucala kugeza tinyawo tebafundzi bakhe watesula ngelithawula lebekaligigele ekhalweni lwakhe. ⁶ Weta ku Simoni Phetro, Phetro watsi kuye, "Nkhosi utawugeza tinyawo tami?" ⁷ Jesu waphendvula watsi kuye , " loku lengikwentako awukucondzi nyalo kepha utawubuye ukucondza." ⁸ Phetro watsi kuye "Angeke ugeze tinyawo tami." Jesu wamphendvula watsi, "Uma ngingakugezi, ute budlelwane nami." ⁹ Simoni Phetro watsi kuye, "Nkhosi ungagezi kuphela tinyawo tami, kodvwa netandla kanye nenhloko yami." ¹⁰ Jesu watsi kuye, "loyo logeziwe ute sidzingo, ngaphandle kwekutsi ageze tinyawo takhe, kodvwa uhlobile ngalokuphelilisiwe; nihlobile kodvwa hayi nonkhe." ¹¹ (Ngobe Jesu bekati kutsi ngubani lebekatomukhaphela; ngiko atsi, "akusini nonkhe lenihlobile.") ¹² Ngako emva kwekutsi Jesu abageze tinyawo watsatsa tembatfo takhe wase uhlala phansi futsi, watsi kubo, "Niyakwati lenginentele kona? ¹³ Ningibita nge "mfundzisi" ne "Nkhosi" futsi nisho kahle, ngobe vele kunjalo. ¹⁴ Nangabe mine ke, iNkhosi na thishela, ngigeze tinyawo tenu, nani nibogezana. ¹⁵ Ngobe nginikike sibonelo khona nitokwenta njengoba nami ngentile kini. ¹⁶ Ngicinisile ngicicnisile ngitsi kini, sisebenti asisiko sikhulu kunemphatsi waso; nesitfunywa asisikhulu kunalositfumile. ¹⁷ Nangabe nitati letintfo leti, nibusisekile nangabe nitenta. ¹⁸ Angikhulumi ngani nonkhe; ngiyabati labo lengibakhetsile_kodvwa loku kwentela kutsi umbhalo agcwaliseke: "loyo lodla sinkhwa sami ungiphakamisele sitsendze." ¹⁹ Nginitjela loku nyalo kusengakenteki kukhona kutsi maseyenteka nitokholwa kutsi Nginguye. ²⁰ Ngicinisile ngcinisile ngitsi kini, loyo lowemukela lengimutfumile umukela mine, futsi lomukela mine umukela lona longitfumile." ²¹ Jesu makasho loku, bekakhatsatekile emoyeni. Wafakaza watsi, "Ngicinisile ngicinisile ngitsi kini munye wenu utangikhaphela." ²² Bafundzi babukana, batibuta kutsi ngabe ngubani labekhuluma ngawe. ²³ Munye walabafundzi bakhe, Jesu labemtsandza, abehleti phansi etafuleni ngase eceleni kwaJesu. ²⁴ Simoni Phetro watsi kulomfundzi, "Mbute kutsi ngubani lakhuluma ngaye." ²⁵ Ngako weyama kuJesu watsi kuye, "Nkhosi, ngubani?" ²⁶ Jesu wase uphendvula utsi, "Ngulona lengitawufaka lucetu lwesimkhwa bese ngiyamnika." Watsi makacwilisa lesinkhwa, wasinika Judasi indvodzana ya Simoni Iskariyothe. ²⁷ Emva kwalesinkhwa, sathane wangena kuye, ngako Jesu watsi kuye, "Lokwentako, kwente uphangise." ²⁸ Nyalo kute lobekahleti phansi etafuleni bekati kutsi leni asho loko kuye. ²⁹ Labanye bacabanga kutsi, ngobe Judasi abene sikhwama semali, Jesu watsi kuye, "Tsenga lesitakudzinga ngemkhosi," nobe aphe labaphuyile. ³⁰ Emva kwekube Judasi amukele sinkhwa, waphuma ngaleso sikhatsi, kusebusuku. ³¹ Judasi asahambile, Jesu watsi, nyalo indvodzana yemuntfu ikhatimulisiwe, futsi Nkulunkulu ukhatimulisiwe kuyo. ³² Nkulunkulu utayikhatimulisa kuye, futsi ayikhatimulise ngekushesha. ³³ Bantfwanyana, nginani ngesikhashana. Nitongifuna , futsi njengoba ngishito kumaJuda, "lapho ngiya khona , ngeke nikhone kuta, loku ngikusho nakini manje. ³⁴ Ngininika umtsetfo lomusha, kutsi tsandzanani; njengoba nginitsandzile, nani ke nibotsandzana. ³⁵ Ngaloku wonkhe muntfu utokwati kutsi nibafundzi bami, nangabe nitsandzana ³⁶ Simoni Phetro watsi kuye, Nkhosi, uyakuphi? Jesu waphendvula, lapho ngiya khona ngeke nikhone kungilandzela nyalo, kodvwa nitobuye ningilandzele. ³⁷ Phetro watsi kuye, Nkhosi, ngeke ngikhone leni kukulandzela nyalo? ngitawunikela imphilo yami ngiyinikelele wena. ³⁸ Jesu waphendvula watsi, ungakubeka yini phansi kuphila kwakho ngenca yami? "'ngicinisile ngicinisile gitsi kuwe. lichudze ngeke likhale ungakangiphiki katsatfu."