¹ Emalanga lasitfupha ngaphambi kwekuba liPhasika, Jesu waya eBethani, lapho bekuna Lazaro khona, loyo Jesu abemvusile ekufeni. ² Ngako ke bamentela kudla kwantsambama khona lapho, naMata abesita, kodvwa Lazaro bekangulomunye lebekalele phansi etafuleni kanye na Jesu. ³ Mariya watsatsa lilitha lemakha lebe yakhiwe ngentfo leligugu lehlobile yelinadi, wagcobisa tinyawo taJesu, wabese usula tinyawo takhe ngetinwele takhe. Indlu yagcwala liphunga lemakha. ⁴ Judasi Iskariyothi, lebengulomunye webafundzi, angu lebe atawumkhaphela yena, watsi, ⁵ ''Leni lamakha angatsengiswa ngemakhulu lamatsatfu abodenariyu ibese kuniketwa labaphuyile? ⁶ 'Washo loko hhayi ngoba bekanakekela labaphuyile kepha kungobe bekasigebengu. Bekanesikhwama semali abese uyeba loko lobe kufakwe lapha kuso. ⁷ Jesu watsi, ''mvumeleni kutsi agcinele lilanga lemngcwabo loko lanako. ⁸ Nitohlala njalo ninabo labaphuyile. Kodvwa ngeke nihlale nami njalo.'' ⁹ Sicuku semaJuda satfola kutsi Jesu bekakhona lapho, beta, hhayi kuphela kuJesu, kodvwa kutobona Lazaro, loyo Jesu lebekamvusile ekufeni. ¹⁰ Baphristi labakhulu benta licebo kanye kanye kutsi bambulale Lazaro; ¹¹ Ngoba nguye lowente kutsi incumbi yemaJuda ihambe iyokholwa nguJesu. ¹² Ngelilanga lelilandzelako sicuku saya emkhosini. Nabeva kutsi Jesu beketa eJerusalema, ¹³ batsatsa emagala elisundvu bahamba bayohlangabeta Jesu bamemeta kakhulu batsi, ''Hosana! Ubusisiwe lota ngelibito leNkhosi, Inkhosi yaka Israyeli.'' ¹⁴ Jesu watfola imbongolo lencane wahlala etikwayo; njengoba kwakubhaliwe, ¹⁵ ''Ungesabi, ndvodzakati yase Siyoni; bona, iNkhosi iyeta, ihleti ngetulu kwesidonkana''. ¹⁶ Bafundzi bakhe bebangaticondzi tonkhe letintfo ekucaleni; kodvwa nangabe Jesu asakhatimulisiwe, bakhumbula letintfo kutsi tibhaliwe ngaye nekutsi batentile letintfo kuye. ¹⁷ Sicuku safakazela kutsi bebakadze banaye ngesikhatsi abita Lazaro kutsi aphume ethuneni wamvusa kulabafile. ¹⁸ Kwakungulesi sizatfu kutsi sicuku sahamba sayohlangana naye, ngoba bebevile kutsi wente lesibonakaliso. ¹⁹ Bafarisi babonisana batsi, ''Bukani, kute longakwenta; buka, umhlaba sowuyamlandzela.'' ²⁰ EmaGriki bekasemkhatsini kulabo labekahamba ayodvumisa emkhosini. ²¹ Bahamba baya kuFiliphu, lebekasuka eBethsayida lase Galile, bambuta batsi, ''Mnumzane, sifuna kubona Jesu''. ²² Filiphu wahamba watjela Andreya; Andreya wahamba naFiliphu, batjela Jesu. ²³ Jesu wabaphendvula watsi, ''Lihora selifikile kutsi iNdvodzana yeMuntfu ikhatimuliswe. ²⁴ Ngicinisile, ngicinisile, ngitsi kini, ngaphandle kwekutsi luhlavu lwakolo luwele emhlabeni bese luyafa, luhlala lunjalo lulodvwana; kodvwa malufa, lutotsela titselo letinyenti. ²⁵ Loyo lotsandza imphilo yakhe uyolahlekelwa ngiyo; kodvwa loyo lotondza imphilo yakhe kulomhlaba utophila imphilo yaphakadze. ²⁶ Nangabe lomunye angikhonta, akangilandzele; nalapho ngikhona khona, kulapho kuyoba netisebenti tami khona. Nangabe lomunye angikhonta, naBabe utomhlonipha. ²⁷ Umphefumulo wami ukhatsatekile kufute ngitsini? 'Babe, ngisindzise kulelihora''? Kodvwa kungalesizatfu ngifikile kulelihora. ²⁸ Babe, malikhatimuliswe libito lakho. ''Kwevakala liphimbo livela eZulwini litsi,'' Ngilikhatimulisile ngitophindze ngilikhamulise futsi.' ²⁹ 'Sicuku lebesime eceleni seva kutsi selidvumile. Labanye batsi,'' Ingelosi ikhulume kuye.'' ³¹ Jesu waphendvula watsi, ''Leliphimbo aliketi ngenca yami, kodvwa ngenca yenu. ³⁰ Nyalo sikhatsi sekwehlulela lomhlaba: Umbusi wamlomhlaba utolahlelwa ngaphandle. ³² Nangabe ngiphakanyisiwe emhlabeni, ngitodvonsela wonkhe umuntfu kimi' ³³ 'Wakusho loko kuveta kutsi utokufa kufa lokunjani. ³⁴ Lesicuku samphendvula satsi, ''Sivile emtsetfweni kutsi Khristu utohlala phakadze. Ungakusho kanjani kutsi indvodzana yemuntfu kufanele iphakanyiswe? Ngubani lendvodzana yemuntfu?'' ³⁵ Jesu watsi kubo, ''Kukhanya kutoba nani kwesikhashana. Hambani nisenekukhanya, kuze bumnyama bunganifikeli. Loyo lohamba ebumnyameni akati kutsi uyaphi. ³⁶ Nisenekukhanya, kholwani ekukhanyeni nitoba ngemadvodzana ekukhanya.'' Jesu watisho letintfo wabese uyahamba uyobabhacela. ³⁷ Njengoba Jesu bekente leminyenti imimangaliso phambi kwabo, kodvwa abakholwanga kuye. ³⁸ Kuze lelivi lemphrofethi Isaya litogcwaliseka, lapho atsi khona: ''Nkhosi, ngubani lowakholwa ngumbiko, Ngubani lowembulelwa umkhono weNkhosi?'' ³⁹ Ngalesizatfu lesi abakukholwanga, njengoba Isaya bekakushito,' ⁴⁰ 'Wabaphumphutsekisa emehlo abo wabese ubenta tinhlitinyo tabo tabalukhuni; nakungenjalo batawubona ngemehlo abo baphindze bakucondze ngetinhlitiyo tabo, ngigucuke, ngiphindze ngibaphilise'', ⁴¹ Isaya watisho letintfo ngoba wabona inkhatimulo yaJesu wakhuluma ngaye. ⁴² Kodvwa nome kunjalo, labanyenti baholi bakholwa nguJesu; kodvwa ngenca yebaFarisi, abakhonanga kukuvuma loko kute bangetewucoshwa esinagogeni. ⁴³ Batsandza kudvunyiswa bantfu kakhulu kunekudvunyiswa nguNkulunkulu. ⁴⁴ Jesu wakhala kakhulu watsi, ''Loyo lokholwa kimi, akakholwa nje ngimi kuphela kodvwa aphindze akholwe naye longitfumile. ⁴⁵ Naloyo longibonile ubone loyo longitfumile. ⁴⁶ Ngite njengekukhanya emhlabeni, kutokutsi loyo lokholwa ngimi ngeke ahlale ebumnyameni. ⁴⁷ Nangabe niva emavi ami kodvwa ningawagcini, anginehluleli; ngoba angiketi kutowehlulela umhlaba, kodvwa ngitele kutosindzisa umhlaba. ⁴⁸ Loyo longalako mine naloyo longawemukeli emavi ami, unaye lamehlulelako. Livi lengilikhulumile litamehlulela ngelilanga lekugcina. ⁴⁹ Ngoba angitikhulumeli ngekwami, kodvwa nguBabe longitfumile, longinike umlayeto ngalengingakusho nalengingakukhuluma. ⁵⁰ Ngiyati kutsi umlayeto wakhe ukuphila lokuphakadze, njengoba loko lengikushoko ngikusho njengobe Babe akukhulume kimi, kanjalo nami ngiyakhuluma''.