¹ Bekunendvodza lebeyigula libito layo kunguLazaru. Abewase Bethani, lidolobha lakuboMariya nadzadzewabo Mata. ² BekunguMariya lowagcobisa tinyawo taJesu ngemakha wase utesula ngetinwele takhe, lebe umnakabo kunguLazaru lebe agula ³ Labodzadze bakhe base batfumela kuJesu, '''Nkhosi, buka, lona lomtsandzako uyagula. '' ⁴ UmaJesu akuva loko , Watsi, '' Lokugula akusho kufa, kepha kukwenkhatimulo yaNkulunkulu kute indvodzana yemuntfu ikhatimuliswe ngako.'' ⁵ Jesu abebatsandza boMata , nadzadzewabo kanye naLazaru. ⁶ Uma Jesu akuva kutsi laZaru uyagula , Jesu wahlala emalanga lamabili futsi la abekhonakhona. ⁷ Emva kwaloko , watsi kubafundzi, asambeni eJudiya.'' ⁸ Bafundzi base batsi kuye, ''Mfundzisi, kwamanje emaJuda etama kukungcoba ngematje, kepha ubuyela khona futsi? '' ⁹ Jesu waphendvula,'' angitsi lilanga liyaphuma liphindze lishone? Uma umuntfu ahamba ekukhanyeni ngeke ate aphambuke , ngobe uyakubona kukhanya kwemhlaba ¹⁰ Kepha , nakahamba ebumnyameni , angaphambuka ngobe kukhanya akukho kuye.'' ¹¹ washo letintfo, emvakwaletintfo, Watsi kubo, ''Umhlobo wetfu Lazaru ulele, kepha ngiyahamba ngiyomvusa.'' ¹² Bafundzi base batsi kuye ,''Nkhosi, uma alele utawululama. '' ¹³ Jesu abekhuluma ngekufa kwakhe, Kepha bacabanga kutsi ukhuluma ngekulala kwekuphumula. ¹⁴ Jesu wase utsi kubo ngalokucacako, '' Lazaru ufile. ¹⁵ Ngiyajabula kutsi bengingekho lokutonenta nikholwe. Asambeni kuye. '' ¹⁶ Tomasi, abebitwa ngekutsi liwele, watsi kubafundzi bakhe, ''Asambeni kute sitofa kanye naJesu.'' ¹⁷ Uma Jesu afika , watfola kutsi Lazaru sewuvele usethuneni emalanga lamane. ¹⁸ IBethani yayisedvute ne Jerusalema, lokungaba ngemakhilomitsa lamatsatfu budze. ¹⁹ lamanyenti emaJuda abete kuMata naMariya , kuyobadvudvuta ngemnakabo. ²⁰ Mata, nakeva kutsi Jesu uyeta , waya kuyomhlangabeta , kepha Mariya abehleti endlini. ²¹ Mata wase utsi kuJesu, '' Nkhosi kube bewukhona ngabe umfowetfu uyaphila. ²² kepha namanje ngiyati kutsi konkhe lokucelako Nkhulunkulu angakuniketa.'' ²³ Jesu watsi kuye, ''umnakenu utovuka.'' ²⁴ Mata wase sewutsi kuye, '' Ngiyati kutsi utawuvuka ngelilanga lekuvuswa kulabafile. ²⁵ Jesu watsi kuye, ''Mine ngikuvuka nekuphila; loyo lokholwa ngimi noma angafa utophila; ²⁶ wonkhe lophila akholwe ngimi angeke afe. uyakukholwa loko?'' ²⁷ Watsi kuye, ''yebo, Nkhosi, ngiyakholwa kutsi unguKhristu, iNdvodzana yaNkulunkulu, loweta emhlabeni.'' ²⁸ Emvakwekusho loko , wase uyahamba wabita dzadzewakhe Mariya emasitseleni. Watsi, uMfundzisi ulapha uyakubita .'' ²⁹ Watsi kube akuve loko wasukuma ngekusheshe waya kuye. ³⁰ Jesu abesangake fiki edolobheni abesolo akulendzawo lapha Mata ahlangana naye khona. ³¹ Ngako emaJuda lebe anaye endlini ete kutomdvudvuta, babona Mariya asavukile waphumela ngephandle, bamlandzela, bacabanga kutsi uya ethuneni kuyokhala. ³² Uma Mariya efika kulendzawo lakhona Jesu abekhonakhona , wawela etinyaweni taJesu watsi kuye, '' Nkhosi, kube bewukhona ngabe umnaketfu uyaphila ³³ Watsi Jesu na ambona akhala kanye nemaJuda bekahamba nawo akhala , Watsintseka kakhulu emoyeni, weva buhlungu kakhulu; ³⁴ Watsi, ''Nimbekephi? '' Batsi kuye, '' Nkhosi, wota utewubona.'' ³⁵ Jesu wakhala. ³⁶ EmaJuda atsi, Buka banganan labatsandza Lazaru!'' ³⁷ kepha labanye babo batsi, ''Bekungeke yini lendvodza levule emehlo emphumphutse, yente lendvodza ingafi?'' ³⁸ Jesu waphindze futsi, watsintseka kakhulu, waya ethuneni. Belingumgedze lalivalwe ngelitje. ³⁹ Jesu watsi,'' Susani lelitje.''Mata, dzadze wabo Lazaru, lebe afile, watsi, ''Nkhosi, lesidvumbu kufute kube sesibolile ngobe sekumalanga lamane afile.'' ⁴⁰ Jesu watsi kuye,'' Angkasho yini kuwe kutsi uma ukholwa, utobona inkhatimulo yaSimakadze ⁴¹ Base bayasusa lelitje. Jesu wabhekisa emehlo akhe phetulu watsi,'' Babe, ngiyabonga kutsi uyangiva. ⁴² Ngiyati uhlale ungilalela njalo, kepha ngobe lesicuku lesime lapha emaceleni kwami, kute bakholwe kutsi ngitfunywe nguwe ⁴³ Emvakwekusho loko, wamemeta kakhulu ngelivi lelikhulu, ''Lazaru, phumela phandle!'' ⁴⁴ Lendvodza leyayifile yaphumela phandle; tinyawo takhe netandla tatibhandishwe ngedvwango, nebuso bakhe babubhandishwe ngedvwango. Jesu watsi kubo mkhululeni bese uyahamba." ⁴⁵ EmaJuda lamanyenti lebe efike naMariya lakubona loko lakwenta Jesu akholwa nguye. ⁴⁶ Labanye babo bahamba baya kubaFarisi babatjela ngaloku Jesu abekwentile. ⁴⁷ Baphristi labakhulu nebaFarisi bahlangana neliqoqo batsi, ''Sentanjani? Lomuntfu wenta tibonakaliso letinyenti. ⁴⁸ Uma simyekela kanje, bonkhe batokholwa nguye; EmaRoma atokuta atsatse lendzawo kanye nalelive letfu.'' ⁴⁹ Lenye indvodza ekhatsi kubo , Khayifasi, Lebe angumphristi lomkhulu ngaloyo mnyaka, watsi kubo, '' anati lutfo nine. ⁵⁰ Aninaki kutsi kuncono kini kutsi umuntfu munye afele bantfu kunekutsi sive sonkhe sibhubhe.'' ⁵¹ Loko lakusho kwakungasuki kuye. kunaloko, angumphristi lomkhulu kuloyo mnyaka, Waphrofetha kutsi Jesu utofela Live; ⁵² kepha ayi live lodvwa, kepha kute bonkhe bantfwana baNkulunkulu labasakatekile babuyele babe munye. ⁵³ Kusukela ngalelo langa bacala benta emacebo kutsi bangambulala kanjani. ⁵⁴ Jesu wase akasahambi ebaleni kumaJuda, wase uyasuka khona waya kulelinye live lelalisedvute nelihlane edolobheni lelibitwa ngekutsi Efrayimu. Lapho afike wahlala nebafundzi khona. ⁵⁵ Liphasika lemaJuda bese lisondzele, bantfu labanyenti besuka baya eJerusalema besuka emaphandleni phambi kwePhasika lapho bebafike batihlambulule khona. ⁵⁶ Bebasolo babuke Jesu, bakhuluma bodvwa basemile ethempelini, ''nicabangani ? Kutsi ngeke ete kulomkhosi?'' ⁵⁷ Bapristi labakhulu nebafarisi bakhipha simemetelo kutsi nakukhona lowati kutsi Jesu ukuphi kufanele abike kute batombamba.